Kwamamaza

U Buyapani bwiyemeje guteza imbere ingufu n’ubuhahirane n’u Rwanda

Yanditswe kuya 26-06-2013 saa 20:16' na Marie Chantal Nyirabera


Minisitiri w’Intebe, Dr Pierre Damien Habumuremyi, yakiriye Ambasaderi Kazuya Ogawa w’u Buyapani watangiye imirimo yo guhagararira igihugu cye mu Rwanda muri Werurwe, baganira ku bizibandwaho mu gukomeza umubano w’ibihugu byombi birimo guteza imbere ingufu z’amashanyarazi.
Ambasaderi Kazuya nyuma y’ikiganiro yagiranye na Minisitiri w’Intebe, yavuze ko gukorana no gushimangira umubano w’u Buyapani n’u Rwanda ari byiza kuko ibihugu bijya guhuza amateka.
Ati “Muri Igihugu gifite intego, mushyira (...)

Minisitiri w’Intebe, Dr Pierre Damien Habumuremyi, yakiriye Ambasaderi Kazuya Ogawa w’u Buyapani watangiye imirimo yo guhagararira igihugu cye mu Rwanda muri Werurwe, baganira ku bizibandwaho mu gukomeza umubano w’ibihugu byombi birimo guteza imbere ingufu z’amashanyarazi.

Ambasaderi Kazuya nyuma y’ikiganiro yagiranye na Minisitiri w’Intebe, yavuze ko gukorana no gushimangira umubano w’u Buyapani n’u Rwanda ari byiza kuko ibihugu bijya guhuza amateka.

Ati “Muri Igihugu gifite intego, mushyira imbaraga mu byo mukora kandi mucisha make.”

Avuga ibi yashimye uburyo u Rwanda ruzi kwishakira ibisubizo, ati”Nyuma y’imyaka 19 habaye Jenoside yakorewe Abatutsi mu Rwanda, igihugu cyateye imbere.”

Yavuze ko n’u Buyapani nyuma y’intambara ya kabiri y’Isi yose rwashegeshwe nayo rwabashije gutera imbere mu bukungu.

Ati "Niyo mpamvu tugomba gufatanya mu kwiteza imbere tukungurana ubumenyi kuko duhuje byinshi.”

Mubyo u Buyapani buzafasha u Rwanda yagize ati “Tuzibanda ku mishinga y’ ingufu z’amashanyarazi, uburezi, ubuzima, gushishikariza ba mukerarugendo kuza mu Rwanda, guhugurana mu by’ubukerarugendo, gishishikariza Abayapani gushora imari mu bikorwa bitandukanye by’ishoramari n’ubucuruzi mu Rwanda.”

Umunyamabanga wa Minisitiri w’Intebe, yatangarije abanyamakuru ko umubano w’ u Rwanda n’u Buyapani uzibanda mu bikorwa by’ingufu.

Ati”Ku bijyanye n’amashanyarazi hari ibyo u Buyapani bwatangiye kureba mu kuzabyaza amashanyarazi nyiramugengeri, hari n’ibyo badufasha mu gukwirakwiza amashanyarazi no mu kubaka ingomero (aho hari kubakwa urugomero rwa Rusumo), bakaba bazakomeza kubidufashamo.”

Ambasaderi w'u Buyapani mu Rwanda ku munsi wo gutanga impapuro zimwemerera gukorera mu Rwanda

Kwamamaza
IZINDI NKURU WASOMA
Sakuru boot camp
2016-08-22 18:09:26
ABE 3rd Batch
2016-08-22 18:09:02
JICA suppliments
2016-08-22 18:08:59
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 24 August 2016
Copyright © 2009 -2014 - IGIHE Ltd - All Rights Reserved