Kwamamaza

Abanya-Tanzania bitambitse ubusabe bw’Abanyarwanda bashaka gukorera i Dar es Salaam

Yanditswe kuya 16-09-2016 saa 09:10' na Rabbi Malo Umucunguzi


Umuyobozi w’Ihuriro ry’Ibigo bitanga serivisi zo kwambutsa ibicuruzwa muri Tanzania, TAFFA, Steven Ngatunga yasabye guverinoma y’icyo gihugu kudaha agaciro ubusabe bw’u Rwanda rushaka ko Abanyarwanda bazajya bigenzurira ibicuruzwa byarwo byinjira muri gasutamo ku cyambu cya Dar Es Salaaam.

Ngatunga yavuze ko mu byumweru bitatu bishize itsinda ryaturutse mu Rwanda ryari i Dar es Salaam muri Tanzania rigirana ibiganiro n’inzego zitandukanye, biza kumenyekana ko basabaga Guverinoma ya Tanzania uburenganzira bwo kwigenzurira ibicuruzwa (clearing), ibintu Abanyatanzania badakozwa.

The Citizen yatangaje ko Ngatunga asanga guverinoma yabo idakwiye kubyemera kuko bizatuma bamwe mu benegihugu batabasha kubona imirimo uko bikwiye.

Yagize ati “Barashaka kuduhenda ubwenge birengagije ko amasezerano yo guhuza za gasutamo agena abanyamuryango baturutse mu kindi gihugu bategura ibyangombwa by’imizigo yabo, bakabishyikiriza bagenzi babo mu gihugu icyambu giherereyemo akaba ari cyo kibisuzuma.’’

Muri iri genzura ryo muri gasutamo, hanyuzwamo ibicuruzwa mbere y’uko byinjira mu gihugu cyangwa bigisohokamo, hakarebwa niba nta kibazo bifite haba no mu bijyanye n’imisoro, mbere y’uko byambutswa.

Ibi Ngatunga yakomeje abihuza no kuba Abanyarwanda bashaka kubuza imirimo abaturage ba Tanzania no kubabuza kubyaza umusaruro icyambu cyabo.

Uyu muyobozi wa TAFFA yavuze ko yamaze gutanga ikirego mu ishami rishinzwe imizigo inyuzwa ku byambu mu Muryango wa Afurika y’u Burasirazuba, East African Community Freight Forwarders, ashimangira ko uyu muryango wemeza neza ko ibihugu bigomba kubanza guha amahirwe abenegihugu babyo mu bijyanye no gutanga imirimo igihe bayifitiye ubumenyi.

Yakomeje kandi avuga ko na Perezida John Magufuli ubwe aheruka kuvuga ko nk’imirimo ijyanye no kugenzura ibicuruzwa byinjira mu gihugu cyangwa ubwikorezi bwabyo byajya bikorwan’Abanyatanzania.

Umuyobozi w’Ihuriro ry’Ibigo bitanga serivisi zo kwambutsa ibicuruzwa muri Tanzania, TAFFA, Steven Ngatunga

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 1 Ukwakira 2016
Copyright © 2009 -2014 - IGIHE Ltd - All Rights Reserved