Kwamamaza

Bugesera: Abahinga mu gishanga cya Kizanye, bizeye umusaruro w’umuceri bakesha JICA

Yanditswe kuya 20-04-2013 saa 03:27' na Eugenie Umuhoza


Ikigo cy’u Buyapani cy’Ubutwererane Mpuzamahanga (JICA) ,mu rwego rwo guteza imbere ubuhinzi mu cyaro cyafashije abahinzi b’umuceri bahinga mu gishanga cya Kizanye cyo mu karere ka Bugesera, Umurenge wa Ruhuha, kudahinga mu kajagari kugirango bazabona umusaruro utubutse.
Mu gihe kuva mu mwaka wa 2001,icyo gishanga cyahingwagamo n’abaturage batuye mu Karere ka Bugesera, bakaba barahingaga mu kajagari, ndetse ngo ntibanabone umusaruro uhagije kubera amazi make ari mu gishanga cya Kizanye, kuri (...)

Ikigo cy’u Buyapani cy’Ubutwererane Mpuzamahanga (JICA) ,mu rwego rwo guteza imbere ubuhinzi mu cyaro cyafashije abahinzi b’umuceri bahinga mu gishanga cya Kizanye cyo mu karere ka Bugesera, Umurenge wa Ruhuha, kudahinga mu kajagari kugirango bazabona umusaruro utubutse.

Mu gihe kuva mu mwaka wa 2001,icyo gishanga cyahingwagamo n’abaturage batuye mu Karere ka Bugesera, bakaba barahingaga mu kajagari, ndetse ngo ntibanabone umusaruro uhagije kubera amazi make ari mu gishanga cya Kizanye, kuri ubu barishimira uburyo JICA ,ifatanyije n’abakorerabushake bayo bakomoka mu gihugu cy’u Buyapani, babafasije kwibumbira mu makoperative kugira ngo babyaze umusaruro mwinshi w’igihingwa cy’umuceri muri icyo gishanga.

Iyamuremye Emmanuel Umunyamuryango muri Koperative KOPAUKI, yagize ati ”Mu bihe bishize wasangaga abaturage barwanira amazi muri iki gishanga, kubera ko ari make bigatuma umusaruro utaba mwinshi kandi atari mwiza kuko hari nabarumbyaga, hari igihe wasangaga tweza toni 4 gusa, ubu bakaba baratwigishije gukora imiyoboro yo kubika amazi kandi tukayasaranganya, tukaba tunahinga umuceri twibumbiye mu makoperative 2 , Koperative KOPAUKI na Koperative KOPETWIKI”.

Saito Yuri, umukorerabushake muri JICA, ushinzwe ubuhinzi muri icyo gishanga yagize ati ”Wasangaga mbere batera umuceri mwinshi aho mu mwobo umwe haterwaga imiceri itandatu, ubu mumwobo umwe haterwamo umuceri umwe gusa, kandi n’umusaruro ntuba mwinshi, amazi yari make ariko kuko bazi kuyatega arahagije”.

Igishanga cya Kizanye gifite ubuso bwa hegitari 9.5 kandi kigenda kiyongera, mu mpera z’ukwezi kwa Nyakanga bateganya kuzabona umusaruro wa toni umunani.


Kwamamaza
IZINDI NKURU WASOMA
Sakuru boot camp
2016-08-22 18:09:26
ABE 3rd Batch
2016-08-22 18:09:02
JICA suppliments
2016-08-22 18:08:59
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 September 2016
Copyright © 2009 -2014 - IGIHE Ltd - All Rights Reserved