Impuruza ku bagize Inteko Ishinga Amategeko kubera Radiyo Ijwi rya Amerika

Yanditswe na Gadi Munyabuntu
Kuya 24 Ukwakira 2017 saa 11:00
Yasuwe :

Warning: fread(): Length parameter must be greater than 0 in /home/lex94/public_html/ecrire/public/evaluer_page.php(51) : eval()'d code on line 14
15

Kuri ba Nyakubahwa muhagarariye abaturage mu Nteko Ishinga Amategeko, nejejwe no kubona akanya ko kubandikira mbere na mbere mbashimira akazi gakomeye ko kuduserukira mu nteko aho twebwe abaturage tudashobora kugera.

Impamvu zitumye mbandikira ni ebyiri gusa. Iya mbere nagira ngo mbashimire umwanzuro muherutse gufata wo kwamagana imikorere igayitse y’Umuryango wiyita ko Uharanira Uburenganzira bwa Muntu (Human Rights Watch) wo muri Amerika. Iyo witegereje mu by’ukuri usanga ibyo uwo muryango wandika ku Rwanda no gusebanya ku Mukuru w’Igihugu, Nyakubahwa Paul Kagame, byuzuyemo urwango, amacakubiri n’agasuzuguro ku Banyarwanda twese. Haki ya Mungu aka wa mugabo wabivuze, natwe Abanyarwanda uko kudutesha agaciro dukwiye kubyanga.

Imyaka ibaye myinshi raporo zikorwa n’uwo muryango zuzuye ibinyoma na none usanga zigamije kwangisha abaturage inzego z’umutekano ko ngo zica urubozo abaturage. Ese uwababaza, Polisi n’Ingabo z’u Rwanda ko zishimwa n’ibihugu byinshi imyitwarire myiza aho zijya mu butumwa bwo kugarura amahoro, urugero muri Sudani, Afurika yo hagati, Haiti n’ahandi; ni gute zahindukira zikica urubozo abaturage zishinzwe kurinda?

Ni gute Ingabo na Polisi by’u Rwanda bica abo bashinzwe gucungira umutekano barangiza bakagira impuhwe bakajya gutabara abaturage mu bindi bihugu? Ni ikimenyetso ko nta kuri kurimo. Nashimishijwe n’icyemezo mwafashe cyo kwamagana imikorere ya Human Rights Watch hamwe n’Umuyobozi wayo Kenneth Roth utihishira ko atifuriza ineza igihugu cyacu.

Impamvu ya kabiri nifuza kubagezaho ba nyakubahwa, maze igihe ntekereza, ni amaradiyo yo hanze yumvikanira mu Rwanda akoresha ururimi rw’Ikinyarwanda. Hano nagira ngo ngaragaze cyane Radiyo Ijwi rya Amerika yumvikanira ku murongo 104.3FM.

Iyi radiyo iyo numvise ibiganiro byayo ku Rwanda n’umurongo abanyamakuru bayikorera bagenderaho, nibaza niba intego yayo ari ugusubiza u Rwanda inyuma, guhembera amacakubiri ashingiye ku moko, no guha urubuga abatifuriza u Rwanda ineza hamwe n’abahakana n’abapfobya Jenoside yakorewe Abatutsi.

Niba ntibeshye, amaradiyo y’amahanga yatangiye kujya akoresha ururimi rw’Ikinyarwanda nyuma ya 1994. Nibaza niba aricyo gihe bamenye ko u Rwanda rubaho.

Ba Nyakubahwa, mu gihugu cyacu ko dufite amaradiyo asaga mirongo itatu, amaradiyo y’amahanga avuga mu rurimi rw’Ikinyarwanda, ni iki kidasanzwe ku maradiyo yacu twavuga ko ayo hanze ageza ku Banyarwanda? Usibye umurongo iyo radiyo ivugiraho, hari n’amaradiyo yacu asakaza ibiganiro byayo mbona bigamije gusubiza u Rwanda inyuma mu nzira y’amahoro, ubumwe n’ubwiyunge tumaze kugeraho. Ha mbere nasomye ko hari ikigo cyitwa Hoza cyagiranye amasezerano niyo radiyo kujya batambutsa ibiganiro kuri internet hakoreshejwe imiyoboro ya MTN na Airtel. Bimwe muri byo biganiro ngo bikaba byibanda ku rubyiruko rw’u Rwanda!

Ba Nyakubahwa, nkuko mwafashe umwanya mugakurikirana ibyo Human Rights Watch ikora cyangwa raporo ikora zibogamye zigamije inyungu za politiki ku Rwanda, ndasaba ko mwanafata umwanya mu bushishozi musanganywe, mukamenya amagambo n’ibitekerezo bivugirwa kuri radiyo Ijwi rya Amerika muri gahunda zayo z’Ikinyarwanda, kugira ngo mufashe Abanyarwanda kudasubizwa inyuma mu nzira yo kubaka ubumwe no kurandura amacakubiri n’ibitekerezo byo guhakana no gupfobya Jenoside yakorewe Abatutsi.

Banyakubahwa, Ndabashimiye uburyo muri bwakire igitekerezo cyanjye kigamije kurengera inyungu rusange z’igihugu cyacu n’abagituye.

Murakoze

Amazina yanjye ndi Gadi Munyabuntu

Umurenge wa Busasamana

Akagari ka Rwesero i Nyanza.

Icyitonderwa: Ibikubiye muri iyi nyandiko ni ibitekerezo bwite by’umwanditsi wayo, Munyabuntu Gadi

Ubwo abagize Inteko Ishinga Amategeko, umutwe w’Abadepite bamurikirwaga umushinga w’itegeko ryerekeranye n’ibyaha n’ibihano mu Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza