00:00:00 IGIHE NETWORK KN KINYARWANDA EN ENGLISH FR FRANCAIS

StarTimes iri kwerekana ibikorwa bibumbiye mu myaka 50 y’umubano wa Afurika n’u Bushinwa

Yanditswe na IGIHE
Kuya 15 Ugushyingo 2021 saa 08:46
Yasuwe :
0 0

Kuva mu mwaka wa 1971, u Rwanda n’u Bushinwa bifitanye umubano ushingiye ku butwererane n’ubufatanye mu nzego zitandukanye.

Witegereje neza usanga muri iyi myaka 50 ishize hari byinshi u Bushinwa bwagejeje ku Rwanda na Afurika muri rusange nk’uko bigaragara muri filime mbarankuru yiswe “A Glimpse of China” itambuka kuri application ya StarTimes ON.

Mu bijyanye n’ubuzima, kuva 1982 u Bushinwa bumaze kwohereza ikipe z’abaganga zigera kuri 21, zigizwe n’abavuzi basaga 250 baje gukorera mu Rwanda.

Abarwayi basaga miliyoni b’Abanyarwanda bamaze kuvurwa n’abo baganga b’Abashinwa. Ubu hari ikipe y’abaganga b’Abashinwa iri gukorera mu bitaro bitandukanye mu Rwanda, cyane ibya Masaka.

Uyu mubano w’u Rwanda n’u Bushinwa ugaragarira kandi mu bikorwa bitandukanye byinshi bitari iby’ubuvuzi gusa kuko harimo n’uburezi, ubuhinzi, ikoranabuhanga, ibikorwaremezo bitandukanye birimo kwagura umuhanda Sonatube-Gahanga-Akagera ureshya n’ibilometero 13,8 uzatwara akabakaba miliyari 65 Frw n’indi mihanda inyuranye.

Harimo kandi amavomo ya Nayikondo 200 hirya no hino mu gihugu yubakishijwe asaga miliyari 7 Frw.

Abanyarwanda batandukanye batangaje ko bishimira ko byahinduye imibereho yabo kuko hari ababibonyemo akazi ubwo byubakwaga.

Ubwo yitabiraga inama igamije ishoramari n’ubucuruzi hagati ya Afurika n’u Bushinwa izwi nka ‘China-Africa Economic and Trade Expo’; Perezida Paul Kagame yashimiye Perezida Xi Jinping w’u Bushinwa ku bufasha yahaye u Rwanda na Afurika bugamije guhangana na COVID-19.

Mu bucuruzi

kuva mu mwaka wa 2014, u Bushinwa bwemereye u Rwanda kwohereza ibicuruzwa bya Made in Rwanda muri icyo gihugu hatishyuwe umusoro.

Tariki 12 Ugushyingo 2021 hizihijwe imyaka 50 u Rwanda rumaze rufitanye umubano mwiza ushingiye ku bufatanye n’u Bushinwa.

Minisitiri w’Ububanyi n’Amahanga w’u Rwanda, Dr Vincent Biruta, yagarutse kandi anashima ibikorwa n’imishinga itandukanye byagezweho kubera uburyo byahinduye imibereho y’abaturage harimo ikoranabuhanga, ubucukuzi bw’amabuye y’agaciro, ingendo zo mu kirere, uburezi, kubaka ubushobozi, ubuzima, ubucuruzi, ubukerarugendo, ubuhinzi ndetse n’umutekano uhamye.

Ati “Umubano wacu ni ukuva mu 1971 by’umwihariko kuri twe nyuma ya Jenoside yakorewe Abatutsi, twakoranye cyane mu kuzamura imibereho n’iterambere ry’abaturage ndetse no guteza imbere ibya politiki. U Bushinwa buza mu myanya y’imbere mu gushora imari mu Rwanda, rikaba ryarahanze imirimo ibihumbi mu byiciro bitandukanye."

Ambasaderi w’u Bushinwa mu Rwanda, Rao Hongwei, yagaragaje ko kuva mu 1971 umubano w’ibihugu byombi uhagaze neza mu ngeri zitandukanye.

Mu mpera za 2020, ishoramari ry’u Bushinwa ryari miliyoni 191$, ni ukuvuga asaga miliyari 190 Frw mu byiciro bitandukanye birimo ibikorwaremezo, ubuzima, kungurana ubumenyi mu by’uburezi, ikoranabuhanga n’ubugeni.

Ikigo gisakaza kikanagurisha amashusho “StarTimes” ni kimwe mu bikorwa bigaragaza imbaraga z’ishoramari u Bushinwa bwashyize mu iterambere ry’u Rwanda na Afurika muri rusange.

Mu bihugu bisaga 30 bya Afurika ni ukuvuga, abaturage babyo bareba televiziyo mu buryo bugezweho hifashishijwe ikoranabuhanga, bakareba amashusho ya HD babifashijwemo na StarTimes.

Muri uku kwezi, u Rwanda n’u Bushinwa byizihije imyaka 50 y’ubucuti

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .