Kwamamaza

Inzu yavukiyemo Adolf Hitler igiye gusenywa nyuma y’imyaka 500 yubatswe

Yanditswe kuya 18-10-2016 saa 12:22' na Rabbi Malo Umucunguzi


Guverinoma ya Autriche yatangaje ko igiye gusenya inyubako imaze imyaka 500 iherereye mu Mujyi wa Braunau mu Burengerazuba bw’iki gihugu, isimbuzwe indi igezweho muri gahunda yo kwitandukanya n’inkomoka y’umu-Nazi, Adolf Hitler.

Sky News yatangaje ko iyi nyubako imaze igihe isurwa n’abantu batandukanye bashishikajwe n’amateka y’aba-Nazi, ariko ikaba igiye gukurwaho.

Minisitiri w’Umutekano mu gihugu, Wolfgang Sobotka, yavuze ko "guhindura imyubakire y’aho hantu ari ngombwa mu kwirinda mu buryo bwa burundu gukomeza kuzirikana igisobanuro cy’iyo nyubako.’’

Ikurwaho ry’iyo nzu ryasabwe na komisiyo yashyizweho na guverinoma ya Autriche, ariko rikazabanza kwemezwa n’Inteko Ishinga Amategeko y’iki gihugu. Iyi komisiyo ariko yananzuye ko izasenywa hagasigara hambaye ubusa, kuko byagaragara nko “gupfobya amateka ya Autriche”.

Ubuyobozi bw’Umujyi wa Braunau mu 2011 nibwo bwatangaje ko bwambuye Hitller ubwenegihugu bw’icyubahiro. Hitler yavukiye mu gace kitwa Ranshofen mu 1889, maze ako gace kamugira umuturage w’icyubahiro mu 1933.

Nyuma Ranshofen yaje guhinduka agace kamwe ka Braunau bituma hose hafatwa nk’aho Hitler yavukiye, ariko nyuma bazwa kumwambura uburenganzira bw’icyubahiro bwose yahawe, bwaba butarangiranye n’urupfu rwe mu 1945.

Nyir’iyo nyubako yabanje kwanga kuyigurisha cyangwa se ngo ayivugurure mu buryo byayigabanyiriza igisobanuro ifite kuri Hitler. Muri uyu mwaka guverinoma yatangiye uburyo bw’amategeko kugira ngo ayamburwe, nubwo hataramenyekana umwanzuro wa nyirayo.

Iyo nzu yari kimwe mu bikorwa remezo bigihagaze biranga amateka ya Hitler, ikaba yubatse hafi y’Umujyi wa Leonding aho Hitler yamaze imyaka myinshi y’ubuto bwe, ubu ikaba yari isigaye ibikwamo amasanduku akoreshwa mu irimbi ryo mu mujyi.

Igituro kigaragaza ahashyinguye ababyeyi ba Hitler cyakuwemo umwaka ushize, hakaba harasurwaga cyane n’abagishishikajwe n’amatwara y’aba Nazi.

Hitler azwi mu mateka nk’uwateje intambara ya Kabiri y’Isi, ndetse ingabo yari ayoboye zishoza Jenoside yakorewe abayahudi yaguyemo abarenga miliyoni esheshatu.

Iyi nyubako niyo Hitler yavukiyemo
Hitler yaje kubaka amateka akomeye y'aba Nazi
Adolf Hitler akiri uruhinja mu 1890

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved