Kwamamaza

Gen Kabarebe ashima u Buyapani inkunga bwateye u Rwanda

Yanditswe kuya 25-12-2012 saa 07:17' na Emmanuel Kanamugire


Minisitiri w’Ingabo Gen.James Kabarebe yakiriye Ambasaderi w’u Buyapani mu Rwanda, Hatanaka Kunio, amushimira ubufatanye bw’ibihugu byombi n’uruhare u Buyapani bwagize mu iyubakwa ry’Ikigo cy’amahugurwa cyo kubungabunga amahoro “Rwanda Peace Academy”giherereye mu Karere ka Musanze.
Minisitiri w’ingabo, Gen Kabarebe yakiriye Ambasaderi Hatanaka mu biro bya Minisiteri y’ingabo mu Rwanda kuri ku wa 24 Ukuboza 2012.
Ambasaderi w’u Buyapani mu Rwanda, Hatanaka Kunio yatangaje ko yakiriwe neza na (...)

Minisitiri w’Ingabo Gen.James Kabarebe yakiriye Ambasaderi w’u Buyapani mu Rwanda, Hatanaka Kunio, amushimira ubufatanye bw’ibihugu byombi n’uruhare u Buyapani bwagize mu iyubakwa ry’Ikigo cy’amahugurwa cyo kubungabunga amahoro “Rwanda Peace Academy”giherereye mu Karere ka Musanze.

Minisitiri w’ingabo, Gen Kabarebe yakiriye Ambasaderi Hatanaka mu biro bya Minisiteri y’ingabo mu Rwanda kuri ku wa 24 Ukuboza 2012.

Ambasaderi w’u Buyapani mu Rwanda, Hatanaka Kunio yatangaje ko yakiriwe neza na Minisitiri w’Ingabo bakaba baganiriye ku isozwa ry’imirimo y’inyubako z’ikigo cy’amahugurwa “ Rwanda Peace Academy” igihugu ahagarariye cyateye inkunga no gusuzumira hamwe ibindi byakorwa mu guteza imbere iki kigo.

Nubwo Ubuyapani bwateye inkunga u Rwanda mu iyubakwa ry’iki kigo, Hatanaka yahakanye ko nta bufatanye mu bya gisirikare ibihugu byombi bifitanye.

Minisitiri w’ingabo, Gen James Kabarebe yakira Ambasaderi w'u Buyapani Hatanaka

Col. Jules Rutaremara, umuyobozi wa Rwanda Peace Academy yatangaje ko u Buyapani bwatanze inkunga igera kuri miliyoni 3 z’amadolari ya Amerika, yakoreshejwe mu kubaka aho abantu bigira, inzu y’isomero, inzu yakira abantu benshi icyarimwe no kugura ibikoresho by’ikoranabuhanga.

Rutaremara yongeyeho ko mu gihe igihugu kivuye mu ntambara ari byiza gushyiraho uburyo bwo kuremera igihugu ubutabera, kurwanya amakimbirane habungabungwa amahoro akaba ari muri urwo rwego ikigo cya Rwanda Peace Academy cyashinzwe.

Rwanda Peace Academy cyakira amahugura y’abasivile, abapolisi bo mu gihugu no hanze yacyo, agamije kubaka no kubungabunga amahoro. Giherereye mu Ntara y’Amajyaruguru, mu Karere ka Musanze.


Kwamamaza
IZINDI NKURU WASOMA
Sakuru boot camp
2016-08-22 18:09:26
ABE 3rd Batch
2016-08-22 18:09:02
JICA suppliments
2016-08-22 18:08:59
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 24 August 2016
Copyright © 2009 -2014 - IGIHE Ltd - All Rights Reserved