One World Travel and Tours igisubizo ku bashaka gukodesha indege, kugura amatike no kubona Visa

Ikigo One World Travel and Tours ni ikigo kimaze umwaka gikorera mu Rwanda,gifite agashya ko gukodesha indege ku bashaka kuzitemberamo,kigakora ibijyanye no kugurisha amatike y’indege aho waba ushaka kujya ku Isi hose, bafasha umugenzi kubona visa bitewe n’igihugu ashaka kujyamo n’ibijyanye n’ibyo azakenera byose.

Mu kiganiro Nshimiyimana Eugene, Umuyobozi wa One World Travel and Tours yagiranye na IGIHE ku mwihariko bafite watuma abantu babagana,yatangaje ko iki kigo cyashinzwe n’abantu bakoze mu bijyanye n’ibyingendo z’indege mu myaka irengeje 16 bityo bakaba barazanye serivisi zuzuye ku ibijyanye n’ingendo,amahoteli no gutembera.

Byose babitanga icyarimwe nta kwirirwa umuntu azenguruka ashakisha kimwe ku kindi cyane ko babonera umukiliya wabo ibiciro byiza bihwanye n’ibyifuzo bye.

Ku bakeneye kujya mu kwezi kwa buki na bo ntibabasize inyuma,kuko bakubonera packages(visa,indege,hotel no kubatemebereza) ku biciro byiza cyane.

Ku babyeyi bifuza kujya gutembera n’abana babo na bo ntibibagiranye, bahorana ibiciro biri hasi ku miryango.

Nshimiyimana ati”Iki kigo tujya kugishinga njyewe na mugenzi wanjye Rusanganwa Emmanuel twashakaga gufasha abakora ingendo kugira ngo ibyo bakeneye byose mu ngendo babibonere hamwe (full package).Niba uguze itike y’indege,tunagufashe kubona visa, tugufashe kubona hotel uzabamo,imodoka zizagutwara,tugufashe kubona aho uzatemberera ku buryo utirirwa ushakisha izindi serivisi kandi watugezeho.”

Nshimiyimana avuga ko atari ibyo gusa kuko uretse n’ibijyanye n’ingendo banafasha abantu gutegura inama ndetse n’aho kuzikorera ku buryo ibintu byose ubashinze bikorwa neza kandi vuba.

Nshimiyimana yakomeje agira ati ”Tugamije gutanga serivisi zuzuye icyarimwe nk’abakiliya bifuza aho gukorera inama cyangwa ibindi birori tubafasha kubona aho bikorera kuko dukorana n’amahoteli menshi muri serivisi zitandukanye.”

"Kugira ngo kandi umukiliya wacu akomeze abone serivisi zuzuye, tumukurikiranira hafi kuva tumuhaye serivisi zaba amatike y’indege kuva umunsi ahagurukiraho, iyali mu mahanga no kugeza agarutse kuko dukora amasaha 24/7.

One World Travel and Tours ifite agashya ko gukodesha indege

Nubwo ari ibintu bidasanzwe bimenyerewe mu Rwanda, iyi kompanyi yazanye agashya ko gukodesha indege.

Nshimiyimana ati”Ikigo cyacu dukodesha indege abantu ku giti cyabo(VVIP/VIPs), ku makipe ashaka kujya gukina yaba mu gihugu cyacu cyangwa mu bindi bihugu,ku bigo bishaka kujyana abakozi gutembera kandi kuva twabitangira iyi serivisi abantu barayishimira. Dukorana n’amakompanyi y’indege akorera mu Rwanda ndetse n’ikindi kigo gifite icyicaro muri Amerika kibimazemo imyaka irenga 25 kikaba gifite amashami muri Amerika,u Burayi na Afurika.”

Ku bashaka kujya gusura ahantu nyaburanga hatandukanye haba mu Rwanda cyangwa mu Karere ka Afurika y’I Burasirazuba ,iki kigo kibafasha kubona imodoka zibajyana ndetse bakanabereka ahantu nyaburanga ho gusurwa,umuntu akaba ari we uhitamo ahamunogeye.

Ikigo One World Travel and Tours gikorera mu nyubako yitwa Makuza Peace Plaza, mu igorofa ya mbere iruhande neza rw’iduka rya Tecno.

Ukeneye ibindi bisobanuro wabahamagara kuri nimero 0788585863/0788426164 cyangwa ukabandikira kuri [email protected], ushobora no gusura urubuga rwabo rwa internet : www.oneworldtravel.rw

[email protected]

Kugera aho iki kigo gikorera biroroshye kuko nta mayobera ahari
Nshimiyimana Eugene avuga ko bashize iki kigo kugira ngo borohereze abakora ingendo kubonera rimwe ibyo bakeneye
Rusanganwa Emmanuel ufatanya na Nshimiyimana kwita ku babagana
Bafite ubunararibonye mu by'ingendo bitewe n'uko babikozemo imyaka 17
Ukigera kuri Makuza Peace Plaza uhita ubona icyapa kinini kikuyobora kuri One World Travel and Tours

Kwamamaza