Kwamamaza

U Buyapani bwemereye u Rwanda miliyari zisaga 44 zo kubaka umuhanda Kayonza-Rusumo

Yanditswe kuya 15-09-2015 saa 19:40' na Cyprien Niyomwungeri


U Buyapani bwemeye kuzaguriza u Rwanda amafaranga angana na Miliyari 44 na Miliyoni 100 z’amafaranga y’u Rwanda zizunganira mu mushinga wo kwagura umuhanda uva Kayonza ukagera ku Rusumo ku mupaka wa Tanzania.

Kuri uyu wa Kabiri tariki 15 Nzeli, ubwo Ambasaderi w’u Buyapani mu Rwanda Ota Kiyokazi yakirwaga na Perezida Kagame, yatangaje ko igihugu cye cyemeye kuguriza u Rwanda miliyoni 60 z’Amadorali yo kubakisha umuhanda uhuza u Rwanda na Tanzania.

Umuhanda Kayonza-Rusumo wubatswe mu 1976. Umushinga wo kwagura no kubaka umuhanda Kagitumba-Kayonza-Rusumo uzatwara hagati ya miliyari 180 na 200 z’amafaranga y’u Rwanda.

Ambasaderi Ota Kiyokazi yavuze ko gusana uyu muhanda ari ingirakamaro k’u Rwanda n’akarere muri rusange.

Yagize ati “Hari inguzanyo ya Miliyoni 60 z’Amadorali Guverinoma yacu yageneye u Rwanda azakoreshwa mu mushinga wo kwagura umuhanda wa Kayonza-Rusumo, uyu muhanda ni ingirakamaro k’u Rwanda kuko uruhuza n’akarere.’’

Ota Kiyokazi ashyikiriza Perezida Kagame impapuro zimwemerera guhagararira u Buyapani mu Rwanda

Iyi nguzanyo izanyuzwa muri Banki Nyafurika itsura Amajyambere,BAD, izatangwa mu mpera z’uyu mwaka, izishyurwe hagati y’imyaka 20 na 30.

Ambasaderi Kiyokazi yakomeje avuga ko igihugu cye kizakomeza gufatanya n’u Rwanda mu guteza imbere ikoranabuhanga.

Yagize ati “Dusanzwe dukorana mu bijyanye n’ikoranabuhanga, kuri ubu twahaye ubutumire abanyeshuri 16 bazajya kwiga icyiciro cya gatatu cya Kaminuza (Masters) mu bijyanye n’ikoranabuhanga mu Buyapani, abenshi muri bo basanzwe babikoramo. Nyuma y’imyaka itatu y’amasomo, bazimenyereza mu bigo by’Abayapani bikora ikoranabuhanga.’’

U Buyapani bwagiye butera inkunga gahunda zinyuranye za Guverinoma zirimo iz’uburezi, ubuhinzi, ikoranabuhanga, ibikorwa remezo n’ubwikorezi.

[email protected]


Kwamamaza
IZINDI NKURU WASOMA
Sakuru boot camp
2016-08-22 18:09:26
ABE 3rd Batch
2016-08-22 18:09:02
JICA suppliments
2016-08-22 18:08:59
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 28 September 2016
Copyright © 2009 -2014 - IGIHE Ltd - All Rights Reserved