Mpayimana wiyamamariza kuba perezida yibarutse umwana wa gatanu

Yanditswe na Thamimu Hakizimana
Kuya 22 Nyakanga 2017 saa 10:56
Yasuwe : 7
0 0

Umukandida ku mwanya w’Umukuru w’Igihugu mu matora ateganyijwe muri Kanama uyu mwaka, Mpayimana Philippe, yibarutse umwana w’umuhungu mu ijoro ryo kuri uyu wa Gatanu.

Mu kiganiro Mpayimana yagiranye na Royal TV mu ijoro ryo kuri uyu wa 21 Nyakanga ni bwo yatangaje ko yibarutse umwana w’umuhungu.

Uyu mukandida wavuze ko natorerwa kuba Perezida atazemerera uwo ari we wese kubyara abana barenze batatu abyaye uwa gatanu nk’uko yakomeje abisobanura, icyakora ngo abo bana ntibavutse ku mugore umwe.

Yavuze ko uwa mbere yabyaye batatu, uwa kabiri akaba abyaye babiri, uwavutse ejo akaba ari umuhererezi.

Umuvugizi wa Mpayimana, Kayisire Vincent, yatangarije IGIHE mu gitondo cyo kuri uyu wa 22 Nyakanga, ko umugore wa Mpayimana yabyariye ku Bitaro bya Muhima ndetse ko ubuzima bw’umwana wavutse na nyina bumeze neza akaba yanasubiye mu rugo mu Karere ka Nyarugenge.

Philippe Mpayimana yavutse mu 1970 mu mudugudu wa Gisenyi, Akagari ka Kirarangombe, Umurenge wa Busanze, mu Karere ka Nyaruguru.

Yize amashuri abanza, hagati ya 1976-1984 mu Kinyinya, i Masiga muri Nyaruguru, na Gihinga muri Bugesera. Yize amashuri yisumbuye hagati ya 1984 – 1990, ayasoreza mu ishami ry’indimi mu rwunge rw’amashuri rw’i Save mu Ntara y’Amajyepfo.

Mu 1992-1993 yigaga muri Kaminuza y’u Rwanda, ndetse hagati ya 2000 na 2003 akomereza amashuri muri Kaminuza ya Yaoundé muri Cameroun aho yakuye impamyabumenyi mu iyigandimi.

Ni umwanditsi w’ibitabo birimo icyo yise ‘Refugiés Rwandais Entre le marteau et l’enclume’. Ubwo yazaga mu Rwanda gutangira urugendo rwe rwo kwiyamamariza kuba umukuru w’igihugu yari aturutse mu Bufaransa aho yakoraga mu ruganda ry’indyoshyandyo, akanikorera ku giti cye.


Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Kanakuze Jeanne 23/07/2017 saa 04:44

Felicitations!!! Gusa sinzi niba kugira abagore babiri byemewe n’amategeko y’u Rwanda ku muntu witeguye kuba umukuru w’igihugu! Nyamara iby’uyu mugabo byose ni ubudasa!!! Nonese ntiyakoze maji agasinyisha abantu yibereye mu Bufaransa? Nonese abandi biyamamaza ntabashubije ubwenegihugu bundi uretse ubw’u Rwanda ariko we ubw’u Bufaransa akabukomeraho? Nkeka rero akwiye kuzahembwa agatubutse (Perezida w’Inteko) nyuma yo guherekeza ugomba gutorwa: abizi kandi abishaka!

2
Rwagitare 22/07/2017 saa 04:42

Nimwonkwe nabyare amaboko y’abazacyubaka

3
mujyanama 22/07/2017 saa 03:36

niyonkwe rwose. gusa ntago yatsinda Paul wacu. gusa njye ndamushima kuko ni ubutwali kuba yiyumvamo ubushobozi bwo kuyobora igihugu. kwubaka izina si ugukina aratsindwa uyu munsi ariko buriya niyiyamamaza nk’umudepite azatotwa ndakeka. kuko abanyarwanda tumaze kumumenya kandi n’ibitekerezo bye nsanga byuzuzanya n’ibya Paul wacu. indi nama namugira nuko yashaka ishyaka ajyamo rizwi ryemewe murwanda. amahirwe masa kuriwe.

4
kikibanabafe 22/07/2017 saa 01:53

uyu ntaperezida wavamo perezida ati mubyare batatu nonese umugorewe nta onapo azi ntajwi ryanjye uteze ariko batatu nabumugore mwatandukanye babiri nabinshoreke

5
Lolo keza 22/07/2017 saa 11:32

Niyonkwe mama ariko iby’
Ubuperezida abivemo ntibimubereye

6
Cacou 22/07/2017 saa 09:47

Ahaa noneho ndumiwe hanyuma se ko we amaze kubyara 5 kuki yumva abandi babyara bake ? Ibyo ni ukwikunda. Amahirwe masa muri campaign ye !!

7
Gasana 22/07/2017 saa 08:26

Tumuhaye impundu ariko yikwirara ngo yizere amuki mu buperezida kdi nta mizinga. Namugira inama yo kuboneza urubyaro

8
Gasana 22/07/2017 saa 08:26

Tumuhaye impundu ariko yikwirara ngo yizere amuki mu buperezida kdi nta mizinga. Namugira inama yo kuboneza urubyaro

9
Bob 4 22/07/2017 saa 05:40

Niyonke

Kwamamaza