Israel yagiranye amasezerano y’ibanga na Misiri yo kurwanya Islamic State mu butayu bwa Sinai

Yanditswe na David Eugène Marshall
Kuya 5 Gashyantare 2018 saa 09:09
Yasuwe : 3
3 0

Igihugu cya Misiri kiravugwaho kugirana amasezerano y’ibanga na Israel yo kugaba ibitero ku nyeshyamba zo mu Mutwe wa Islamic State zikomeje kwigaragaza mu butayu bwa Sinai.

Muri ayo masezerano y’imyaka ibiri, Misiri yasabye Israel kuyifasha guhashya izo nyeshyamba, mu masezerano yagizwe ibanga rikomeye. Hamaze gukorwa ibitero bisaga 100, ni ukuvuga nibura igitero kimwe buri cyumweru.

Nk’uko ikinyamakuru Haaretz kibitangaza, ibi bitero byifashisha indege za Israel zitagira abapilote, Kajugujugu ndetse n’izindi ndege z’intambara zisanzwe ariko zidafite ibyapa by’igisirikare cya Israel.

Muri ayo masezerano y’ibanga, ni ikizira ko indege za Israel zitera ziturutse mu cyerekezo cya Israel, ahubwo ziyobya uburari nk’iziturutse mu Misiri.

Nta munyamakuru ucyemerewe gukandagira mu karere ka Sinai, mu rwego rwo kwirinda ko aya mabanga yavumburwa.

Ubusanzwe igice kinini cya Sinai ntabwo kirangwamo abasirikare biturutse ku masezerano yo mu 1979 hagati ya Misiri na Israel ariko Misiri yemeye ubufasha bwa gisirikare kubera inyeshyamba za Islamic State zahigaruriye. Israel kandi yanemerewe kurwanya ibikorwa byo kwambutsa intwaro za magendu bikorwa n’abanyapalestine bazinjiza mu Ntara ya Gaza.

Misiri yemereye Israel kugaba ibitero kuri Islamic State muri Sinai

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza