IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Ku nshuro ya gatanu, Expo y’Abanya-Misiri yagarukanye agashya ku banyarwanda

Ku nshuro ya gatanu, imurikagurisha ry’Abanya-Misiri rigiye kongera kubera mu Rwanda, aho abaritegura bemeza ko ari uburyo bwiza bwo kugeza ku banyarwanda ibikoresho byiza kandi biramba cyane mu minsi mikuru ya Noheli n’Ubunani no guha umwanya abanyarwanda bifuza kumurika ibikorwa byabo, bateza imbere ibikorerwa mu Rwanda.

Ubusanzwe iri murikagurisha (Egypt and Middle East Expo), ryitabirwa n’ibihugu birimo Misiri n’ibyo mu Burasirazuba bwo hagati, aho ryatangiye riba rimwe mu mwaka ariko nyuma yo kubona ko u Rwanda ari igihugu gitekanye bahisemo kujya bayikora inshuro ebyiri.

Kuri iyi nshuro, iyi expo y’Abanya-Misiri izaba guhera tariki ya 16 Ukuboza isozwe tariki ya 2 Mutarama 2017, kuri Sitade Amahoro i Remera nk’ibisanzwe.

Mu Kiganiro IGIHE yagiranye na Ashraf Mahmoud umwe mu bashoramari bategura iki gikorwa, yavuze ko kuri iyi nshuro abazamurika ari 60, bazaba baturutse mu bihugu icyenda birimo nka Egypt, Pakistan, Iran, Singapoure, u Buhinde n’ibindi.

Ashraf yatangaje ko agashya abantu bagomba kwitega ari uko bizahuza n’iminsi mikuru ya Noheli n’Ubunani bityo ibiciro bikazaba byagabanyijwe mu rwego rwo gufasha abantu kujya mu minsi mikuru bafite ibikoresho bifuzaga gutunga.

Ati” Muri iyi expo twashatse ko ihuza na Noheli n’Ubunani kugira ngo abantu tubagabanyirize ibiciro babashe gusoza umwaka bishimye. Ikindi ni uko bazabona ibikoresho byose bikenerwa byaba intebe, ibyambarwa, ibiryamirwa, ibikoresho byo mu rugo no mu gikoni, basoze umwaka bafite ibikoresho biramba kandi byizewe.”

Yakomeje avuga ko ikindi abantu bagomba kwishimira ari uko n’abanyarwanda bemerewe kwiyandikisha muri iyi expo ku nshuro ya mbere kugira ngo bamenyekanishe ibikorerwa mu Rwanda.

Ati “Abanyarwanda tumaze kwakira babiri bashaka kuzamurika ibikorwa byabo kugira ngo bamenyekanishe ibikorerwa mu Rwanda. Uretse n’ibyo, turifuza ko abantu bazaza bakatugana ari benshi kugira ngo bigane udushya tuzamurikwa n’abo banyamahanga, babashe na bo kwiteza imbere.”

Bimwe mu bizamurikwa, harimo ibikoresho byo mu nzu nk’intebe, utubati, ibitanda n’ibindi, harimo kandi imyambaro y’abana n’abakuru, amashuka, amarido,ibikoresho by’ubugeni, ibikinisho n’ibindi byinshi.

Iri murikagurisha rizajya ritangira saa yine za mugitondo risozwe saa tatu z’ijoro. Kwinjira bizaba ari ubuntu kandi umutekano ngo uzaba ucunzwe neza.

Iyi expo ije nyuma y’indi yaherukaga kuba muri Mata uyu mwaka.

Ukeneye ibindi bisobanuro, wabahamagara kuri 078830 7168 na 0781044833 cyangwa ukabandikira kuri [email protected]

Minisitiri w'Umuco na Siporo, Uwacu Julienne (hagati) ubwo yafunguraga iri murikagurisha muri Mata 2016
Minisitiri Uwacu atemberezwa n'abaritegura bamwereka bimwe mu bimurikwa
Iri murikagurisha ryaherukaga kuba muri Mata uyu mwaka
Intebe ni bimwe mu bikoresho bimurikwa muri iri murikagurisha ry'Abanya-Misiri
Andi mafoto
  • Intebe ni bimwe mu bikoresho bimurikwa muri iri murikagurisha ry’Abanya-Misiri
  • Iri murikagurisha ryaherukaga kuba muri Mata uyu mwaka
  • Minisitiri w’Umuco na Siporo, Uwacu Julienne (hagati) ubwo yafunguraga iri murikagurisha muri Mata 2016
  • Minisitiri Uwacu atemberezwa n’abaritegura bamwereka bimwe mu bimurikwa
Contacts
IGIHE LTD
0788 74 29 08 / 0788 49 69 15
[email protected]
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved