Uwamahoro yafunguye iduka rifite umwihariko ku bazi kurimba

Yanditswe na IGIHE
Kuya 6 Gashyantare 2018 saa 06:56
Yasuwe : 2
0 0

Kwambara ukaberwa ntibisaba gutanga akayabo k’amafaranga ugura imyenda ahubwo ni urugendo rwo kumenya kujyanisha ibigukwiye, no kumva inama z’abahanga mu by’imyambarire.

Ku batuye i Kigali, abasirimu basobanukiwe agaciro ko kwita ku myambaro ndetse n’amaduka avuka agamije guhaza ibyifuzo byabo.

Iduka rishya ryitwa Crystal Shop ryafunguwe muri UTC mu muryango wa 313 ni igisubizo kuri benshi bishingiye ku bicuruzwa rifite.

Crystal Shop ni iduka ryashinzwe n’Umukobwa urangije kwiga Kaminuza witwa Uwamahoro Colombe, rifite umwihariko cyane mu bantu bazi ibyo kwambara no kurimba mu buzima bwabo bwa buri munsi kuko ricuruza imyambaro iva i Burayi gusa kandi ikaba iba igezweho.

Uwamahoro yabwiye IGIHE ko ajya gutangiza iryo duka yashakaga guha Abanyarwanda imyenda myiza, ituruka i Burayi kandi iri ku giciro gito kurusha uko abantu babikeka.

Yagize ati “Twifuje kuzanira abantu imyenda myiza kandi ituruka i Burayi kugira ngo bambare ifite ireme, baba abajya mu birori cyangwa n’indi ikoreshwa mu buzima busanzwe.”

Crystal Shop iri mu muryango wa 313 muri UTC hafi na parking yo hejuru, icuruza imyenda y’abakobwa n’abagore, inkweto zituruka mu bihugu bitandukanye by’i Burayi bifite umwimerere.

Imyambaro n’inkweto bihabarizwa bifite umwihariko mu zimenyerewe zicuruzwa mu bice bitandukanye mu Mujyi wa Kigali. Usangamo imyenda yo kujyana mu kazi ku bantu b’igitsina gore, imyenda yo kujyana mu birori, iyo kujyana mu musangiro, iyo kwambara ugiye gutembera byose bikaba bifite ibijyana na yo (accessories) nk’ingofero, amaherena, amasakoshi n’ibindi.

Usibye iy’abagore hari n’iy’abagabo nk’amapantalo, imipira myiza n’ibindi.


Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza