IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

‘YokoYowe’ irahesha abafatabuguzi ba Tigo internet y’ubuntu

Sosiyete ya Tigo yatangiye guha abakiliya bayo internet y’ubuntu ibafasha gukoresha imbuga nkoranyambaga ndetse no gusoma amakuru agezweho, serivisi iri mu rwego rwo kwishimira gutangiza gahunda nshya yiswe “YokoYowe”.

Kuva kuri uyu wa 7 Nzeli 2016, abafatabuguzi ba Tigo barahabwa internet y’ubuntu buri munsi kuva saa kumi n’ebyiri kugeza saa mbiri za mugitondo.

Iyo Internet y’ubuntu izajya ibafasha gukoresha imbuga nkoranyambaga nka Twitter, Instagram, Facebook, aho bashobora gukunda (Like) ibyanditsweho (Post) cyangwa ifoto, kuganirira kuri WhatsApp ndetse bagasoma n’andi makuru agezweho ku mbuga za internet zitadukanye.

Umuyobozi ushinzwe ubucuruzi muri Tigo, Yaw Ankoma Agyapong, avuga kuri iyi gahunda nshya ya “YokoYowe” yagize ati “u Rwanda ni igihugu gikataje mu iterambere ry’ikoranabuhanga, aho abagituye baba bifuza icyabahuza n’inshuti zabo, kuryoherwa n’umuziki, sinema, amakuru n’ibindi. Ibyo byose bitangira umuntu akibyuka.”

Yakomeje agira ati “Muri Tigo, dushaka ko abafatabuguzi bacu bagerwaho n’ibyo bifuza byose kuri internet badakanzwe n’ikiguzi. Twababwira ngo ‘Mubyuke muba aba mbere kubwira bagenzi banyu muti mumeze mute ‘hello’, musome amakuru, muryoherwe n’indirimbo igezweho cyangwa mwunguke ikindi gishya mu bigezweho. YokoYowe ni iyanyu.”

YokoYowe ikora ite?

Kuva saa kumi n’ebyiri za mugitondo, abafatabuguzi ba Tigo bazajya bahabwa internet y’ubuntu irangira saa mbiri za mugitondo, aho bagomba gutangira gukoresha internet baguze mu mafaranga yabo bitewe n’iyo buri wese akeneye.

Abadafite ipaki ya internet ihoraho, bazajya bahitamo mu zo Tigo itanga, babanje gukanda *255#, bagahita bashyiramo 2, ndetse bagakurikiza amabwiriza yo kugura “Internet Packs”.

Gukoresha no kuryoherwa na YokoYowe, abafatabuguzi ba Tigo bagomba kuba bafite SIM Cards muri telefoni zabo zikoresha internet ya 3G cyangwa 2G.

Ushaka gukoresha YokoYowe akaba adakoresha internet ya Tigo, ashobora guhamagara kuri 456 agahabwa ubufasha, cyangwa akagana ishami rya Tigo rimwegereye bakamufasha gushyira internet ya Tigo muri Telefoni ye.

Tigo yatangiye gukorera ku butaka bw’u Rwanda mu 2009, ifite abafatabuguzi basaga miliyoni eshatu.

Andi mafoto
Contacts
IGIHE LTD
0788 74 29 08 / 0788 49 69 15
[email protected]
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved