IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

TECNO yashyize hanze Phantom 6, ihanga amaso isoko ry’ibihangange ku isi

Nyuma yo kuza ku isonga mu ma sosiyete akora telefoni zikunzwe cyane muri Afurika, Tecno Mobile, yashyize hanze telefoni ya Phantom 6 ndetse yiha intego yo kwigarurira isoko ryo mu Burasirazuba bwo hagati na Amerika y’Amajyepfo.

Ubwo hamurikwaga iyi telefoni iza mu ruhererekane rwa telefoni za Phantom zakunzwe cyane, Umuyobozi ushinzwe itangazamakuru no kumenyekanisha ibicuruzwa, Attai Oguche, yongeye gushimangira iby’uko bigaruriye isoko ryo muri Afurika by’umwihariko muri Nigeria, Ghana, Kenya, Ethiopia, Tanzania na Cameroon.

Muri uyu muhango wabereye i Dubai, Oguche yavuze ko banejejwe no kuba Tecno iza ku mwanya wa mbere muri telefoni zikunzwe muri Afurika.

Ati” Twishimiye raporo iherutse gutangazwa yashyize Tecno ku mwanya wa mbere mu gukora telefoni zikunzwe muri Afurika; twihariye 25.3% by’amasoko akomeye muri Afurika yo munsi y’ubutayu bwa Sahara. Kugeza ubu Nigeria na Tanzania ni ryo soko rinini dufite.”

Yakomeja avuga ko kandi bashyizeho amabwiriza mashya ku bazagura telefoni ya Phantom 6 plus muri Nigeria, avuga ko bazajya bahabwa amezi 13 yo kuyigukorera cyangwa kuyigurana igihe igize ikibazo(guarantee), kuyigukorera mu masaha atarenze 24, ubwishingizi bw’ikirahure mu gihe cy’amezi atatu n’ibindi.

Ati” Duhora tugendana n’intego yo kugeza byinshi ku bantu haba mu dushya cyangwa serivisi zo kwakira neza abatugana. Kugera ku ntsinzi kwa Tecno bituruka kuguha agaciro ibyo tuba twabwiwe n’abakiliya kugira ngo tubashe kubaha ibigendanye n’ibyo bashaka.”

Umuyobozi muri Tecno Nigeria, Jesse Oguntimehin, yavuze byinshi mu dushya twa Phanton 6 turimo kuba ifite umubyimba muto ndetse ikagira camera y’imbere n’inyuma.

Yakomeje avuga ko ifite ubushobozi bwo kwakira porogaramu(apps) 32 zitandukanye ndetse zikabasha gukorera rimwe kandi ku muvuduko isanganywe.

Ifite kandi ububiko bukoranye na telefoni(inbuilt memory) bungana na GB64, RAM ya GB4. Phantom 6 na Phantom 6 plus kandi zizwiho kwihuta cyane ndetse zibasha kwinjiza umuriro vuba kubera inzira igezweho zikoresha (Type-C USB port).

Andi mafoto
Contacts
IGIHE LTD
0788 74 29 08 / 0788 49 69 15
[email protected]
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved