IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

URWEGO BANK yazanye ibirango n’imikorere bishya

Mu gihe imaze imyaka 20 ikorera mu Rwanda, Urwego Bank yishimiye gutagaza imikorere mishya igamije guha serivise nziza abakiliya.

Hamwe n’amashami 18 n’abayihagarariye (agents) barenga 100 mu gihugu hose, Urwego Banka ni cyo kigo kinini mu bigo by’imari biciriritse mu Rwanda kuko gifite abakiliya basaga ibihumbi 400.

Aba bakiliya barimo kwiyubakira ejo hazaza heza binyuze mu nguzanyo zigenewe ubucuruzi, ubuhinzi, uburezi, ubwubatsi n’izindi serivise zitangwa na Urwego Bank, zirimo izo kwiziganira, amahugurwa, izikoresha telefoni, izo kuvunja n’ubwishingizi.

Urwego rugiye kongera ubwiza bwa serivise zihabwa abakiliya harimo gufunguza konti no kwaka inguzanyo bakoresheje telefoni zigendanwa batagombye kugana ibiro bya banki ngo batange imyirondoro.

Imbaraga iyi banki ikomeje gushyira mu ikoranabuhanga ziyemerera ubu gutanga serivise zihuse kandi zizewe mu byo umuntu yakenera byose kuri banki.

Serivise za banki zikoresha telefoni (Mobile banking) n’uburyo bwo gukoresha igikumwe (biometric fingerprint) bitanga umutekano usesuye wa konti z’abakiliya mu byaro no mu mijyi. Ibi byose byagezweho kubera icyerekezo Urwego Bank yafashe yo kuba indashyikirwa mu guha abakiliya serivise nziza hitabwa ku byo bifuza.

Umuyobozi Mukuru w’Urwego Bank, Christine Baingana, yagize ati “Dutewe ishema n’imikoranire myiza twagiranye n’abakiliya bacu mu gihe gishize kandi twizeye ibyiza biruseho mu gihe kiri imbere dufatanyije muri uru rugendo. Twiyemeje gukomeza kunoza serivise tubagenera kugira ngo zirusheho kubanogera tunabafasha gukoresha igihe n’imbaraga neza.”

Umusaruro w’izi serivise ni uko tuzabona abana benshi mu mashuri, imiryango myinshi igakabya inzozi zo kugira amazu yo guturamo, abahinzi benshi bakongera umusaruro, abacuruzi benshi bakongera inyungu n’imiryango myinshi ikagira ibikenerwa byose kandi igatera imbere.

-  Urashaka inguzanyo igufasha gushyira abana bawe bose mu mashuri? Urwego Bank yarabyoroheje

-  Urashaka amafaranga yo kwagura ubucuruzi bwawe? Urwego Bank igufitiye inguzanyo zihuza n’ibyifuzo byawe

-  Urifuza ahantu wazigamira amafaranga yawe mu mutekano? Urwego Bank ikubikira ubutunzi bwawe mu mutekano.

Ukeneye andi makuru kuri serivise zitangwa n’Urwego Bank, wahamagara ku murongo utishyurwa: 5151.

Menya Urwego Bank

Kuva mu 1997, Urwego Bank igeza serivise za banki ku Banyarwanda batagerwagaho n’amabanki yahozeho mu gihugu. Nk’ikigo cy’imari giciriritse cya Gikirisitu, Urwego Bank itanga amahirwe ku miryango yo guhindura imibereho y’abawugize, hategurwa ahazaza heza h’abana no guhindura aho batuye.

Urwego Bank itanga serivise zose z’imari harimo inguzanyo, kuzigama, amahugurwa no kujijura abakiliya ku bijyanye n’ubucuruzi, kwita ku muryango n’ubuzima. Menya byinshi usura urubuga rwa Urwego Bank www.urwegobank.com.

Andi mafoto
Contacts
IGIHE LTD
0788 74 29 08 / 0788 49 69 15
[email protected]
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved