Tecno PHANTOM 6+ ikoze ku buryo idashobora kwangirika

Ni kenshi utunga telefoni nziza uyirebeye inyuma ndetse no ku bintu bitandukanye ishobora gukora ariko nyuma yo kuyikoresha iminsi itari myinshi igatangira gukoboka.

Nubwo mu kubyirinda abantu benshi bahitamo gushyiraho icyo twakwita igifuniko (cover), usanga bituma telefoni itakaza ubwiza bwayo yakoranywe.

Kuri Tecno Phantom 6+ iherutse gushyirwa ahagaragara na Sosiyete ya Tecno, uku gukobagurika cyangwa kurwana no gushyiraho igifuniko ni amateka kuko ikozwe mu buryo ubwiza bwayo budashobora kwangirika.

Iyi telefoni yageze ku isoko ry’u Rwanda tariki ya 7 Ukwakira 2016, igice cyayo cy’inyuma kigizwe n’utwuma dutanu dutuma idakoboka ndetse n’ubwiza bwayo bukiyongera ndetse ikagira n’ikirahure cyo mu bwoko bwa gorilla v3.0 kitajya gipfa kumeneka ndetse na batiri yayo ikomeye.

Igitangaje kandi ni uko biriya byose bidatuma umubyimba wayo wiyongera ahubwo ukomeza kuba muto ku kigero cya mm 7.7.

Uretse ibi kandi Tecno Phantom 6+ ifite umwihariko wo gufotora amafoto meza aho abantu 10 bashobora no kwifata selfie bose bakagaragara bitabaye ngombwa ko biyegeranya cyane.


Kwamamaza