IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Christ Embassy yateguye igiterane cyo gukomeza Abanyarwanda mbere yo kwinjira mu bihe byo kwibuka

Bwa mbere mu mateka yaryo, Itorero Christ Embassy ryateguye igiterane cyo gukomeza Abanyarwanda mbere yo kwinjira mu bihe byo kwibuka abazize jenoside yakorewe Abatutsi mu 1994 ndetse hakazabaho no gusengera abarwayi.

Itorero Christ Embassy rikorera mu bihugu birenga 120 hirya no hino ku Isi riyobowe na Rev. Dr. Chris Oyakhilome benshi bita Pastor Chris, uzwi cyane mu kwigisha inyigisho zirimo ubwenge n’ihishurirwa no mu murimo wo gusengera abarwayi no kwandika ibitabo bikunzwe na benshi ku isi.

Mu Rwanda ryahageze muri 2007 ubu rikaba rifite amashami atanu hirya no hino mu gihugu.

Aganira na IGIHE umushumba Ingabire Muziga (Blessing) uyoboye itsinda ry’abateguye icyo giterane kizaba ku mugoroba wo ku itariki ya 31 Werurwe 2017, kizabera muri parking ya Petit Stade yatangaje ko impamvu bahisemo kuzana icyo giterane mbere yo kwibuka ku nshuro ya 23 ari uko bifuza ko abanyarwanda bakomera muri ibyo bihe bitoroshye kandi bakagira ibyiringiro by’ejo hazaza.

Yagize ati “Igihe nk’iki u Rwanda rugiye kwinjiramo cyo kwibuka ni igihe kigora benshi kubera intimba n’agahinda zo kwibuka ibyabaye. Turabizi ko mu kwibuka abacu bazize jenoside yakorewe Abatutsi abantu bababara, bakigunga, bakongera kwiheba, niyo mpamvu iki giterane kije mbere y’ibyo bihe kugira ngo abantu basubizwemo imbaraga.”

Avuga ku muvugabutumwa watumiwe muri icyo giterane cyiswe ‘Kigali Miracle Crusade’, Pastor Ingabire yavuze ko uzavuga ijambo ry’Imana ari Pastor Louis Osademe uyobora itorero Christ Embassy mu karere ka Afurika y’i Burasirazuba.

Ati “Umushyitsi mukuru ni umushumba uhagarariye Itorero rya Christ Embassy mu Karere ka Afurika y’i Burasirazuba. Pastor Louis Osademe ukomoka muri Nigeria niwe uzayobora igiterane cy’umugoroba umwe cyo gukomeza Abanyarwanda mbere yo kwinjira mu bihe byo kwibuka ndetse agasengera abarwayi. Ni umushumba usizwe amavuta y’Imana, wigisha ijambo ry’Imana n’imbaraga nyinshi, asengera abarwayi bafite indwara zitandukanye bagakira.”

Yakomeje agira ati “Iki ni igihe cyo guhindura ubuzima bwa buri wese uzabasha kwitabira kandi buri wese arararitswe kuko kwinjira ni ubuntu.
Abarwayi, abafite ibibazo bitandukanye, abatarakira agakiza cyangwa bataranagasobanukirwa, ndizera ko ibibazo byose bizasubizwa. Ubuzima bwabo ntibuzakomeza kuba uko bwari busanzwe.”

Pastor Ingabire yemeza ko ikijyanye no gusengera abarwayi, umuvugabutumwa uzaza afite impano bityo umuntu ufite umurwayi, bwaba ubwo mu mubiri, mu mutwe cyangwa se ubw’umwuka, n’abafite ibibazo bitandukanye bifuza impinduka mu buzima bwabo bose bahawe ikaze. Ahamya ko uriya munsi uzababera umunsi batazigera bibagirwa mu buzima bwabo.

Ati “Ntihazagire umuntu uvuga ngo ni bya bindi bisanzwe kuko uriya munsi urihariye, nta giterane gisa nacyo kandi abazaza bazabyibonera, hazabaho kubohoka no gukira indwara.”

Uretse uyu muvugabutumwa udasanzwe uzigisha ijambo ry’Imana hazabaho no gutaramirwa n’abahanzi batandukanye nka T-Sharp umuririmbyi w’ikirangirire muri Christ Embassy yo muri Nigeria.

Hazaba hari kandi abaririmbyi barimo Sano Olivier, Irakiza Gilbert, Aline Gahongayire n’abandi batandukanye bazafasha abitabiriye icyo giterane kuramya no guhimbaza Imana.

Nubwo igiterane kizatangira ku mugoroba saa kumi n’imwe zuzuye, kwinjira bizatangira saa mbiri za mu gitondo ku bifuza gutangirana n’ibikorwa bibinjiza mu mwuka wo kuramya no guhimbaza Imana.

[email protected]

Andi mafoto
Contacts
IGIHE LTD
0788 74 29 08 / 0788 49 69 15
[email protected]
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved

Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244