Abazajyana na Home Rwanda gusura Pariki y’Akagera bijejwe umwihariko

Yanditswe na Ferdinand Maniraguha
Kuya 9 Ukwakira 2018 saa 01:35
Yasuwe :
0 0

Sosiyete itembereza ba mukerarugendo, Home Rwanda Safaris, yateguye uruzinduko ruzafasha abanyarwanda gutembera muri Pariki y’Akagera muri aya mezi inyamaswa nyinshi ziba zaje hafi y’aho abantu banyura.

Buri kwezi, Home Rwanda Safaris itegura uruzinduko muri Pariki z’igihugu igamije korohereza abanyarwanda n’abanyamahanga gusura ibyiza bitatse u Rwanda.

Umuyobozi Mukuru wa Home Rwanda Safaris, Tuyigire Aimable yabwiye IGIHE kuri uyu wa Gatandatu tariki 13 Ukwakira, bateguye urugendo rwihariye muri Pariki y’Akagera, ruzafasha abarwitabiriye kubona nyinshi mu nyamwaswa zibarizwamo.

Yagize ati “Iyi nshuro isa n’aho yihariye kuko inyamaswa nyinshi zirimo kuboneka. Nk’inzovu akenshi zikunze kutaboneka, amakuru dufite ni uko ziri hafi, ziboneka mu gice uhingukiramo ucyinjira muri pariki, intare nazo ziraboneka.”

“Iki ni igihe cyiza cyane ku bantu bashaka gusura pariki kuko nicyo gihe inyamaswa nka 80 % ziba zaje ziri hafi.”

Pariki y’Igihugu y’Akagera ni imwe muri pariki zikomeye kuko icumbikiye inyamaswa eshanu zikomeye muri Afurika zirimo intare, inzovu, imbogo, ingwe n’inkura.

Ibiciro byo kujyana na Home Rwanda Safaris muri Pariki y’Akagera ni 35 000 Frw ku muntu umwe, 45 000 Frw ku bantu babiri n’amadolari 120 ku banyamahanga. Abaturuka mu bihugu byo muri Afurika y’Iburasirazuba ishyura kimwe n’abanyarwanda.

Muri ayo mafaranga haba harimo itike y’urugendo, ibyo kurya bya saa sita ndetse n’ibiribwa boroheje by’urugendo. Harimo kandi amafaranga yo kwinjira muri pariki n’umuntu uzafasha abakerarugendo gusobanukirwa ibyiza biri muri pariki.

Kuwa Gatandatu tariki 20 Ukwakira, Home Rwanda safaris izajyana n’abantu muri pariki ya Nyungwe.

Amatike ari kugurishirizwa ku biro bya Home Rwanda Safaris kuri Champion Hotel i Remera cyangwa ugahamagara kuri 0788206999.

Imbogo ni zimwe mu nyamaswa zo muri Pariki y'Akagera ziyongereye
Muri aya mezi inzovu ziba ziri hafi y'aho abasura pariki banyura

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza