IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Nziza Tours & Travel ikompanyi yorohereza ba mukerarugendo gutembera u Rwanda

Bitewe n’ubushobozi n’imyumvire ntabwo ari buri wese ubasha gukodesha imodoka ngo afate urugendo ajye gusura ibyiza nyaburanga bitatse u Rwanda.

Nubwo bimeze bityo ariko, mu Rwanda hari ikompanyi igabanyiriza ibiciro ba mukerarugendo b’ingeri zose by’umwihariko abanyarwanda baba bishyize mu matsinda, kugira ngo babashe gutembera aho bashaka biboroheye.

Mu mwaka wa 2013, Munyanziza Vincent wari ufite imyaka 26 yiga mu ishuri rikuru ry’Amahoteli n’Ubukerarugendo ryahoze ryitwa RTUC, yashatse igisubizo cyatuma abanyarwanda biyumvamo gutembera ngo byibura n’iyo batajya mu mahanga ya kure ariko babashe kumenya ibyiza bitatse igihugu cyabo.

Muri Kamena uwo mwaka yahise atangiza ikompanyi ifasha abantu mu bukerarugendo ayita “Nziza Tours and Travel” biturutse ku izina rye Munyanziza ndetse no kuba u Rwanda ari rwiza agamije gushishikariza abarutuye kurumenya no kwishimira igihugu cyabo gihuruza abanyamahanga.

Mu kiganiro Munyanziza yagiranye na IGIHE mu kugaragaza urwego agezeho nicyo yifuza ku banyawanda, yatangaje ko kuva yakwiga ibijyanye n’Ingendo n’Ubukerarugendo (Travel and Tourism Management), yumvaga ibyiza bitaba iby’abanyamahanga gusa ahubwo n’abanyarwanda bakwiye kubimenya.

Ati” Nubwo nari nkiri umunyeshuri kandi nkora ibiraka bimpemba amafaranga make, natekereje icyo nakora mu bushobozi bwanjye buke kugira ngo abanyarwanda biyumvemo umuco wo gutembera no gusura ibyiza bitatse igihugu cyacu. Tugitangira bwari ubukangurambaga, abantu tukabashyira mu matsiko, tukabagabanyiriza ibiciro tugasura ahantu runaka, ibyo gukodesha imodoka byaje nyuma."

Yakomeje agira ati "Muri 2014 ni bwo twatangiye kujya dukodesha imodoka z’ama Jeep, amavatiri (Voitures) n’izindi zinyuranye kandi kugeza ubu turabikora kandi neza. Gusa igishimishije ni uko twamaze kubona imodoka z’ikompanyi yacu , tukaba turimo twishyura izindi modoka ngo na zo tuzazegurirwe .”

Munyanziza avuga ko kudacika intege byatumye ikompanyi ye Nziza Tours and Travel ikomeza gukura kuri ubu bakaba batanga serivisi zo gukodesha imodoka ba mukerarugendo n’abandi bose bashaka imodoka zo gutemberamo (Car rental and Hiring services), Kuyobora no gutembereza ba mukerarugendo ahantu hatandukanye (destination exploration),gutembereza abantu umujyi (City tour), kujyana no gukura abantu ku kibuga cy’indege (Airport Transfer), gutwara amadosiye n’ibintu (courier acitivities) no gufatira abantu amahoteli bazabamo (hotel reservation).

Munyanziza ngo aterwa ishema n’abanyarwanda bitabira ubukerarugendo.

Ati” Nshimishwa no kubona abanyarwanda bari mu basura ikiraro Canopy walk cyo muri Nyungwe, usanga babyishimiye kandi iyo bavuyeyo bagira inyota yo gusubirayo. Tuba twabigizemo uruhare mu kubaca amafaranga make no kubashyira mu matsinda ngo kugenda no kurarayo biborohere.”

Uyu musore kuri ubu ufite imyaka 29, ahamya ko azakomeza korohereza abanyarwanda mu biciro kugira ngo bigiremo umuco wo gutembera dore kugeza ubu umubare w’abantu ikompanyi ye yakira , abanyamahanga baruta abanyarwanda ubwinshi.

Ati” Ni uguhozaho gukomeza kwereka abanyarwanda ko nta byiza biruta kumenya ubwiza bw’igihugu utuyemo, nko mu bantu 700 twakiriye umwaka ushize wa 2015, abarenga icya kabiri bari abanyamahanga.”

Nziza Tours and Travel yorohereje abanyarwanda gutembera igihugu n’amadorali 100 ku banyamahanga .

Muri ibyo bihumbi 30 haba harimo amafaranga y’urugendo, ibiribwa umuntu agenda afata ku rugendo, amafaranga yo kwinjira ndetse n’umuyobozi (guide) ugutembereza aho ushaka.

Nziza Tours and Travel yabyoroheje dore uko ingendo zizakurikirana muri izi mpera z’umwaka:

1.Gusura ikiraro cyo mu kirere kiba muri Nyungwe (Canopy walkway) bizaba tariki ya 15 Ukwakira 2016 ;

2.Gusura Pariki y’Akagera bizaba tariki ya 22 Ukwakira 2016 ;

3.Gusura pariki y’Ibirunga,ku kirunga cya Bisoke ni tariki ya 29 Ukwakira 2016

Ikigo Nziza Tours and Travel giherereye i Kanombe ahateganye n’amarembo y’ikibuga cy’indege ku muhanda KK44 ST.

Ukeneye ibindi bisobanuro wabasura ku rubuga rwabo www.nzizatourstravel.com

Ushobora kandi kubandikira kuri [email protected] cyangwa kuri [email protected] cyangwa ukabahamagara kuri 0788423796/0781792752 cyangwa kuri +250-0255121337.

Abanyamahanga na bo bamenye ko Nziza tours and Travel ibakodesha imodoka ku mafaranga make
Bafasha abantu gutembera bakabaha n'umuntu ubayobora
Munyanziza hamwe na ba mukerarugendo
Bakodesha imodoka ku baba bashaka gutemberera hirya no hino mu Rwanda
Munyanziza avuga ko yashinze iyi kompanyi kugira ngo afashe abanyarwanda gusura ibyiza by'igihugu cyabo

[email protected]

Andi mafoto
  • Abanyamahanga na bo bamenye ko Nziza tours and Travel ibakodesha imodoka ku mafaranga make
  • Bafasha abantu gutembera bakabaha n’umuntu ubayobora
Contacts
IGIHE LTD
0788 74 29 08 / 0788 49 69 15
[email protected]
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved