Ishimwe rya Munyemana kuri GS APACOPE yamutyarije ubumenyi mu kuvuga Icyongereza

Mu iterambere Isi imaze kugeraho, ikintu kimwe mu by’ingenzi bifasha umuntu wese gukora imirimo itandukanye kandi akayikora neza ni uko aba abasha kuvuga indimi nyinshi zimufasha kuganira na buri wese akeneye.

Munyemana Jean Népomuscène ari mu bishimira intambwe amaze kugeraho abikesha Ishuri rya APACOPE kuko ryamufashije kugira ubumenyi bwinshi mu Cyongereza ubu akaba akivuga adategwa.

Munyemana ubu wujuje imyaka 46, yize amasomo yose mu Gifaransa, naho Icyongereza akiga nk’isomo ku ruhande. Ibyo byatumye agira ubumenyi buke mu Cyongereza.

Mu minsi yashize yiyemeje kwinjira muri gahunda ya APACOPE yo kwiga Icyongereza mu gihe cy’amezi atandatu none ubu arakididibuza nk’uwakivukiyemo.

Mu kiganiro yagiranye na IGIHE yagize ati ‘‘Njye nize mu rurimi rw’Igifaransa ntabwo nari nzi Icyongereza neza ariko amezi atandatu maze niga yangiriye umumaro munini cyane. Nari nzi amagambo menshi y’Icyongereza n’amategeko amwe n’amwe y’urwo rurimi ariko sinabashaga kuba nayobora nk’inama mu rurimi rw’Icyongereza.’’

“Uyu munsi tuvugana niyunguye byinshi mu nyunguramagambo n’uburyo butandukanye ikoreshwamo. Ubu nshobora kuvugana na buri wese nta kibazo mfite.’’

Munyaneza yashishikarije abantu bose batazi Icyongereza kucyiga kuko kuba u Rwanda ruri mu Muryango wa Afurika y’Iburasirazuba n’uw’Ibihugu bikoresha Icyongereza ku Isi (Common Wealth).

Nta kabuza uzi Icyongereza afite amahirwe menshi yo gukorera ubucuruzi muri ibi bihugu, bikoresha Icyongereza dore ko u Rwanda rwafunguye amarembo kuri buri wese uzanye ibikorwa by’iterambere mu cyerekezo cyarwo cy’ishoramari rihamye.

Ishuri rya APACOPE ryigisha Icyongereza riherereye mu Murenge wa Muhima, mu Karere ka Nyarugenge, ku muhanda ugana kuri Yamaha uturutse kuri gare yo mu Mujyi wa Kigali rwagati ahazwi nka Down Town.

Iri shuri rimaze gusoza icyiciro cya mbere cyo guhugura abagera kuri 34 batyarijwe ubumenyi mu Cyongereza kuva muri Werurwe 2019. Abasoje iki cyiciro ubu baravuga neza Icyongereza nyuma y’amezi atandatu bahugurwa.

APACOPE iha ikaze buri wese ushaka kongera ubumenyi mu kuvuga no kwandika Icyongereza yakoresha mu kazi ke ka buri munsi kandi mu gihe gito.

Amasomo y’Icyongereza atangirwa muri APACOPE ari mu byiciro bitatu birimo icy’abatangizi, abazi Icyongereza gike n’abakizi ariko batabasha kuvuga cyangwa bifuza kongera ubumenyi bafite.

Iminsi yo kwiga ni ine kuva ku wa Mbere kugeza ku wa Kane guhera ssa Kumi n’ebyiri kugeza saa Mbili z’umugoroba.

Ibiciro by’amasomo biroroshye kuri buri wese. Ku bisobanuro birambuye wahamagara kuri 0786698298.

Munyemana avuga ko nyuma yo gukurikirana amasomo y'Icyongereza atangirwa muri APACOPE ubu ashobora kuyobora inama mu Cyongereza
Ishuri rya APACOPE riri mu ahagaze neza mu gutanga ubumenyi mu kuvuga no kwandika Icyongereza

Kwamamaza