Snoop Dogg yatunguranye avuga ko agiye kwimukira muri Uganda kubera Bobi Wine

Yanditswe na Dusabimana Aimable
Kuya 18 Mutarama 2018 saa 01:57
Yasuwe : 6
0 0

Umuraperi Snoop Dogg yatangaje ko agiye kuva muri Leta Zunze Ubumwe za Amerika kwimukira muri Uganda biteza impaka mu bamukurikira kubera impamvu yatanze zirimo n’izifitanye isano n’urumogi.

Uyu muhanzi mu minsi ishize yanditse amagambo yatunguye bamwe avuga ko agiye kwimukira muri Uganda nyuma y’aho Perezida wa Leta Zunze Ubumwe za Amerika, Donald Trump, atangaje amagambo ataravuzweho rumwe ko ibihugu bya Afurika na Haïti ari ’imisarani’.

Yabanje gusohora ifoto y’umupira uriho Museveni byatumye bamwe bakeka ko urugendo rwe na we byaba bifitanye isano. Snoop Dogg yongeye kwandika amagambo yatunguye bamwe asubiza impamvu agiye kwimurira imitungo ye muri Uganda.

Yagize ati "Nimutuze! Mwese murashaka kumenya impamvu ngiye kwimukira muri Uganda? Ndashaka kubonana na Nyakubahwa Bobi Wine ngo mbashe kwiga uburyo politiki n’urumogi bibasha guhuza."

Ibi yabivuze biherekeje amashusho yari yasohoye avuga ko agiye kuva muri Amerika kubera ’umwanda wa Trump’. Yari yagize ati "Ngiye kwimurira imitungo yanjye muri Uganda, Africa. Aho niho njyiye kujya kuba. Ndambiwe uyu mwanda. Ngiye kuva aha hantu ndaharambiwe rwose."

Snoop Dogg ni umwe mu bahanzi batishimiye Perezida Trump kuva yatorwa ndetse yigeze gukora amashusho yanenzwe kumusebya, aho yagaragaye arasa ikibumbano cye ndetse akamufungisha iminyururu mu ndirimbo yise "Lavender".

Cordozar Calvin Broadus, Jr. [Snoop Dogg] ni umwe mu baraperi bamaze igihe kirekire bakora umuziki muri Amerika, yatangiye kumenyekana guhera mu 1992. Yakunze kuvugwaho gukoresha ibiyobyabwenge birimo urumogi n’ibindi.

Mu ndirimbo zacuranzwe henshi Snoop Dogg yakoze harimo iyitwa ’Drop It Like It’s Hot’, ’Sexual Eruption’ yaciye ibintu mu 2008 ikanamuhesha igihembo cya Grammy Award n’izindi.

Bobi Wine ngo ni we ugiye gutuma Snoop yimukira muri Uganda akamubaza ibanga akoresha mu guhuza urumogi na politiki
Snoop Dogg amaze igihe kinini agaragaza ko yiyumvamo Uganda na Perezida Museveni
Snoop Dogg yanze urunuka Trump kuva yatorwa, muri Werurwe 2017 bwo yamwibasiye bikomeye anamufungisha iminyururu mu mashusho y’indirimbo ye yise 'Lavender'

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Rwanda 23/01/2018 saa 07:18

Jah bless

2
samuel 18/01/2018 saa 10:42

yo this’s fake i don’t know even why you had to post it here

3
Ratovich 18/01/2018 saa 07:42

Ese uyu we nta kindi atekereza usibye uromogi? rwose ntazakandagire hano i wacu

Kwamamaza