IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Ibyo wamenya kuri Great Seasons Hotel ifite umwihariko muri serivisi za Restaurant, Bar, Piscine na Massage

U Rwanda ruri gutera imbere umunsi ku wundi by’umwihariko mu bijyanye n’ishoramari ry’amahoteli aho usanga buri yose ifite akarusho cyangwa umwihariko utuma yigarurira imitima ya benshi.

Great Seasons Hotel iri muri urwo ruhererekane rwazo yafunguye imiryango muri Mutarama 2015. Iyi hoteli iherereye mu Karere ka Gasabo mu Murenge wa Gacuriro kumuhanda uva kuri Tigo ugana aho umurenge wa Kinyinya wubatse.

Iyi hotel ifite akarusho ko kuba iri ahantu heza h’amahumbezi hitegeye Umujyi wa Kigali.

Great Seasons Hotel ifite inyenyeri eshatu ifatwa nk’iy’ibihe byose haba mu mvura, mu zuba, ku manywa na nijoro ihora ibereye buri wese kuko aho waba uturutse hose babasha kugutegurira indyo zo hirya no hino ku Isi bitewe n’icyo ukunda cyangwa wifuza kurya.

Aganira na IGIHE Bazimaziki Jean Népomuscène Ushinzwe Ubucuruzi n’Ibikorwa bya Hotel, yatangaje ko hari ubwo umuntu ashaka ahantu hatuje kandi yabonera amafunguro yifuza akahabura akaba ariyo mpamvu bifuza ko buri wese yamenya ko hatangirwa serivisi nziza.

Yagize ati “Iyi hoteli yitegeye Umujyi wa Kigali wose, turi ahantu hatuje, dufite ibiciro bibereye buri wese haba ku byumba, restaurant, salle, piscine, bar n’izindi serivisi zose dutanga. Umwihariko wacu ni uko ibiciro byacu byorohereye buri wese kandi haba ku banyamahanga n’abanyafurika duteka indyo buri wese yifuza tukamutekera abireba ku buryo adakemanga isuku yacu.”

Ibyumba bya Great Seasons Hotel ni nta makemwa

Great Seasons Hotel ifite ibyumba 31 bitandukanye bitewe n’icyo buri wese ashaka, buri cyumba gifite ibyuma bitanga amahumbezi (climatiseur), televiziyo, intebe n’ameza ku buryo ushobora kugira ibyo wakora, haba harimo kandi ibyagufasha gukora icyayi ndetse haba hanarimo internet nziramugozi (wifi).

Single Standard Room: ni icyumba cy’umuntu umwe, gifite televiziyo, aho gukorera icyayi ndetse n’ubwogero na garde robe.

Double room: Ni icyumba gifite igitanda kinini, gishobora kujyaho abantu babiri nacyo kiba kirimo ibikenewe byose.

Twin room: Ni icyumba gifite ibitanda bibiri bitandukanye, gishobora kujyaho abantu babiri nacyo kiba kirimo ibikenewe byose.

Executive Suite Room: Ni icyumba kirimo bibiri byo kuryamamo, kikagira n’uruganiriro, kigira na televiziyo haba mu byumba no muri salon. Iki cyumba kinagira igikoni ku buryo ushobora no kuhatekera.

Junior Suite Room: Ni icyumba kirimo aho kuryama kikagira na salon aho ushobora kuganirira kandi kikagira televiziyo haba mu cyumba no muri salon, nacyo cyiyongeraho n’igikoni ku buryo wakwitekera.

Ibyumba bya Great Season Hotel

Ibyumba by’inama n’amahugurwa atandukanye

Iyi hotel ifite ibyumba bitanu by’inama n’amahugurwa by’ingano zitandukanye guhera ku bantu 10 kugeza ku 150.

Restaurant na Bar

Igikoni cya Great Seasons Hotel kijyanye n’igihe kuko batekera iruhande rwa restaurant buri wese areba ibyo bamutegurira kugira ngo hatagira ukemanga isuku yabyo. Ibinyobwa byaba ibisembuye n’ibidasembuye ubisanga ku biciro byiza bituma wumva hotel ari ahantu udakwiriye gutinya. Ikindi ni uko Bar iri hafi ya Piscine ku buryo byorohera buri wese kuba yava mu bwogero agafata icyo ashaka.

Wellness Center: Igizwe na Piscine, Sauna na massage

Sauna: GreatSeasons Hotel bafite sauna nziza ibereye buri wese, isuku iharangwa yonyine ituma utakwifuza gutaha. Sauna yaho bakoresha uburyo bwo gucana inkwi hagashyirwamo n’imiti y’ibyatsi bitanga umwuka utuma umuntu agarura ubuyanja.

Massage: Muri Great Seasons Hotel hari massage nziza cyane ijyana no gukangura ibice by’umubiri byasinziriye ‘iyakura myakura’ (reflexology) kandi ku giciro cyiza. Utanga 10,000 Rwf ugakorerwa isaha yose. Hari kandi na massage isanzwe, aho utanga 6000 Rwf gusa ugakorerwa isaha yose. Bafite abakozi babyize kandi barangwa n’ubunyangamugayo n’ikinyabupfura ku buryo buri wese aba yizeye ko ahabwa serivisi nziza.

Great Seasons Hotel ntibibagiwe ikoranabuhanga

Umukiliya wese ugeze muri Great Seasons Hotel abona internet ku buntu kandi inyaruka. Iyo ugize icyo usaba kuri iyo hotel ubandikiye, mu ikoranabuhanga ryabo bihita bibageraho ugasubizwa byihuse.

Ukeneye ibindi bisobanuro wabandikira kuri [email protected] , [email protected] Cyangwa website yayo www.greatseasonshotel.rw. Wanabahamagara kandi kuri +250787263885/ +250783814000.

Great Season Hotel iherereye mu Karere ka Gasabo, Umurenge wa Gacuriro ku muhanda KG 14Ave, 383 St, House No 326

Inyubako za Great Season Hotel
Aho bakirira abakiliya
Bafite ibyumba by'inama byakira abantu b'ingeri zitandukanye
Bar ya Great Season Hotel
Icyumba cy'inama muri Great Season Hotel
Piscine yayo iri ku rwego rugezweho
Inyubako za Great Season Hotel
Uko aho abakirya bafatira amafunguro haba bateguye
Batanga na serivisi za Sauna na Massage
Andi mafoto
  • Abatamenyereye koga bahabwa ubufasha n’umutoza ubizobereyemo
Contacts
IGIHE LTD
0788 74 29 08 / 0788 49 69 15
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved