Rwanda Mountain Tea yiyemeje gushyigikira ibikorwa by’uburezi

Rwanda Mountain Tea Ltd (RMT), ikigo cy’ishoramari kizwi cyane mu bikorwa byo guhinga no gutunganya umusaruro w’icyayi mu Rwanda, ntikigarukira aho gusa ahubwo ni ikigo cyita ku mibereho myiza y’abaturage bo mu duce icyayi gihingwamo. Mu ntego yo kubaka ejo hazaza heza h’igihugu, RMT ishyigikira uburezi bw’abana mu rwego rwo gutanga uburezi bufite ireme. Hejuru y’ibikorwa bigamije gukura abantu mu bukene bahabwa inka no kubakirwa amazu yo kubamo, RMT yitaye ku burezi ishyiramo amafaranga hafi (...)

Rwanda Mountain Tea Ltd (RMT), ikigo cy’ishoramari kizwi cyane mu bikorwa byo guhinga no gutunganya umusaruro w’icyayi mu Rwanda, ntikigarukira aho gusa ahubwo ni ikigo cyita ku mibereho myiza y’abaturage bo mu duce icyayi gihingwamo.

Mu ntego yo kubaka ejo hazaza heza h’igihugu, RMT ishyigikira uburezi bw’abana mu rwego rwo gutanga uburezi bufite ireme.

Hejuru y’ibikorwa bigamije gukura abantu mu bukene bahabwa inka no kubakirwa amazu yo kubamo, RMT yitaye ku burezi ishyiramo amafaranga hafi miliyoni 120 mu myaka itatu ishize.

Mu Karere ka Nyamagabe, aho uruganda rw’icyayi rwa Kitabi rukorana n’abahinzi basaga ibihumbi bibiri, RMT ifatanyije n’Akarere n’Ikigo cy’Igihugu gishinzwe guteza imbere Ubumenyingiro (WDA), yahubatse ishuri ryigisha amasomo y’ubumenyingiro mu mwaka wa 2014.

Ni ishuri riha ubumenyingiro urubyiruko bukarufasha kugera ku mirimo no kwinjiza agatubutse ndetse bamwe bakihangira imirimo. Bamwe muri bo bahabwa imirimo mu ruganda rw’icyayi rwa Kitabi. Kugeza ubu, abahungu n’abakobwa basaga 60 bamaze kurangiza amasomo y’ubwubatsi muri iri shuri rinateganya gutangiza andi masomo atandukanye.

Mu Karere ka Ngororero, hafi y’uruganda rw’icyayi rwa Rubaya, RMT yubatse ibyumba by’amashuri bitandatu, ivugurura ibindi bitanu ndetse yubaka ibiro ku Kigo cy’Amashuri Abanza cya Kabayengo.

Uku kwagura ikigo kwafashije abanyeshuri basaga 400 bo muri Rubaya kwiga neza. Ni ibyumba by’amashuri byubatswe hakurikijwe ibisabwa n’ishami ry’Umuryango w’Abibumbye ryita ku Muco n’Uburezi (UNESCO) na Minisiteri y’Uburezi mu Rwanda. Ikigo cyahawe ubwiherero n’ibikoresho by’isuku na Koperative y’abahinzi b’icyayi (COTRAGAGI).

Mu myaka itatu ishize, RMT yasanze byari ingenzi cyane kwagura Ikigo cy’Amashuri Abanza cya Kabayengo mu rwego rwo gufasha abana baturuka mu miryango ihinga icyayi yo mu gace gahingwamo icyayi ka Rubaya.

RMT ni ikigo cy’ishoramari cyatangiye mu 2006, gisanzwe gifite inganda z’icyayi enye, kikagira ingomero ebyiri z’amashanyarazi zirimo Giciye ya mbere n’iya kabiri, kikaba kinakora ibikorwa byo gufasha abaturage birimo iby’uburezi, ubuvuzi na gahunda zo gukura abantu mu bukene kibagenera amatungo, kubagezaho amazi meza no kububakira amazu yo kubamo.

Ushaka kumenya ibindi ku bikorwa bya RMT, wasura urubuga rwabo www.rwandamountaintea.com cyangwa ukabasura aho bakorera mu nyubako ya Petrocom iherere hafi yo ku Kinamba ku muhanda ujya Nyabugogo.

Wanabahamagara kuri telefoni +250 788313901 na +250 788313902 cyangwa ukaboherereza email kuri [email protected]

Uruganda rw'icyayi rwa Kitabi mu Karere ka Nyamagabe
Abayobozi b'Uruganda rw'icyayi rwa Kitabi n'ab'Akarere ka Nyamagabe bafungura ku mugaragaro bikorwa byo kugeza amazi ku baturage
Abayobozi b'Intara y'Amajyepfo bafungura ku mugaragaro amashuri yubatswe na Rwanda Mountain Tea
Ikigo cy'amashuri abanza cya Kabayengo mu Karere ka Ngororero mbere y'uko kivugururwa na Rwanda Mountain Tea
Ikigo cy'amashuri abanza cya Kabayengo mu Karere ka Ngororero nyuma yo kuvugururwa na Rwanda Mountain Tea
Abanyeshuri bakurikiye amasomo y'ubumenyingiro mu kigo cyubatswe na Rwanda Mountain Tea mu Karere ka Nyamagabe

Kwamamaza