Cucina Restaurant yashyize igorora abakunzi ba divayi ibasogongeza ubwoko bugera ku 10

Yanditswe na IGIHE
Kuya 15 Ukwakira 2018 saa 04:55
Yasuwe :
0 0

Ni ku nshuro ya gatatu, Kigali Marriott Hotel yongeye gutegura ibirori bigamije guha abantu amahirwe yo gusogongera no kwiyumvira uburyohe bw’ubwoko butandukanye bwa divayi.

Mu ijoro ryo ku wa 12 Ukwakira 2018, nibwo ibi birori byateguwe ku bufatanya na Akagera Business Group (ABG) izanira Kigali Marriott Hotel divayi yakiriza abashyitsi byabaye.

Muri Cucina Restaurant ya Kigali Marriott, abashyitsi barimo Abanyarwanda n’abanyamahanga bari bahuje urugwiro basogongera divayi 10 ziganjemo izo batari basanzwe bazi ziba mubihugu bitandukanye kw’isi.

Umuyobozi wungirije ushinzwe ibijyanye n’ibiribwa n’ibinyobwa muri Kigali Marriott, Alyson Hayes, yavuze ko iki gikorwa bagitegura mu rwego rwo guhuriza hamwe abakunzi ba divayi kugira ngo basogongere banungurane ibitekerezo.

Ati “ Twatangiye dufite intego yo kurushaho kumenyekanisha divayi, kandi ntekereza ko dusa n’abatangiye kubigeraho. Tugenda tubona ubwoko butandukanye bwa divayi, abantu bakabasha kuganira ku zo bakunda n’impamvu bazikunda.”
Munezero Anita ushinzwe ibijyanye na divayi muri ABG, yavuze ko ubwo ibi birori byabaga ku nshuro ya mbere hari abantu bake cyane, ariko umubare ugenda wiyongera cyane.

Yakomeje avuga ko byongera umubare w’abasobanukiwe ibirebana na divayi, ku buryo usanga iyo basuye Kigali Marriott baba bazi ubwoko bifuza kunywa, bajya no kugura hanze bagakora amahitamo anoze.

Muri ibi birori bitegurwa rimwe mu mezi abiri, hazanwa ubwoko 10 bushya bwa divayi butandukanye n’ubwari buhari mu birori biheruka. Haba kandi hari n’amafunguro atandukanye yo kuziherekeza.

Uretse gusogongera divayi, haba hari n'ibyo kurya bitandukanye
Abakunda izikonje na bo baba babazirikanye
Abakunzi ba divayi basogongezwa amoko atandukanye
Abitabiriye ibi birori bagira umwanya wo gusabana
Aya mafunguro niyo Cucina Restaurant iba yateguriye abitabiriye ibirori byo gusogongera divayi
Haba hateguwe amafunguro y'ubwoko butandukanye yo guherekeza divayi
Divayi ziherekezwa n'amafunguro ateguranye ubuhanga
Buri wese yihereza ibyo yumva bimunogeye
Buri mezi abiri hasogongerwa ubwoko bushya bwa divayi
Ibirori nk'ibi bituma barushaho kumenya byinshi kuri divayi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza