Igitabo "Intwari y’Inganji muri bo" cyashyizwe ahagaragara

Igitabo Intwari y’Inganji muri bo cyashyizwe ahagaragara cyanditswe na Ntagungira Rashidi, agamije gushyira abayobozi bakuru bayoboye u Rwanda ku munzani w’imiyoborere.

Umwanditsi Ntagungira Rashidi yapimye imiyoborere y’abayobozi ahereye ku Mwami Mutara III Rudahigwa, akurikiranya abayobozi bayoboye igihugu cy’u Rwanda kugeza ku muyobozi gifite ubu ariwe Nyakubahwa Perezida wa Repuburika y’u Rwanda Kagame Paul.

Umwanditsi Ntagungira yapimaga agamije gushaka intwari yaganje abandi bayobozi mu kuyobora igihugu neza.

Mu bayobozi umunani (8) bavuzwe muri iki gitabo,byagaragaye ko Nyakubahwa Perezida wa Repuburika y’u Rwanda Kagame Paul ariwe wabashije guhiga abandi bayobozi,bityo Ntagungira niwe yasanze ari Intwari y’Inganji muri bo.

Urugero yatanze ni nko kuba yarabashije guhagarika Jenoside yakorewe Abatutsi no kuba yarabashije kubungabunga umutekano ariwo nkingi y’iterambere u Rwanda rwubakiyeho.

Ati “Iki gitabo kirimo ubuhanga n’ubusesenguzi nko kugaragaza ubuhanga bw’abatekinisiye b’Umuryango wa FPR Inkotanyi baberewe ku isonga na Nyakubahwa Perezida Kagame Paul aho bagejeje u Rwanda barugira rushya. Nyamara Jenocide yakorewe Abatutsi yari yararumenaguye, irugira nk’ibimene by’amacupa, ariko bararusannye rusigara rumeze nk’uko murubona ubu ari igihugu gikerereza abagenzi.”

Avuga ko abayobozi babi boretse igihugu bakwiriye kugawa n’abagiteje imbere bagashimwa .

Ati “ Nonese nta mutegetsi w’u Rwanda wigeze akora ibyiza?

Ngiye kuvuga ibintu uko nabibonye n’uko nabifashe nk’Umunyarwanda usanzwe,…kuko nge simbona impamvu Abanyarwanda bahora bavugira mu matamatama, bagahora bagaya abakora nabi kandi sinumve bashima ibyakozwe byiza.”

PNG - 602.1 kb
Umwanditsi Ntagungira Rashidi

Abayobozi bayoboye u Rwanda kuva mu gihe cy’Amajyambere y’ingoma nzungu ariko ko Kagame Paul akabahiga ni Umwami Mutara III Rudahigwa, Kigeri V Ndahindurwa, Mbonyumutwa Dominiko, Kayibanda Gregoire, Habyarima Juvenal, Sindikubwabo Théodore na Bizimungu Pasiteri.
Umwanditsi Ntagungira Rashidi yize amashuri abanza, nyamara nubwo bidasanzwe, yandika ibitabo byo mu byiciro by’ubumenyi butadukanye: ku iyobokamana, amateka ,politiki n’ibindi byinshi,yanditse mu rurimi rw’Igiswayire

Ati " Inkuru mbarirano iratubaha, Ni ahawe musomyi!"

Ushaka kubona iki gitabo,wareba ku rubuga: www.intwari.rw, abashaka kukigura mwakanda ahanditse "Buy Now" mukishyura mukoresheje amakarita ya Visa cyangwa MasterCard, ubundi ukabasha gusoma igitabo cyose cyuzuye.

Wanamwandikira kuri e-mail: [email protected]

Wanamuhamagara kuri: +250 785312936 / +250 725126320


Kwamamaza