Ubuhamya bwa Serugendo wari warashegeshwe na Amibe akaza kuyikira burundu

Serugendo Elifazi w’imyaka 71, ukomoka mu Mudugudu wa Masheka, Akagari ka Nyakagarama, Umurenge wa Rukomo, Akarere ka Nyagatare, aremeza ko yarwaye Amibe akamara umwaka n’igice zaramushegeshe ndetse zikamutera no kutabona ariko nyuma akaza kuyikira burundu.

Uyu mugabo avuga imyato Ivuriro Zirumuze rivura mu buryo bw’umwimerere rikanatanga ubujyanama avuga ko ntaho atari yarageze, yaba mu mavuriro ya kizungu n’aya kinyarwnda bikanga bikaba iby’ubusa.

Mu buhamya bwe, Serugendo avuga ko yafashwe n’uburwayi bwo kubyimba uruhago maze bugakura bukamuviramo kutabona neza, akabyimba kugeza ubwo yavuye ku biro 54 akagera kuri 71, akabyibuha ariko atazi indwara arwaye.

Avuga ko yabanje gukeka ko ari amarozi, agana abavuzi batandukanye, bamwe akabaha amafaranga ariko ntakire, yivurije no mu kizungu biranga biba iby’ubusa.

Aho yivuje hose ibinini yahabwaga ntacyo byamumariye, bamwe bamubwiraga ko uretse kuba yashaka amafaranga akajya kwivuriza mu Buhinde, bigoranye cyane kugira ngo yongere abe muzima kuko umubiri wari waranetse ku buryo wamutoboza urutoki.

Nubwo yari akomeje gutakaza icyizere cy’ubuzima, Serugendo yakomeje gukoresha ibizamini, maze bamusangamo indwara nyinshi zirimo na Amibe yari yaramushegeshe bikomeye.

Yakomeje gushakisha amavuriro maze arangirwa iryitwa "Zirumuze" rimaze kumenyekana ku kuvura mu buryo bwa gakondo buvuguruye, aho witwaza ibizamini wagiye wahawe kwa muganga, warangiza bakakuvurisha imiti yabo ya kinyawanda bakurije uko urwaye.

Serugendo yagize ati “Kuko nari mfite ibizamini bitandukanye bigaragaza indwara mfite izo ari zo, Muganga Nyakarundi Samuel uyobora iryo vuriro yampaye umuti wo kunywa witwa Rubagantare; ni umuti nabonye ari kabuhariwe mu kuvura Amibe no gusenya ibikonoshwa byayo. Yampaye n’indi myinshi ntabasha kurondora, gusa uwambonye nenda gupfa ntiyakwemera ko ari njyewe uvuga.”

Yakomeje agira ati “Ku munsi wa gatatu ntangiye kuwunywa, numvise mu mubiri wanjye ibintu bisa n’ibihurura biva mu mubiri buhoro buhoro nkajya ncibwamo nka gatatu cyangwa kane ku munsi, nagejeje ku munsi wa munani numva ntekanye mu mubiri, maze nsubiye kwisuzumisha bambwira ko Amibe ntayo ndwaye kandi mbere yari yaranyibasiye.”

Nyuma yo kuvurwa n’ivuriro Zirumuze, Serugendo avuga ko yahise yumva ameze nk’uwazutse, ati “Nkurikije uko nari meze, nta hantu hazima nari nsigaranye, numvaga iminsi yo kubaho kwanjye ari mike kuko umutwe wari umeze nk’igihaza cyahiye, sinarebaga muri metero ebyiri, imitsi yari itagikora ntabasha kugenda kubera kubyimba ibirenge, ngahora nishimagura. Najyaga kwituma hashize iminsi itandatu. Amibe yari yaratobaguye uruhago rwanjye, namaraga kurya maze nyuma nkaza gusanga ibiryo byose byibereye mu kanwa, ariko ubu ibyo byabaye amateka.”

Nyakarundi Samuel ufite Ivuriro Zirumuze atangaza ko batanga ubuvuzi bakoresheje imiti gakondo nyuma yo kumenya indwara ihari nta gukekeraya.

Ati “ Nk’ivuriro rikoresha abantu babyize kandi tukaba tubimazemo imyaka isaga 14, dutanga imiti dukurikije ibipimo, ntabwo ari ukugereranya. Kuba Serugendo yarakize ni ikintu twishimira kuko bigaragara ko dufitiye akamaro sosiyete nyarwanda kandi ntabwo ari we wenyine kuko 90% by’abaza kwivuriza hano mu ivuriro Zirumuze batubwira rwose ko bakize.”

Nyakarundi ni umuganga akaba n’umushakashatsi mu kuvuza imiti gakondo mu buryo buvuguruye, afite Impamyabumenyi y’Icyiciro cya Kabiri cya Kaminuza mu Buzima Rusange (Public Health).

Aho ivuriro Zirumuze riherereye.

Musanze: Ivuriro ‘Zirumuze’, warisanga mu isoko ry’ibiribwa rya Musanze mu muryango wa 69 hanze, inyuma ya parikingi y’abamotari cyangwa ukabahamagara kuri telefoni 0784647166.

Kigali: Ku Biro byabo i Kigali, ni ku muhanda ugana ‘La Fraicheur’ imbere y’ahahoze isoko ry’imyenda rya Nyabugogo ku Muhima. Ni mu mu igorofa ry’ubururu rigeretse inzu imwe aho uhita ubona icyapa cyanditseho ‘Ivuriro Zirumuze’. Ni hejuru ya za Salon de Coiffure zo kwa Monica. Telefoni: 0784647369

Rubavu: Ni imbere muri Gare ya Gisenyi winjira ku muryango wa 14. Telefoni ni 0784647265

Ushobora no guhamagara kuri telefoni igendanwa: 0788863221, 0783072727, no kuri Whatsapp kuri nimero 0728863221, cyangwa ugasura urubuga rwabo: www.zirumuze.com. Wabandikira kandi kuri [email protected] cyangwa kuri [email protected] , [email protected]

Serugendo yakize amibe yari yaramushegeshe
Zirumuze ikoresha imiti y'umwimerere mu kuvura indwara zitandukanye
Ivuriro Zirumuze rifite abakozi babihuguriwe
Nyakarundi Samuel ufite Ivuriro Zirumuze atangaza ko batanga ubuvuzi bakoresheje imiti gakondo nyuma yo kumenya indwara ihari nta gukekeranya
Nyakarundi ni umuganga akaba n’umushakashatsi mu kuvuza imiti gakondo mu buryo buvuguruye, afite Impamyabumenyi y’Icyiciro cya Kabiri cya Kaminuza mu Buzima Rusange
Umuti uvura Amibe wa Rubagantare unyobwa nk'ibinini
Ivuriro Zirumuze riherereye ku Muhima mu Mujyi wa Kigali

Kwamamaza