U Rwanda rugiye gutangiza ubufatanye na Leta ya Karnataka mu bukerarugendo

Yanditswe na Olivier Muhirwa
Kuya 8 Kamena 2012 saa 05:29
Yasuwe :
0 0

Nk’uko byatangarijwe mu nama yahuje abashoramari y’uyu mwaka wa 2012 (Global Ivestors Meet), ngo mu gihe gito u Rwanda ruraba rutangiye amasezerano y’ubufatanye na Leta ya Karnataka.
Uhagarariye u Rwanda mu Buhinde Williams Nkurunziza yatangarije Ikinyamakuru Deccan Chronicle, ngo ubu bufatanye buzajyaho mu rwego rwo kuzamura ubukerarugendo mu bihugu byombi.
Nkurunziza kandi yavuzeko u Rwanda rwishimiye gufatanya na Karnataka mu bukerarugendo. Yagize ati: “ Tuzohereza abakerarugendo bacu (...)

Nk’uko byatangarijwe mu nama yahuje abashoramari y’uyu mwaka wa 2012 (Global Ivestors Meet), ngo mu gihe gito u Rwanda ruraba rutangiye amasezerano y’ubufatanye na Leta ya Karnataka.

Uhagarariye u Rwanda mu Buhinde Williams Nkurunziza yatangarije Ikinyamakuru Deccan Chronicle, ngo ubu bufatanye buzajyaho mu rwego rwo kuzamura ubukerarugendo mu bihugu byombi.

Nkurunziza kandi yavuzeko u Rwanda rwishimiye gufatanya na Karnataka mu bukerarugendo. Yagize ati: “ Tuzohereza abakerarugendo bacu muri Karnataka babone bimwe mu murage w’iki gihugu babonereho no kubabwira bimwe mu bikurura abanyamahanga baza mu Rwanda harimo imsozi igihumbi, ibirunga n’ingagi zibituyemo.

Ngo ibiganiro byaratangiye hagati y’izi Leta zombie, ndetse Karnataka yohereje abantu gusura u Rwanda. Ambasaderi ati: “Kugeza ubu turi kubona ubufasha bukomeye bwa Leta ya Karnataka ndetse n’amasezerano arasinywa vuba”.

Mu rwego rwo rwo korohereza abakerarugendo Nkurunziza yavuze ko visa zizajya zitangwa bitagombye guca mu nzira nyinshi, n’ingendo zarorohejwe kuko indege zizajya ziva Dubai zigera i Kigali ziraboneka.

Karnataka ni Leta iba mu majyepfo y’Ubuhinde isanzwe ifitanye ubufatanye na Leta y’u Rwanda mu byerekeye ubuvuzi, amashuri, mu buhinzi bw’umuceri, basangira inzobere mu by’ikoranabuhanga none bagiye gutangiza n’ufatanye mu bukerarugendo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza