Kwamamaza

Ambasaderi w’u Buyapani yashimye ubufatanye n’u Rwanda mu by’umutekano

Yanditswe kuya 7-10-2015 saa 17:09' na Cyprien Niyomwungeri


Kuri uyu wa Gatatu tariki 7 Ukwakira 2015, Perezida wa Sena y’u Rwanda Bernard Makuza, yakiriye mu biro bye Ambasaderi mushya w’u Buyapani mu Rwanda, Kiyokazi Ota, ashima ubufatanye bw’igihugu cye n’u Rwanda mu bijyanye n’umutekano, by’umwihariko uko bafatanya mu bikorwa byo kugarura amahoro mu bice bitandukanye ku Isi.

Aba bayobozi bombi baganiriye ku mubano w’ibihugu byombi n’ubufatanye bubiranga mu iterambere, ikoranabuhanga n’umutekano.

Ambasaderi Kiyokazi yavuze ko batangajwe n’imyitwarire myiza y’u Rwanda ubwo rwari ruyoboye akanama k’umutekano ka Loni kuva mu 2012 kugeza 2014, kandi nk’u Buyapani bakishimira imikoranire ya hafi muri byinshi, yakomeje kuranga ibihugu byombi, n’ubu u Rwanda rukaba rufasha u Buyapani gusohoza ubutumwa muri Soudani y’Epfo.

Yagize ati ’’Twe n’u Rwanda twohereje abasirikare muri Sudani y’Epfo, mu itegeko nshinga no mu mategeko yacu abasirikare bacu ntibarwana, bivuze ko badashobora kwirwanirira. Twoherejeyo abubatsi n’abaganga kandi barindwa n’Abanyarwanda kugira ngo babashe gukora akazi kabo.’’

U Rwanda ni urwa gatanu ku isi mu gutanga ingabo na polisi mu butumwa bwa Loni bwo kubungabunga amahoro, inyuma ya Afghanistan, u Buhinde, Bangladesh na Ethiopia.

Uretse ubufatanye mu by’umutekano, Perezida wa sena Makuza na Ambasaderi Kiyokazi baganiriye ku cyo u Rwanda n’u Buyapani bihuriyeho cyo kuba Perezida w’u Rwanda Paul Kagame na Minisitiri w’intebe w’u Buyapani Shinzō Abe, baratoranyijwe mu bakuru ba Leta na za Guverinoma 10 bayoboye umugambi wo guteza imbere umugore bikozwe n’umugabo ‘HeForShe’.

Ambasaderi w’u Buyapani yiyemeje no guteza imbere ikoranabuhanga ry’u Rwanda binyuze mu guha buruse Abanyarwanda bakajya kuryiga mu Buyapani. Uyu mwaka hari 16 bazajyayo, basangayo 10 bagiye mu mwaka ushize.

[email protected]


Kwamamaza
IZINDI NKURU WASOMA
Sakuru boot camp
2016-08-22 18:09:26
ABE 3rd Batch
2016-08-22 18:09:02
JICA suppliments
2016-08-22 18:08:59
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 26 August 2016
Copyright © 2009 -2014 - IGIHE Ltd - All Rights Reserved