00:00:00 IGIHE NETWORK KN KINYARWANDA EN ENGLISH FR FRANCAIS

Human Rights Watch yanenzwe kubogamira ku banyabyaha mu Rwanda

Yanditswe na Musangwa Arthur
Kuya 28 Ukwakira 2021 saa 05:03
Yasuwe :
0 0

Umuryango uharanira Uburenganzira bwa Muntu, Human Rights Watch (HRW), uvuga ko urajwe ishinga n’uburenganzira bw’Abanyarwanda. Nyamara Abanyarwanda bari kotsa igitutu inzego z’ubuyobozi bwabo ngo zifate abahakana Jenoside cyane cyane abakoresha imiyoboro ya YouTube ariko aba HRW irabashyigikiye binyuranye n’ibyo Abanyarwanda bashaka. Ariko nk’uko Umudipolomate w’Umunyamerika, Richard Johnson, yabivuze, iyo bigeze ku Rwanda, HRW buri gihe ishyigikira abanyabyaha.

Ku wa 19 Ugushyingo, HRW yatangaje inkuru ifite umutwe ugira uti “U Rwanda: Ugutsikamira opozisiyo, itangazamakuru rirahaguruka.” Ni inkuru irimo kubogama ku buryo iyo umaze kuyizoma wumva neza impamvu bimwe mu bihugu hari ubwo bihitamo guha ruswa uyu muryango aho gufata umwanya uhagije wo gusoma ibijyanye n’ibinyoma bikomoka mu muryango wiyitirira ko uhagarariye ikintu cy’ingenzi nk’uburenganzira bwa muntu.

Iyi nkuru ishingiye kuri Ingabire nk’Umuyobozi w’Ishyaka na DALFA Umurinzi nk’umutwe wa politiki.

Ni byo koko, mu kuvuga ko Ingabire, uwahamijwe icyaha, yatangije umutwe wa politiki, yananiwe kugaragaza ibintu bibiri bifatika.

Icya mbere, umuntu wahamwe n’icyaha ntashobora kwandikisha umutwe wa politiki cyangwa kwishyira mu buyobozi bwawo nk’uko amategeko abigena.

Icya kabiri, ku mpamvu zikwiye kugaragaraira buri wese ubikurikirana neza, Ingabire yashinze icyo yita DALFA mu Ugushyingo 2019 nyuma y’igitero cy’iterabwoba cyagabwe i Musanze mu Ukwakira 2019 bigizwemo uruhare na RUD Urunana, umutwe w’iterabwoba wishe abantu 14 abandi bagakomereka.

RUD-Urunana na FDU-Inkingi, umutwe w’iterabwoba wa Ingabire byagaragajwe muri raporo ya Loni ya 2018 yerekeye Congo nk’igize ihuriro P5 rikorera muri Repubulika Iharanira Demokarasi ya Congo.

Hamwe n’uko abakekwaho uruhare muri ibi bitero bari bamaze gufatwa nyuma y’ibikorwa bya RDF byo kubahiga, bakaba baragombaga kugezwa mu butabera, Ingabire yagize ubwoba bw’ibyendaga kumubaho atangira gushaka uburyo yakwitandukanya ubwe na P5.

Urubanza rw’abantu 38 bafashwe bakurikiranyweho iterabwoba n’ubu ruracyakomeje.

Yaba RUD Urunana, FDU Inkingi, DALFA-Umurinzi n’utundi dutsiko Ingabire yagiye yifatanya na two nta na kimwe cyigeze cyitwa ‘umutwe wa politiki’ mu Rwanda nk’uko HRW yamunzwe na ruswa ibivuga mu nkuru yayo.

Nk’uko umudipolomate w’Umunyamerika, Richard Johnson, yafashije mu kubigaragaza mu gitabo cye yise "The Travesty of Human Right Watch on Rwanda" bishatse kuvuga “Ibinyoma bya HRW ku Rwanda’’; izi mvugo za HRW ziherekejwe n’impamvu za politiki zari zigamije guca intege Guverinoma y’u Rwanda ngo ibuzwe gushyira mu bikorwa amategeko ahana ihakana rya Jenoside. Ubu ni ubufatanye hagati ya HRW na Ingabire.

Amategeko y’u Rwanda

Muri iyo nkuru, HRW, inenga raporo ya 2021 igaragaza uko ibihugu byubahiriza amategeko n’imitere y’ubutabera bwabyo aho u Rwanda ruri ku mwanya wa mbere muri Afurika n’uwa 42 mu bihugu 139 ku Isi.

HRW yanditse iti “Nsengimana yari ufunzwe by’agateganyo akurikiranyweho forode ariko yararekuwe…kubera ko habuze ibimenyetso,” yongeraho ko abandi babiri, Niyonsenga na Komezusenge “bombi bagizwe abere…ubushinjacyaha bukabijuririra.”

Bisa n’aho Human Rights Watch ishaka kuba urwego rutanga imyanzuro ku bakurikiranywe n’inkiko ndetse uburyo ikurikirana imikorere yazo bitanga ishusho igaragaza ko igeze ku rwego rwo kubangamira inzego z’ubutabera isa nk’aho ijuririra imanza abaregwa batsinzwe.

Mu yandi magambo inkiko zigomba guhabwa ubwisanzure bwo gukora akazi kazo nta wuzibangamiye uwo ari we wese harimo na HRW.

Ku bw’iyo mpamvu HRW igomba guhagarika imvugo ikwirakwiza zemeza ko abafunzwe bazira kutubahiriza amategeko akumira ipfobya rya Jenoside ku miyoboro yabo ya YouTube batangazaga ibyo rubanda rukeneye.

Ni akazi k’inkiko kuba ari zo zibigaragaza mu butabogama bwazo nk’uko HRW ihora ibivuga iyo bigeze ku kurekura abatagaragayeho ibimenyetso bibahamya ibyaha.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .