Tecno yongeye gutembereza muri kajugujugu abatsinze irushanwa ryo gufata ifoto nziza

Ndamutse mvuze ko buri muntu wese yigeze kwifuza kumera nk’inyoni ngo aguruke mu kirere ndetse anitegereze uko hasi haba hameze sinaba mbeshye.

Mu gihe hari ababifata nk’inzozi zidashobora kuba impamo, hari abanyamahirwe batangiye kuzikabya aho batemberejwe muri kajugujugu binyuze mu irushanwa ryo gufata ifoto nziza ryateguwe na Tecno Rwanda ibinyujije muri telefoni nshya ya Camon C9.

Abanyamahirwe ba kabiri babashije gukabya inzozi zabo ni Ingenzi Kabenga Thierry na Bahizi Valgas batemberejwe ikirere cya Kigali mu mpera z’icyumweru gishize nyuma yo gutsinda iri rushanwa rigeze mu cyiciro cya kane ari nacyo cya nyuma.

Ifoto ya Kabenga yatsinze iri rushanwa nyuma yo gutoranywa n’abasura amaduka ya Tecno nk’ifoto nziza y’umubyeyi n’umwana.

Uretse gutemberezwa mu ndege yanahembwe telefoni nshya ya Camon C9 ayikoresha yifatira amafoto agaragaza ubwiza bw’u Rwanda yibereye mu kirere.

Bahizi yabonye aya mahirwe nyuma y’uko izina rye ritombowe mu y’abakiliya bagiye bitabira gutora ifoto nziza.

Nubwo ari irushanwa ryateguwe ku bufatanye na telefoni ya Tecno C9, ifoto itoranywa ishobora gufatwa na telefoni iyo ari yo yose cyangwa ibindi bikoresho bikoreshwa mu gufata amafoto.

Kuri ubu amafoto ari kurushanwa ni ayo mu byiciro bibiri aribyo umubyeyi n’umwana ndetse n’ifoto igaragaza amarangamutima (face emotion).

Ifoto irushanwa yoherezwa kuri [email protected] igaherekezwa n’amazina y’uwayifotoye, nimero ya telefoni, icyiciro ifoto irushanwa irimo(Scenery, Night Scene, Parent/Child, or Face) ndetse n’ubwoko bw’igikoresho cyakoreshejwe mu kuyifotora.

Amafoto yose azahiga andi azatakwa mu maduka ya Tecno Rwanda akomeye ari hirya no hino mu gihugu.

Ifoto yahize izindi
Abatsinze irushanwa batemberejwe muri kajugujugu

Kwamamaza