IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Rubavu: Goshen yakoranye umuganda n’abaturage, ibizeza ubufatanye mu iterambere

Ikigo cy’imari Goshen Finance cyakoranye umuganda n’abatuye umujyi wa Rubavu, kibizeza ubufatanye mu iterambere ry’ubukungu, binyujijwe mu bikorwa binyuranye bibafasha kugera ku nguzanyo z’uburyo bunyuranye.

Uyu muganda wakozwe ku cyumweru tariki ya 26/03/2017, mu Murenge wa Gisenyi Akarere ka Rubavu, ahari hakoraniye Abadiventiste b’umunsi wa Karindwi bakorana hamwe n’abayobozi ba Goshen umuganda, hafi y’ikibuga cy’indege cy’i Rubavu.

Ukuriye umuganda w’Abadiventiste ku rwego rw’Akarere ka Rubavu, yibukije abawitabiriye gahunda za Leta, abashimira ko bazitabira kandi bakazishyira mu bikorwa, aboneraho kubabwira ko iterambere ryihuse umukirisito atarihejweho.

Umuyobozi wa Goshen Finance Ishami rya Rubavu, yaboneyeho kubakangurira ibyiza byo kugana ikigo cy’imari gifite icyerekezo, bakabitsa bakungukirwa, kandi bakanahabwa inguzanyo zibafasha kugera kuri byinshi bafataga nk’inzozi.

Nyuma y'umuganda habayeho kungurana ibitekerezo mu kwiteza imbere mu by'imari

Nyuma y’umuganda hakurikikiyeho igikorwa cy’ubusabane no kuganira, cyari cyateguriwe abakiliya ba Goshen, abafatanyabikorwa bayo n’abandi bifuza kuyigana.

Mu ijambo rye, Pasteur Dr Ndamyumugabe Phodidas wagize igitekerezo cyo gutangiza GOSHEN Finance, yagarutse ku mavu n’amavuko yayo, avuga ku mateka yayiranze n’uburyo yateye imbere bitangaje, kandi mu gihe gito cyane.

Dr Phodidas ati “Twatangiye dutira ibiro, ariko ubu dufite ibiro byiza cyane ku rwego rw’igihugu, tukagira n’ibindi hirya no hino mu gihugu. Twatangiriye kuri miliyoni 16, ubu dufite asaga miliyari enye (assets), kandi mu gihe cy’imyaka icumi, tumaze guha inguzanyo abasaga ibihumbi 20.”

Umuyobozi wa Goshen Finance ku rwego rw’igihugu, Ignace Musangamfura yagarutse birambuye ku bikorwa binyuranye(Products) na serivisi za Goshen Finance, harimo kungukira abayibitsamo hakurikijwe ubwoko bwa konti umuntu yafunguje.

Musangamfura yasobanuye ibyerekeye Kuzigamira abakiliya no kubungukira hakurikijwe ibisabwa, guhererekanya amafaranga binyuze muri Money Gram na Western Union, inguzanyo y’igihe gito n’ikirekire ku bacuruzi (kongera igishoro mu bucuruzi bwawe, inguzanyo ku binyabiziga kandi icyo kinyabiziga kikaba ari cyo ngwate.(Kuri za koperative n’abanyamuryango bazo, abikorera ku giti cyabo cyangwa no ku bashaka ibinyabiziga byo gutemberamo).

Umuyobozi wa Goshen Finance, Ignace Musangamfura

Umuyobozi wa Goshen ku rwego rw’igihugu yavuze kandi ko bagenera ababagana inguzanyo y’inzu (umukiriya asabwa kwizigamira buri kwezi mu bushobozi bwe, byibuze mu gihe kingana n’umwaka, kugirango ahabwe inguzanyo yo kubaka, gusana cyangwa kugura ingana n’inshuro enye z’ubwizigame bwe), kandi iyo nzu ikamubera ingwate, inguzanyo ku mushahara (ingana n’inshuro cumi z’umushahara w’umukiriya), icyo asabwa ni ukuba ahahemberwa, Inguzanyo ku bigo by’amashuri ku nyungu nziza ku mwaka (kongera ibyumba by’amashuri, kubaka ibibuga byo gukiniramo, gushyiraho za Laboratoires z’ubwoko bwose, … )

Inyungu iganirwaho ikagenwa hakurikijwe ubunini bw’inguzanyo icyenewe, inguzanyo ku bikoresho byo mu nzu (Tvs, utubati, intebe za Salon, Frigo, ibigega by’amazi/Water Tanks, amashyiga ya Gaz / Gas cookers, microwaves, Laptops, …) hakaba n’izindi nguzanyo zinyuranye zibasha kwifuzwa n’abakiliya, kandi inyungu ikumvikanwaho.

Devota Twizerimana, Umukozi w’Akarere ka Rubavu ushinzwe ubukangurambaga ku kwihangira imirimo no kwiteza imbere yashimye uburyo Goshen ifite ibikorwa bijyanye n’ibikenewe n’abaturage bo muri ako Karere mu kubafasha kwiteza imbere.

Nyuma y’ibibazo n’ibisubizo byatanzwe abakiliya bakizezwa kurushaho kwegerwa, Peter Nkubara, Umuyobozi w’inama y’Ubutegetsi ya Goshen yavuze ko aho iki kigo cy’imari kigeze ari heza, kandi ko bakomeje gutera intambwe bakora ibiri mu byifuzo by’abakiliya babo, anashimira buri wese ubigiramo uruhare.

Umuyobozi wa Goshen Finance Ishami rya Rubavu, Innocent Bayisenge, yatangarije IGIHE ko ibikorwa bya Goshen mu Karere ka Rubavu bikomeje kwaguka, kuko byitabirwa n’abatuye Rubavu, hakaba abava mu Karere ka Rutsiro, Ngororero na Nyabihu ndetse n’abandi bakora ubucuruzi bwambukiranya imipaka.

Inkuru bifitanye isano: Mu myaka 10, Goshen yavuye kuri miliyoni 16 igera kuri miliyari zisaga enye

GOSHEN yijeje abakiliya bayo ko aho bagana ari heza kurushaho

Pastor Dr Ndamyumugabe Phodidas yasobanuye amavu n'amavuko ya Goshen
Habayeho ubusabane no gusangira mu gihe basobanurirwaga ibikorwa bya Goshen
Bamwe mu bayobozi n'abakozi ba Goshen
Andi mafoto
  • Umuyobozi wa Goshen Finance, Ignace Musangamfura
  • Habayeho ubusabane no gusangira mu gihe basobanurirwaga ibikorwa bya Goshen
  • Pastor Dr Ndamyumugabe Phodidas yasobanuye amavu n’amavuko ya Goshen
  • Bamwe mu bayobozi n’abakozi ba Goshen
  • Goshen Finance mu muganda n’abaturage ba Rubavu
Contacts
IGIHE LTD
0788 74 29 08 / 0788 49 69 15
[email protected]
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved