IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Nyarugenge: itel yishyuriye mitiweli abantu 150

Mu rwego rwo gushimira abanyarwanda uburyo bakomeje gukorana neza kuva batangira gukorera mu Rwanda, Sosiyete ya itel icuruza telefoni, yishyuriye mitiweli abantu 150 batishoboye bo mu kagali ka Biryogo, Umurenge wa Nyarugenge.

Ubwo kuri uyu wa 13 Nzeri 2016, aba bantu baturutse mu miryango 50 bashyikirizwaga amakarita ya mitiweli yabo.

Umuyobozi ushinzwe ibikorwa by’ubucuruzi bya itel mu karere, Glory Lu yavuze ko iyi ari intangiriro y’ibikorwa byo kwitura abanyarwanda.

Ati” Kuva 2012 twatangiye gukorera mu Rwanda. Twasanze abanyarwanda batwakira neza, twabonye ubufasha buturutse kuri iki gihugu. Iki gikorwa gito ni nko gushimira abaturage b’iki gihugu. Turateganya gukora ibikorwa byinshi nk’ibi.”

Jason Zhang Jie uhagarariye itel mu Rwanda yavuze ko kugira ngo babashe kumenya abakwiye guhabwa mitiweli bifashishije ubuyobozi bw’inzego z’ibanze.

Yakomeje avuga ko nk’uko insanganyamatsiko igira iti “itel hamwe n’u Rwanda” bateganya gukora ibikorwa byinshi bitandukanye bigamije gutuma gahunda zitandukanye za leta zigerwaho abanyarwanda bakarushaho kubaho neza.

Murangwa Mustafa, umwe mu batangiwe mitiweli n’umuryango we wose w’abantu 10 yavuze ko ashimira itel cyane kuba yabazirikanye kuko bitari kuzamworohera kubona ibihumbi 30 byo kubishyurira bose.

Yongeyeho ko nubwo agifite ibindi bibazo birimo n’ubushobozi bwo kurihira abana amashuri, nibura afite icyizere ko nibarwara batazarembera mu rugo.

Uwizeye Aisha na we yavuze ko bimurenze kuba itel yamuremeye ndetse ko n’abandi bagira neza bafasha abatishoboye kubona ubwisungane mu kwivuza kuko ari nk’ubuzima baba babahaye.

Uretse ubwisungane mu kwivuza kandi iyi miryango uko ari 50 ndetse n’indi 29 yahawe ibiribwa birimo umuceli n’amavuta yo guteka.

Bamwe mu bahawe mituweli n'ibiribwa
Jason Zhang, Uhagarariye itel mu Rwanda
Miss Sandra Teta, ni umwe mu bifatanyije na itel muri iki gikorwa
Murangwa Mustafa wambaye agapira k'icyatsi yashimye ubufasha iyi miryango yahawe
Umuyobozi ushinzwe ibikorwa by'ubucuruzi muri itel mu karere, Glory Lu

[email protected]

Andi mafoto
  • Jason Zhang, Uhagarariye itel mu Rwanda
  • Miss Sandra Teta, ni umwe mu bifatanyije na itel muri iki gikorwa
  • Murangwa Mustafa wambaye agapira k’icyatsi yashimye ubufasha iyi miryango yahawe
  • Umuyobozi ushinzwe ibikorwa by’ubucuruzi muri itel mu karere, Glory Lu
Contacts
IGIHE LTD
0788 74 29 08 / 0788 49 69 15
[email protected]
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved