00:00:00 IGIHE NETWORK KN KINYARWANDA EN ENGLISH FR FRANCAIS

Ibyihariye kuri Pax Android POS, imashini nshya ya Ecobank ifasha abakiliya kwishyura ibicuruzwa na serivisi

Yanditswe na Mukahirwa Diane
Kuya 20 Nyakanga 2021 saa 12:13
Yasuwe :
0 0

Banki y’Ubucuruzi ya Ecobank Rwanda Plc, ikomeje kuba ku isonga mu gutanga serivisi z’imari mu buryo bw’ikoranabuhanga, ibi bikaba byorohereza abakiliya bayo kugera kuri serivisi z’imari mu buryo bwihuse.

Muri serivisi iyi banki itanga yifashishije ikoranabuhanga usanga ahenshi hakoreshwa imashini izwi nka ‘POS’ ifasha umukiliya kwishyura ibicuruzwa mu maguriro atandukanye atiriwe akora ku mafaranga.

Iyi mashini Ecobank irayisanganywe ariko mu rwego rwo kurushaho guha abakiliya bayo serivisi nziza ijyanye n’igihe, yahisemo kuyivugurura, iyishyira mu buryo bugezweho bwa ‘Pax Android’.

Ikoze mu ikoranabuhanga rigezweho rya ‘touch screen’, ndetse ibasha kubika umuriro igihe kirekire.

Akarusho kayo ni uko ifata internet ya 4G iri ku muvuduko wo hejuru kandi ijyamo sim card ebyiri, iyo imwe umuvuduko wayo uri hasi, ihita ifata ifite uri hejuru bitagusabye kujya guhindura ibizwi nka ‘Auto switching.’

Iyi POS ushobora kuyikoresha nka telefoni kuko ifite n’aho wafatira amafoto n’ibindi bigaragara kuri telefoni zigezweho birimo ‘applications’.

Umwihariko w’iyi mashini watuma buri muntu wese ayitunga ni uko ikora ku makarita yose yaba aya Ecobank cyangwa ay’izindi banki.

Hari abantu bajya bagira impungenge mu gukoresha ikoranabuhanga kuko baba batizeye umutekano w’amafaranga yabo, iyi POS nshya ikoze mu buryo umutekano wayo uri hejuru kuko iyo ushyizemo umubare w’ibanga ntawe ubasha kuwigana ko iyo igikorwa cyarangiye imibare iza ku kirahure irahinduka.

Ku bacuruzi bakenera kubika amakuru y’ibyakozwe, iraborohereza kuko ibasha kuyabika mu gihe cy’amezi atanu, bakabasha no kuyareba batagiye kuri banki.

Ku mucuruzi wifuza kuyitunga asabwa kuba afite konti muri Ecobank n’utayifite akagana ishami akayifungurirwa ndetse n’icyangombwa cya RDB, ubundi agasaba iyi POS ku ishami rya Ecobank rimwegereye akayihabwa ku buntu.

Umuyobozi ushinzwe Serivisi zo kwishyura hakoreshejwe Ikoranabuhanga muri Ecobank Rwanda Plc, Joselyne Mutesi, yabwiye IGIHE ko iyi POS yashyizweho kugira ngo borohereze abakiliya kubona serivisi z’imari bakoresheje ikorabuhanga ryizewe.

Yagize ati “Iyi POS yorohereza abakiliya kwishyura mu maguriro atandukanye hatabayeho guhererekanya amafaranga, kandi yorohereza n’abacuruzi kwishyurwa ku buryo bworoshye kand bwihuse.

“Ikindi kandi amafaranga yawe aba afite umutekano, kuko igihe cyose wishyuwe agera kuri konti yawe bitagusabye gutwara amafaranga mu ntoki ndetse no kuba watakaza umwanya uyajyanye kuri banki."

Kugeza ubu Ecobank ikorera mu bihugu 33 bya Afurika birimo u Rwanda, Uganda, u Burundi, Kenya, Tanzania, Guinea-Bissau, Sierra Leone, Liberia, Côte d’Ivoire, Burkina Faso, Ghana, Togo, Bénin, Niger, Nigeria, Cameroun, Chad, Guinée équatoriale na Sao Tomé-et-Principe.

Hari kandi Gabon, Congo Brazzaville, Centrafrique, Sudani y’Epfo, RDC, Sénégal, Zambia, Malawi, Zimbabwe, Cape Vert, Guinea, Mali, Gambia na Mozambique.

Iyi POS ijyamo amakarita yose kandi umuntu akaba yizeye umutekano w'amafaranga ye
Umucuruzi uyifuza ayibona ku buntu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .