IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Rwanda Online yitabiriye imurikabikorwa mu cyumweru cyahariwe kuzigama

Nubwo Rwanda Online atari ikigo cy’imari cyangwa banki, kuba yaritabiriye imurikabikorwa ry’icyumweru cyahariwe kuzigama ngo bisobanuye byinshi kuko barimo kwereka abaryitabiriye uburyo gukoresha urubuga Irembo usaba serivisi za Leta byafasha kuzigama amafaranga menshi yakoreshwaga mu ngendo.

Mu imurikabikorwa ryo guteza imbere umuco wo kuzigama ryateguwe na Minisiteri y’Imari n’Igenamigambi, Jules Ntabwoba umukozi wa Rwanda Online yasobanuye ko impamvu baje muri iri murikabikorwa ari ukugira ngo berekane ko iyi gahunda ya Leta igamije gufasha abantu kuzigama amafanga basohoraga batanga mu ngendo abaka yakoreshwa ibindi.

Ntabwoba ati” Urubuga Irembo dufasha mu kwizigamira nubwo abantu batabizi.Iyo watse serivisi za Leta ukoresheje urubuga Irembo ,uba urengeye amafaranga wari gutegesha ujya kwishyira muri Banki cyangwa ujya mu buyobozi.Ubwo rero ayo mafaranga uba uzigamye uyakoresha.

Iyo niyo mpamvu nyamukuru twitabiriye icyumweru cyahariwe kuzigama kugira twereke abantu ko gukoresha urubuga Irembo atari ukuzigama amafaranga gusa ahubwo n’umwanya wagomba gutakaza uwukoramo ibindi.”

Yakomeje avuga ko ikindi barimo gukora muri iri murikabikorwa ryahariwe guteza imbere umuco wo kuzigama ari ugusobanurira abanyarwanda bacyizera uburyo bwo kwishyura hakoreshejwe ikoranabuhanga kuko abantu bakibikemanga.

Iri mukurikabikorwa ry’iminsi ine ririmo kubera ku kuri Stade Nto i Remera ryatangiye tariki ya 25 rizasozwa tariki ya 28 Ukwakira 2016. Ryateguwe na Minisiteri y’Imari n’Igenamigambi mu cyumweru cyahariwe guteza imbere umuco wo kuzigama.

Ryitabiriwe n’ibigo by’imari n’amabanki n’abandi bose bafite aho bahurira no kuzigama.

Kuri ubu ku rubuga Irembohari serivisi 30 zirimo iz’ubutaka, iz’irangamimerere, ibyemezo byemeza ko umuntu atakatiwe n’inkiko, ibyamgombwa byo gutwara ibinyabiziga n’izindi.

Andi mafoto
Contacts
IGIHE LTD
0788 74 29 08 / 0788 49 69 15
[email protected]
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved