Kwamamaza

Ambasaderi mushya w’u Buyapani yijeje ubufatanye abakuriye Inteko Ishinga Amategeko

Yanditswe kuya 14-06-2013 saa 04:53' na H. Joseph Curio


Kazuya Ogawa, Ambasaderi mushya w’u Buyapani mu Rwanda kuri uyu wa Kane yabonanye na Perezida wa Sena y’u Rwanda, aho baganiriye ku bufatanye bw’u Buyapani n’u Rwanda, maze Perezida wa Sena anaboneraho kumuha ikaze mu gihugu ku mirimo ye mishya.
Ambasaderi Kazuya avuga ko nk’uko yabisezeranije Perezida Kagame, azakomeza gufasha u Rwanda cyane cyane mu kwagura ubufatanye, gukangurira Abayapani gushora imari mu Rwanda, no kungurana ibitekerezo n’inzego zitandukanye ku bijyanye n’ubufatanye hagati (...)

Kazuya Ogawa, Ambasaderi mushya w’u Buyapani mu Rwanda kuri uyu wa Kane yabonanye na Perezida wa Sena y’u Rwanda, aho baganiriye ku bufatanye bw’u Buyapani n’u Rwanda, maze Perezida wa Sena anaboneraho kumuha ikaze mu gihugu ku mirimo ye mishya.

Ambasaderi Kazuya avuga ko nk’uko yabisezeranije Perezida Kagame, azakomeza gufasha u Rwanda cyane cyane mu kwagura ubufatanye, gukangurira Abayapani gushora imari mu Rwanda, no kungurana ibitekerezo n’inzego zitandukanye ku bijyanye n’ubufatanye hagati y’inteko zishinga amategeko z’ibihugu byombi.

Kuri uyu wa Gatatu Kazuya Ogawa yari yabonanye na Perezida w’Umutwe w’Abadepite. Nyuma yo kwakira Kazuya Ogawa, Rose Mukantabana yagize ati “Nishimiye uyu mushyitsi, Ambasaderi mushya w’igihugu cy’inshuti, cy’u Buyapani mu Rwanda, kuko nkurikije ibyo yambwiye afite gahunda nziza yo guteza imbere ishoramari kugira ngo ubukungu buzamuke binajyana n’icyerekezo u Rwanda rufite.”

Naho ubwo yabonanaga na Perezida wa Sena, Dr Ntawukuriryayo Jean Damascène, kuri uyu wa Kane Ambasaderi Kazuya Ogawa yavuze ko mu minsi iri imbere inkunga u Buyapani butera u Rwanda ishobora kwiyongera, kuko ngo mu mirimo ye mishya agiye guharanira ko inyungu z’u Rwanda zakwiyongera.

Ni muri urwo rwego ngo nta gihindutse mu mezi abiri ari imbere, ibihugu byombi byazahurira mu nama izabera mu Rwanda, bakaganira ku birebana n’inkunga igihugu cye gitera u Rwanda.

Inteko Ishinga Amategeko y’u Rwanda n’iy’u Buyapani ziherutse gushyiraho itsinda ry’ubucuti ribahuza.

Ambassaderi Ogawa yabwiye Perezida wa Sena ko umuyobozi w’itsinda ryo ku ruhande rw’u Buyapani yifuza gusura u Rwanda mu minsi iri imbere.

Tariki ya 24 Gicurasi 2013 nibwo ambasaderi Kazuya Ogawa yashyikirije Perezida Kagame ibaruwa umwemerera guhagararira igihugu cye cy’u Buyapani mu Rwanda, akaba yarasimbuye Kunio Hatanaka wahamagariwe indi mirimo mu gihugu cye.

Foto: Joseph C.


Kwamamaza
IZINDI NKURU WASOMA
Sakuru boot camp
2016-08-22 18:09:26
ABE 3rd Batch
2016-08-22 18:09:02
JICA suppliments
2016-08-22 18:08:59
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 24 August 2016
Copyright © 2009 -2014 - IGIHE Ltd - All Rights Reserved