Kwamamaza

U Buyapani bugiye kugeza amazi meza ku Banyarwanda barenga ibihumbi 130

Yanditswe kuya 5-03-2015 saa 20:41' na Mathias Hitimana


Leta y’u Rwanda n’iy’u Buyapani kuri uyu wa Kane byashyize umukono ku cyiciro cya gatatu cy’inkunga ingana na miliyoni icyenda z’amadolari y’Amerika, azifashishwa mu kugeza amazi meza ku baturage bo mu turere dutatu tw’Intara y’Uburasirazuba.

Ubwo Minisitiri w’Imari n’Igenamigambi Amb. Claver Gatete na Ambasaderi w’u Buyapani mu Rwanda, Kazuya Ogawa bashyiraga umukono kuri ayo masezerano, Amb. Gatete yavuze ko u Rwanda rwishimiye inkunga u Buyapani bukomeza gutera u Rwanda, kuko uretse uyu mushinga w’amazi meza, hari indi mishinga myinshi bwagizemo uruhare nk’uwo kuhira imyaka imusozi mu Burasirazuba, ikiraro cya Rusumo cyubatswe mu gufasha ubuhahirane bw’u Rwanda na Tanzania, n’iyindi.

Yongeyeho ati “ Wowe (Ogawa) uri Ambasaderi udasanzwe, kuko ujya unazana abshoramari b’Abayaopani benshi mu Rwanda.”

Minisitiri w’Imari n’Igenamigambi Amb. Claver Gatete na Ambasaderi w’u Buyapani mu Rwanda, Kazuya Ogawa

Ambasaderi w’u Buyapani yagaragaje ko inkunga bageneye u Rwanda izafasha mu kubaka imiyoboro y’amazi meza mu Murenge wa Rukira, Akarere ka Ngoma; mu Murenge wa Murama muri Kayonza, na Remera muri Gatsibo.

Biteganyijwe ko uyu mushinga uzafasha kubona amazi abaturage ibihumbi 33.

Minisitiri Gatete yibukije ko u Rwanda rwihaye intego ko muri gahunda y’imbaturabukungu ya kabiri (EDPRS II) rugomba kugeza amazi meza ku baturage bose. Ubu abo ageraho babarirwa kuri 74%.

Ambasaderi Kazuya yemereye u Rwanda ko nubwo inkunga nyuma yo kugeza amazi meza mu baturage bo mu Ntara y’Uburasirazuba, hazabaho n’izindi Ntara zikagerwaho.

Iyi nkunga ije ari icyiciro cya gatatu, ikurikiye umushinga wagejeje amazi meza ku baturage ibihumbi 43 mu turere twa Ngoma, Kayonza na Rwamagana. Warangiye utwaye hafi miliyoni 6.1 z’amadolari u Buyapani bwarangije mu 2008.

Icyiciro cya Kabiri nacyo cyakorewe mu Burasirazuba, aho u Buryapani bwasoje umushinga wo kugeza amazi ku baturage ibihumbi 55, utwara hafi miliyoni 16 z’amadolari muri Nyakanga 2013.

Muri ibyo bice, u Buyapani bwanafashaga Leta y’u Rwanda gusana no kuvugurura imiyoboro y’amazi.

[email protected]


Kwamamaza
IZINDI NKURU WASOMA
Sakuru boot camp
2016-08-22 18:09:26
ABE 3rd Batch
2016-08-22 18:09:02
JICA suppliments
2016-08-22 18:08:59
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 20 September 2016
Copyright © 2009 -2014 - IGIHE Ltd - All Rights Reserved