Kwamamaza

U Buyapani bwatangiye gusohoza ibyo bwemereye Perezida Kagame

Yanditswe kuya 26-03-2014 saa 10:20' na Deus Ntakirutimana


Guverinoma y’u Buyapani yasezeranyije, umukuru w’u Rwanda ko buzarufasha gutera imbere binyujijwe mu bikorwa remezo birimo ingufu n’amazi bizagezwa mu byaro no mu mijyi.
Biciye mu bigo n’imishinga bitandukanye birimo, JICA, Nippon Koei, Nishizawa Limited na Takaoka, Leta y’u Buyapani yakoze ibikorwa bitandukanye bigamije kuzamura imibereho y’igihugu biciye mu kubona ingufu z’amashanyarazi.
Ibi bikorwa byateganyijwe kuzakorwa mu myaka 3, bigatwara akayabo ka miliyari 2 na miliyoni 40 z’amafaranga (...)

Guverinoma y’u Buyapani yasezeranyije, umukuru w’u Rwanda ko buzarufasha gutera imbere binyujijwe mu bikorwa remezo birimo ingufu n’amazi bizagezwa mu byaro no mu mijyi.

Biciye mu bigo n’imishinga bitandukanye birimo, JICA, Nippon Koei, Nishizawa Limited na Takaoka, Leta y’u Buyapani yakoze ibikorwa bitandukanye bigamije kuzamura imibereho y’igihugu biciye mu kubona ingufu z’amashanyarazi.

Ibi bikorwa byateganyijwe kuzakorwa mu myaka 3, bigatwara akayabo ka miliyari 2 na miliyoni 40 z’amafaranga y’u Rwanda, ni ukuvuga agera kuri miliyoni 30 z’amadorali y’Amerika.

Ibyo iki gihugu cyiyemeje byatangiye gushyirwa mu bikorwa, birimo kwagura sitasiyo y’amashanyarazi ya Musha, ikava kuri Kilovolt 70 ikagera ku 110.

Kuvugurura sitasiyo za Jabana na Gikondo zihabwa transformateur imanura umuriro ukava kuri kuri Kilovolt 110 ikageza kuri 15 zibasha gukwirakwiza umuriro mu nganda n’ahandi. Gushyira icyuma cyinjiza cyangwa kigahagarika amashanyarazi kuri sitasiyo nini mu Rwanda ya Birembo no kongera ubushobozi bwa sitasiyo ya Huye ikava kuri Kilovolt 6.6 ikagera kuri 30, hakiyongeraho kwagura imiyoboro y’amashanyarazi mu mujyi wa Kigali.

Ubwo hatahwaga umushinga usa n’ugeze ku musozo wo kwagura sitasiyo z’umuriro w’amashyanyarazi ya Musha, yashyizwemo icyuma kigena ingano y’umuriro (Transfomateur) ku wa Kabiri tariki ya 25 Werurwe 2014, Ambasaderi w’u Buyapani mu Rwanda, Kazuya Ogawa yavuze ko bemereye Perezida w’u Rwanda kurufasha kubona ingufu z’amashanyarazi n’amazi kandi bakaba barimo kubishyira mu bikorwa.

Yavuze ko hari muri Kamena 2013, mu nama ya 50 mpuzamahanga ya Tokyo ku iterambere ry’Afurika yabereye i Yakohama maze iki gihugu kikemerera umukuru w’u Rwanda ko kizafasha kugeza amashanyarazi mu mujyi no mu cyaro.

Yagize ati "Ubu rero byatangiye gukorwa. Twemeye gutera iyi nkunga kuko tuzi ko ibikorwaremezo bituma inganda ziyongera, amasoko mashya, akazi kakiyongera, nka bimwe mu bikenewe ngo ubukungu n’ubuzima bwiza bw’Abanyafurika bitere imbere."

Yakomeje avuga ko iki gihugu kitazacogoramo mu bikorwa bifasha kujyana mu cyerekezo 2020, aho u Rwanda rwiyemeje kugera kuri byinshi biciye mu kongera ibikorwa remezo.

Ku ruhande rwa leta y’u Rwanda, Emma Francoise Isumbingabo, Umunyamanga wa Leta muri Minisiteri y’ibikorwa remezo ushinzwe ingufu n’amazi yavuze ko u Rwanda rwishimira ibikorwa bitandukanye rwagejejweho n’u Buyapani.

Yagize ati "Ku ikubitiro ndashimira cyane guverinoma y’u Buyapani ku nkunga n’ubufatanye ikomeje kugaragariza guverinoma y’u Rwanda mu rwego rw’ingufu, urw’amazi no mu bindi bikorwa binyuranye."

Yanakomeje kandi avuga ko u Rwanda rufite intego yo kubyaza ingufu z’amashanyarazi umutungo kamere washoboka no kugezwa ku bantu benshi.

Yavuze ko umushunga watashywe ari umwe mu ikomeje gutahwa ku mugaragaro nyuma yo kuvugurura no kwagura sitasiyo z’imiyoboro y’amashyanyarazi mu Rwanda.

Umuyobozi wungirije w’akarere ka Rwamagana ushinzwe imari n’iterambere ry’ubukungu, Mutiganda Francisca yavuze ko ku ruhande rw’abaturage, iyi sitasiyo iri hafi y’ahagenewe inganda ngo ba nyirazo bazabone umuriro n’abahaturiye bazabone imirimo.

Ikindi ni uko ngo ingo 36% muri aka karere zamaze kugeramo umuriro kandi ko barimo kugerageza kuzongera.

Kwagura sitasiyo ya Musha byatangiye tariki ya 21 Kanama 2013. Uretse ibi bikorwa bya JICA, abakozi ba EWSA bahabwa amasomo ku bijyanye n’amashanyarazi. Isumbingabo yavuze ko abayahabwa bakomeza gushyira mu bikorwa ibyo bize kandi bakabyitaho kuko bigoranye kujya kuzana abatekinisiye mu Buyapani mu gihe habaye ikibazo runaka.

U Rwanda rwihaye intego ko mu 2017, ingo 70% zaba zarabonye umuriro, Rwamagana ikaba iri mu turere twa mbere tumaze kugira ingo nyinshi zifite umuriro.

[email protected]

Isumbingabo na Ambasaderi Kazuya bafungura ku mugaragaro sitasiyo ya Musha u Buyapani bwateye inkunga mu isanwa n'iyagura
Umuyobozi ushinzwe amashanyarazi muri EWSA asobanura imikorere y'imashini nshya zikupa amashanyarazi
Transformateur nshya yashyizwe muri sitasiyo y'i Musha
Abaturage bishimiye ibikorwa bizatuma amashanyarazi akwirakwira mu ngo

Kwamamaza
IZINDI NKURU WASOMA
Sakuru boot camp
2016-08-22 18:09:26
ABE 3rd Batch
2016-08-22 18:09:02
JICA suppliments
2016-08-22 18:08:59
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 24 August 2016
Copyright © 2009 -2014 - IGIHE Ltd - All Rights Reserved