IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Ishuri Mother Mary Complex ryafunguye amarembo ku babyeyi bashaka kuharerera abana babo

Ishuri Mother Mary Complex riherereye Kibagabaga mu Mujyi wa Kigali rifite imyigishirize yo ku rwego mpuzamahanga, ituma ababyeyi bahafite abana barivuga imyato bitewe n’ubumenyi bahahaha, ryatangiye kwakira abazaryigamo mu mwaka w’amashuri 2017-2018.

Ubuyobozi bwa Mother Mary Complex, ishuri rimaze imyaka 10 ritanga ubumenyi, bwatangiye kwakira abashaka kwandikisha abana babo buri munsi mu masaha y’akazi. Abo bakira bandikwa mu gihe cy’umwaka wose.

Ubumenyi n’uburere butangirwa muri iri ishuri n’ababyeyi baharera babukuriye ingofero kubera imyigishirize yaho irimo ubuhanga n’ireme ry’uburezi bakaba barariboneye umuti urambye.

Umubyeyi witwa Mutagoma Madina Djuma urerera kuri iryo shuri yavuze ko umwana we uhiga afite itandukaniro n’abiga ahandi kuko haba mu mivugire cyangwa mu mikorere abahiga.

Yagize ati “Uburyo bita ku mwana ni ibintu bafitiye uburambe, ubona ko bareba icyo akunda bakagenda bakizamura, bashakisha abarimu babishoboye bagakurikirana umwana umwe ku wundi. Ntabwo bakurikirana abana mu kivunge, ibyo byose bituma tubona ko bafite gahunda yo guteza imbere uburezi bufite ireme nyaryo.”

Ibyo Madina avuga bishingiye ku gukurikirana umwana no kumenya icyo akunda, bakura kuri Porogaramu babaye aba mbere kuyishyira mu ishuri bita ‘Kuder’, ituma hamenyekana icyo umwana ashoboye ndetse aziga akazaba ari byo azanakora mu minsi iri imbere.

Umuyobozi wa Mother Mary Complex, Rwabigwi Cyprien, yavuze ko bimakaje kwigisha amasomo ari ku rwego mpuzamahanga kugira ngo aho bazajya hose bazajye bisanga mu bandi.

Yagize ati “Twatangiye dufite gahunda y’igihugu uyu munsi tugeze mu ruhando mpuzamahnga aho turi mu irushanwa n’Isi yose kuko dufite porogaramu mpuzamahanga izwi nka Cambridge n’indi y’Abafaransa yigishwa mu mashuri y’incuke, kugira ngo abana bacu bazamuke badategwa mu ndimi, aho yajya hose ku isi abe yisanga.”

Yavuze ko ireme ry’uburezi ryaho ari nta makemwa kuko ngo uburezi bafite bwubakiye ku cyerekezo bihaye cyo guha Abanyarwanda uburezi buhamye.

Ati “Dufite uburezi budashingiye ku bumenyi gusa (science) ahubwo bushingiye ku burere. Icyo kintu twaragitekereje turavuga ngo ni gute dushobora gushyiraho uburezi bubereye Abanyarwanda kandi tubutanga ku giciro gito.”

Ishuri Mother Mary school Complex ryatangiye mu 2007 ryitwa Complexe Scolaire Les Petits Poussins, ritangira ari iry’incuke ariko riza kongerwa. Ubu rifite abiga mu mashuri abanza n’ayisumbuye bose hamwe bagera kuri 350.

Kugeza ubu bari kwakira ababyeyi bashaka kwandikisha abana babo bemerewe kuhagerera igihe cyose bashatse aho rikorera i Kibagabaga mu Mujyi wa Kigali.

Ushaka ibisobanuro bihagije ahamagara kuri telefoni igendanwa ya 0788591503/ 0785551205 cyangwa akabandikira kuri Email: mothermary@gmail.com cyangwa ukabasanga ku rubuga rwabo rwa internet www.mmscinternational.com

Mother Mary Complex itanga uburezi kuva ku bana biga mu mashuri y'incuke kugeza mu yisumbuye
Ababyeyi baharerera bahavuga imyato kubera ubumenyi buhatangirwa
Umuyobozi wa Mother Mary Complex, Rwabigwi Cyprien (ibumoso) yavuze ko bimakaje kwigisha amasomo ari ku rwego mpuzamahanga
Andi mafoto
  • Ababyeyi baharerera bahavuga imyato kubera ubumenyi buhatangirwa
  • Mother Mary Complex itanga uburezi kuva ku bana biga mu mashuri y’incuke kugeza mu yisumbuye
  • Umuyobozi wa Mother Mary Complex, Rwabigwi Cyprien (ibumoso) yavuze ko bimakaje kwigisha amasomo ari ku rwego mpuzamahanga
Contacts
IGIHE LTD
0788 74 29 08 / 0788 49 69 15
info@igihe.com.com
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
info@igihe.com, marketing@igihe.com

Website Developped by

Copyright © 2009 -2014 - IGIHE Ltd - All Rights Reserved