UAP Rwanda mu ntero yo gushyira imbere ibyifuzo by’umukiriya

Sosiyete y’Ubwishingizi ya UAP yashoje icyumweru yari yahariye kuzirikana ku gaciro k’umukiliya cyatangiye kuva itariki ya 3 kugeza 7 Ukwakira 2016, ku nsanganyamatsiko igira iti “Dushyire mu bikorwa inzozi.”

Annie Nibishaka Ushinzwe ibikorwa by’ubucuruzi muri iyi sosiete yavuze ko icyi cyumweru cyaje kuzuza imirongo migari bari basanzwe bafite yo kwibanda ku gusohoza inzozi z’umukiriya.

Yagize ati “Twagiye duhindura byinshi muri iyi sosiyete, Ibikorwa byacu by’Afrika birangajwe imbere n’intego yo gukora ibishingiye ku byifuzo by’umukiriya”.

Claudine Mukakibibi, umuyobozi ushinzwe abakiriya muri iyo Sosiyete yavuze ko kwizihiza icyo cyumweru byabigishije kugira icyo bakorera abakiriya babo.

Yagize ati “ Ku burambe dufite ku isoko ry’u Rwanda kuva dutangiye kuhakorera, twasobanukiwe agaciro ko guhaza ibyifuzo by’abakiriya tubaha serivisi bakeneye."

Iyi sosiyete ikomeza ivuga ko intero yabo ari ugufasha abakiriya kugera ku ntego zabo z’ubukungu, ku buryo bareba icyabafasha kuzagira ejo heza, ku miryango yabo n’Isi muri rusange.

Muri icyo cyumeru, itsinda rishinzwe abakiriya muri iyi sosiyete bateguye gahunda y’iminsi ibiri yari igamije kureba uruhare rw’ubuyobozi ku guha umukiriya serivisi nziza.

Bakomeza bavuga ko bizera neza ko abantu bahuguwe muri icyo cyumweru bazashyira mu bikorwa inzozi zo guteza imbere umukiliya.Ku munsi wo gusoza, hazirikanwe abayobozi b’abakiriya bitwaye neza mu guteza imbere umuco wo kwita ku bakiriya.


Kwamamaza