Mu ngoro y’amateka hafunguwe ibyumba bimurikirwamo inzoka

Yanditswe na

Deus Ntakirutimana

Kuya 1 Ugushyingo 2013 saa 09:17
Yasuwe :
0 0

Inzoka z’impiri, uruziramire, inshira, ikiryambeba n’izindi zatangiye kwerekwa Abanyarwanda nka bimwe mu biranga amateka y’u Rwanda.
Kuri izi nzoka hiyongeraho n’ingona nini yafatiwe mu Bugesera, aho ibi binyabuzima byitezweho gukurura ba mukerarugendo benshi kuko bitari bisanzwe biboneka ku buryo bworoshye.
Izi nzoka zamurikiwe, hanafungurwa ku mugaragaro aho zizajya zisurirwa kuwa Kane tariki ya 31 Ukwakira 2013 mu ngoro y’umurage y’amateka kamere y’u Rwanda i Kigali.
Umulisa Alphonse, (...)

Inzoka z’impiri, uruziramire, inshira, ikiryambeba n’izindi zatangiye kwerekwa Abanyarwanda nka bimwe mu biranga amateka y’u Rwanda.

Kuri izi nzoka hiyongeraho n’ingona nini yafatiwe mu Bugesera, aho ibi binyabuzima byitezweho gukurura ba mukerarugendo benshi kuko bitari bisanzwe biboneka ku buryo bworoshye.

Izi nzoka zamurikiwe, hanafungurwa ku mugaragaro aho zizajya zisurirwa kuwa Kane tariki ya 31 Ukwakira 2013 mu ngoro y’umurage y’amateka kamere y’u Rwanda i Kigali.

Umulisa Alphonse, umuyobozi mukuru w’ingoro z’umurage z’amateka y’u Rwanda yavuze ko iri murika ry’ibikururanda n’ibikeri bizafasha gukurura ba mukerarugendo, igihugu kikunguka amadovize kuko ngo n’ubwo inzoka ari mbi ariko ko abantu badakunze kugira amahirwe yo kuyireba bitonze kandi batuje ko itabasagarira.

Yagize ati “Ubu ni ubukerarugendo bushya, twitezeho ko buzongera ba mukerarugendo. U Rwanda ruratuje n’Abanyarwanda bazitabira gusura ubu bukerarugendo bushya”.

Akandi kamaro k’izi nzoka ngo ni uko zizafasha abanyeshuri mu Rwanda bigaga amasomo y’ibinyabuzima ariko bagera ku nzoka ugasanga badapfa kuzibona kuko bigoranye cyane ariko ngo ubu iki kibazo cyakemutse.

Kugira ngo izi nzoka zigere muri iyi nzu ndangamurage zahazanywe na Dr Herald Hinkel, ufite impamyabushobozi y’ikirenga mu nzoka n’ibikeri wageze mu Rwanda mbere ya Jenoside yakorewe Abatutsi. Herald yagiye azikura mu mashyamba atandukanye mu Rwanda harimo ishyamba kimeza rya Nyungwe n’ahandi.

Izi nzoka zinafatwa na bamwe mu bazitaho zigaburirwa imbeba za kizungu. Ikindi nuko umwe mu bana ba Dr Herald uri mu kigero cy’imyaka 12 nawe azifata uretse ko yirinda gufata impiri n’uruziramire kuko avuga ko zamurya.

Inzoka irya imbeba

Muri iyi nzu kandi harangwa amateka y’u Rwanda atandukanye arimo ay’isi guhera ku iremwa ry’isi n’uko ibinyabuzima byagezeho.

Ikindi nuko hari ibuye u Rwanda rwahawe na Amerika mu 1973 ryavuye ku kwezi aho iki gihugu cyahawe ibendera ry’u Rwanda ry’icyo gihe rikarijyana ku kwezi.

Ingona yamaze abantu mu Bugesera irasurwa

Ikindi kiri muri iyi nzu ni ingona nini ifite metero eshatu z’uburebure n’umubyimba wapima metero ebyiri uramutse urambuwe yiciwe mu karere ka Bugesera mu Kiyaga cya Cyohoha.

Iyi ngona ngo yari yarishe abantu benshi yaje kubagwa isangwamo umutwe w’umuntu, imyambaro ye n’inkweto, izi nkweto ziri muri iki cyumba hafi yayo.

Amateka y’intambara y’Isi muri iyi nzu

Iyi nzu irimo amapine abiri y’imodoka (ikamyo) Abadage bifashishaga mu ntambara ya mbere y’ Isi, amapine yavumbuwe mu cyahoze ari Gisenyi.

Uretse aya mapine kandi ngo hari n’ubwato bunini bwarohamye mu kiyaga cya Kivu muri icyo gihe bwakoreshwaga n’Abadage nabwo bwitezwe kuzavanwamo bukazashyirwa muri iyi nzu.

Umulisa yavuze ko muri Kamena 2014 ubu bwato buzaba bwavanwemo. Icyabanje kugorana ngo ni uko iki kiyaga gifite ubujyakuzimu burebure ku buryo kubuvanamo bizakorwa n’inzobere.

Ingoro z’amateka ndangamurage mu Rwanda ni esheshatu hakiyongeraho n’ahanhi hantu 80. Icyicaro gikuru cyazo kikaba i Kigali ahabaye Rezida w’u Rwanda, Dr Richard Kandt.

Inzoka zamuritswe zirimo uruziramire, impiri, impinira, inshira harimo iyitwa kirezi n’indi yitwa rukara, ikiryambeba, Imamba n’inyenzi y’icyatsi.

Kwinjira ngo usure aya mateka ni amafaranga y’u Rwanda 1,000 n’ubwo agiye gukubwa kabiri mu minsi iri imbere.

Iyi nzu y’amateka kamere y’u Rwanda isurwa n’abantu 3,000 ku munsi.

Ikiryambeba
Inzu irimo inzoka
Ambasaderi w'u Buholandi na DG Umulisa
Ipine ry'imodoka y'Abadage
Ingona yafashwe

[email protected]

Foto/Faustin N.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .