IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

‘Ihoho Events Management Ltd ’ kompanyi yazanye uburyo budasanzwe mu gutaka no gutegurira ibirori

Burya ngo buri kazi kagira umuhanga wako kandi impano abantu bifitemo ziratandukanye;bamwe bazi kwinjiza ibitego, abandi ni abaririmbyi, abigisha, abazi gutegura no gutaka ahabereye ibirori n’ibindi.

Umunyarwandakazi Cathy Kayitesi washinze ikompanyi yitwa ‘Ihoho Events Managements Ltd’ ngo ajya gutekereza gukora ibujyanye no gutaka, yifuzaga ko uko abantu bagenda batera imbere n’u Rwanda rukihuta mu bukungu buri wese akwiye kugira umurimo we akaba ari wo anoza nta kuvangavanga ibintu.

Ihoho Event Managements Ltd ni ikompanyi imaze igihe gito itangiye ariko yazanye udushya mu gutegura no gutaka ahabereye ibirori mu buryo budasanzwe aho bashobora gutegura ahabereye ubukwe bifashishije ibitenge, imyenda isanzwe abantu bambara ariko y’amabara atandukanye ndetse bakanategura ubusitani ukaba wagira ngo ni munzu.

Kayitesi nk’umuyobozi w’iyo kompanyi, avuga ko ayifatanije n’abandi bize ibijyanye no gutaka mu nzu ‘interior Designing ’ku buryo bibafasha gukora ibintu neza kuko ari ibintu bize ndetse na we ngo amaze imyaka isaga icumi mu kazi ko kwakira abantu.

Mu kiganiro na IGIHE, Cathy Kayitesi watangije ‘Ihoho’, yatangaje ko impamvu yahisemo kuyita atyo, ari uko ‘Ihoho’ ari ikintu kiba ari cyiza kandi cy’agaciro bityo na bo uburyo bazanye bwo gutegura ahabereye ibirori haba mu nzu z’abantu, mu mahoteli, Resitora n’ahandi bikaba bigomba kuba bisa neza ku buryo bijyanya n’iryo zina.

Ati” Ihoho bivuze ubwiza, nk’abantu twize ibijyanye no gutegura imbere mu nzu ntabwo dupfunyikira amazi abatugana, tugira uburyo bwinshi dukoramo ’Décoration’,twereka umukiriya akaba ari we wihitiramo icyo tumukorera kandi bigendanye n’ubushobozi bwe, gusa ibyo dukora birihariye, iyo ukunda amabara avanze ni yo dukoresha, iyo ushaka ko tugutegurira Kinyarwanda cyangwa Kinyafurika na byo turabikora.”

Yongeyeho ati”Dukora ku buryo tuzana uburyo bwinshi kandi butandukanye, ukaba wakorera nk’ubukwe ahantu mu busitani ariko imitegurire yaho ikaba ari nk’iyi mbere mu nzu n’ubundi buryo butandukanye.”

Yakomeje avuga ko uko iminsi ishira ari ko hari ibigenda biva ku gihe akaba ariyo mpamvu bo noneho basigaye bataka bifashishije ibitenge bya kinyafurika ku buryo ubona ko ya amabara abantu bamenyereye atari yo kampara.

Si Decoration gusa bakora

Nk’uko izina ryabo riri, ‘Ihoho Events Managements Ltd banakora akazi ko gutegurira abantu inama, ibirori by’amavuko (Birtday party), ibyo gusoza amashuri, isabukuru zo gushyingiranwa, isabukuru y’abana n’abakuru, gutegura ibirori by’umwana wenda kuvuka (baby shower), ibirori byo mu muryango, gutegura amafunguro y’abakora ubucuruzi (Business diners) , n’ibindi ku buryo ubashinga igikorwa cyawe bakakigutegurira bidatumye usubika imirimo wari usanzwe ukora cyangwa ngo ubitegure nabi baguseke bitewe nuko utabimenyereye.

Ati” Nka Ihoho campany turifuza ko umuntu akora ibye azi neza na ho iby’abandi akabibarekera bakabikora, ibaze ukuntu nk’umucamanza avuga ngo ngiye gutegura isabukuru y’imyaka amaze akoze ubukwe. Ibyo ntabwo ari ibye kuko ibyo akora ni byo ashoboye nanjye nkagira ibyo nshoboye nko gutegura ibirori n’ibindi.

Abantu bakwiye kutugana kuko tubifitemo ubunararibonye tukamutegurira icyo ashaka cyose we akaza kuza ibintu biri ku murongo atavangavanze ibintu cyangwa ngo bagende bamuseka ko byari biteguye nabi.”

Kayitesi atangaza ko iyo ari ibirori bijyanye no gusaba no gukwa, bafite uko bahategura nk’uko babyize, byaba ari isabukuru y’amavuko na byo bikagira uko bikorwa kugeza no mu gutegura no mu cyumba cy’umuntu wabyaye.

Mu ikompanyi Ihoho, bataka muri za hôtel, mu nzu z’ababyifuza, mu biro, mu bunywero n’ahandi hose uberetse nk’ahabera imurika ry’ibintu bitandukanye n’ahandi.

Ukeneye ibindi bisobanuro kugira ngo bagufashe wabahamagara kuri +250788468120 cyangwa ukabandikira kuri [email protected]

Ushobora no gusura paji yabo ya facebook ariyo : Ihoho Events Managements

Twitter: @Ihoho_Events

Linkedin page: IHOHO Events Management

[email protected]

Bagutegurira bijyanye n'uko wowe ubyifuza
Icyumba cy'umwana bakigutegurira uko wowe ubishaka
Iyo ubyifuza ubusitani babugutegurira nko mu nzu imbere
Andi mafoto
  • Icyumba cy’umwana bakigutegurira uko wowe ubishaka
  • Bagutegurira bijyanye n’uko wowe ubyifuza
Contacts
IGIHE LTD
0788 74 29 08 / 0788 49 69 15
[email protected]
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved