RDB yakusanyije asaga miliyoni 25 yo kwagura ubukerarugendo bw’u Rwanda

Yanditswe na Kanamugire Emmanuel
Kuya 27 Kanama 2016 saa 09:45
Yasuwe :
0 0

Mu gihe habura iminsi indwi ngo habe Umuhango wo kwita izina abana 22 b’ingagi bavutse nyuma y’itariki ya 5 Nzeri 2015, Ikigo cy’igihugu cy’Iterambere (RDB) cyakoze ‘Gala Dinner’, igitaramo cyo gukusanya amafaranga yo kwagura ubukerarugendo bw’u Rwanda.

Iki gitaramo cyitabiriwe n’abanyacyubahiro batandukanye, baba abo mu Rwanda ndetse n’abanyamahanga barimo n’abashoramari mu bukerarugendo, ndetse n’abayobozi bakuru b’igihugu bari barangajwe imbere na Perezida w’Urukiko rw’Ikirenga, Prof.Sam Rugege.

Cyabaye ku mugoroba wo ku wa 26 Kanama 2016, i Kigali muri Radisson Blu Hotel.

Nk’uko byasobanuwe na Belise Kaliza, Umuyobozi ushinzwe Ubukerarugendo muri RDB, ayo mafaranga yakusanyijwe agomba gushorwa mu mishinga itatu yo kwagura ubukerarugendo bw’u Rwanda.

Amadolari 101.000 azashorwa mu mushinga wiswe (Imisambi Sanctuary) wo kubungabunga imisambi muri Pariki, andi 180.000 agashorwa mu mushingwa wiswe ‘Mountain Gorilla Skeletal Project’ muri Pariki y’ibirunga naho undi wiswe ‘Community Eco-Lodge’ ukazashorwamo amadolari 250,000.

Ubugeni ni bwo bwifashishijwe mu gukusanya ayo mafaranga

Mu gukusanya ayo mafaranga yo kwagura Ubukerarugendo bw’u Rwanda, hacurujwe ibihngano by’ubugeni (Tableaux), bigaragaza umuco nyarwanda, aho abitabiriye icyo gikorwa bapiganwaga mu biciro bitewe n’ubwoko bw’ibyo buri wese akunda dore ko byose byari biteye amabengeza.

Iki gikorwa cyakusanyirijwemo amafaranga y’u Rwanda angana na miliyoni 25, muri yo miliyoni 20 yavuye mu kugurisha ibihangano by’ubugeni naho miliyoni eshanu yaturutse mu kugurisha amatike.

Umuhanzi Wizkid ni we wahize abandi bitabiriye icyo gitaramo, aho yaguze ibibaho by’ubugeni bibiri, yishyura amadolari ya Amerika ibihumbi bibiri (2000$), RDB ikaba yaramugeneye ishimwe ririmo no gutemberezwa u Rwanda, akakirirwa muri Hotel y’inyenyeri eshanu yubatse muri Nyungwe.

Bamwe mu bashyitsi bari bitabiriye Gala Dinner
Umuhuza muri iki gikorwa Regis Isheja
Umwe muri babiri bagize itsinda ritunganya umuziki Legendury Beat ari kumwe na Wizkid ndetse na Faisal Hakeem
Wizkid ari ku meza ibyishimo byari byose
Wizkid yahawe impano imwe mu zo yaguze amadolari 2000
Umuyobozi mukuru wa RDB, Francis Gatare

Amafoto:Luqman Mahoro


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244