La Palisse Hotels yazanye agashya muri serivisi za sports

Igamije kugeza serivise nziza ku bakiriya by’umwihariko abashaka gukora sports mu buryo bwiza, La Palisse Hotels yashyiriyeho abakiriya uburyo bubafasha gukorera sports aho bageze hose mu mashami yayo atatu harimo La Palisse Club Hotel Nyandungu i Kigali, Golden Tulip La Palisse i Nyamata na La Palisse Gashora mu Karere ka Bugesera.

La Palisse kandi yazanye ibikoresho bishyashya byo gukoreraho sports birimo amagare na za tapis roulants zifasha abakiriya kwiruka ku muvuduko bifuza.

Corporate manager wa La Palisse, Nsengiyumva Hubert yabwiye IGIHE ko bazanye n’abarimu bafite ubunararibonye muri sports zitandukanye zirimo gym, koga mu mazi n’abakorera abakiriya massage ku buryo bunoze.

Yagize ati “Ubu ikigo cyose gifitanye amasezerano na La palisse n’umuntu ku giti cye ashobora kujya muri Golden Tulip agakoresha ayo masezerano mu guhabwa serivisi za sport zitandukanye. Umuntu wiyandikishirije i Kigali kuri serivisi iyo ari yo yose dutanga, yajya n’i Nyamata muri Golden Tulip akayihabwa nta kindi kiguzi asabwe. »

La Palisse Hotels kandi ifite serivisi za sauna n’imikino itandukanye irimo basketball na mini football, beachvolley i Nyamata, byose bifasha abantu kugorora ingingo, kwita ku mubiri n’ubwiza bw’uruhu.

Nsengiyumva yongeyeho ati “Tumaze imyaka igera kuri itanu dutangiye kwita cyane ku bikorwa bya sports. Dufite ibibuga bya sports bitandukanye tukaba twanazanye ibyuma bishyashya i Kigali, dufite abarimu bashyashya bafite ubunararibonye buhambaye mu bijyanye na gym. Dufite Olympic Swimming Pool muri Golden Tulip n’ibibuga byiza bikinirwaho imikino itandukanye.”

La Palisse Hotels inamenyereweho kwakira ibirori bikomeye ikaba iheruka kwakira umwiherero (boot camp) w’abakobwa 15 bahataniraga ikamba rya Nyampinga w’u Rwanda 2017 wabereye muri Golden Tulip nyuma gato yo kwakira ubukwe bw’ibyamamare mu muziki Butera Knowless na Clément Ishimwe muri Kanama 2016.

Uko serivise za sports zitangwa muri La Palisse Hotels

La Palisse Hotels itanga serivise za sports buri munsi, by’umwihariko muri La Palisse Club Nyandungu zigatangwa mu masaha atandukanye ku munsi kuko hazwiho kugira abakiriya benshi. Iyi hotel ifite inzu ikorerwamo sports (gym) yagutse bihagije kuko yakira abantu bagera ku 150 icyarimwe kandi bagakora sports bisanzuye.

 Kuva ku wa Mbere kugeza ku wa Gatanu, sports zikorwa mu byiciro (sessions) bitatu ku munsi ku masaha akurikira y’umugoroba: Kuva saa kumi n’imwe n’igice kugeza saa kumi n’ebyiri n’igice(17h30-18h30); Kuva saa kumi n’ebyiri n’igice kugeza saa moya n’igice (18h30-19h30) no kuva saa moya n’igice kugeza saa mbili n’igice(19h30-20h30).

 Mu mpera z’icyumweru(ku wa Gatandatu no ku Cyumweru), sports ikorwa mu byiciro bibiri mu masaha yo mu gitondo kuva saa mbili n’igice kugeza saa tatu n’igice (8h30-9h30) no kuva saa yine kugeza saa tanu (10h-11h).

La Palisse Hotels itanga izi serivisi za sports ku mafaranga ibihumbi bitatu gusa ku muntu umwe ku munsi, umukiriya wishyura igihe kirekire akagabanyirizwa ibiciro naho abakiriya bafasheyo icumbi bagahabwa serivisi za sports ku buntu. Iyi hotel ifite ibyumba by’amacumbi bigera kuri 328 n’ibyumba by’inama 30 mu mashami yayo atatu.

Golden Tulip La Palisse Kigali Hotel ifite ahantu heza n'abana bidagadurira
Golden Tulip La Palisse Hotel ifite ubusitani bunini cyane
Inzu ya La Palisse Hotel i Kigali ikorerwamo imyitozi ngororamubiri n'abantu bagera ku 150 icyarimwe kandi bisanzuye
Piscine yahariwe amarushanwa nk’imikino ya Olempike iba ifite metero 50 z’uburebure na 25 z’ubugari

Kwamamaza