Hill View Hotel Lake Kivu yadabagije abakiliya bayo mu minsi mikuru isoza umwaka

Mu gufasha abakiliya kwizihirwa n’iminsi mikuru isoza umwaka wa 2018, Hill View Hotel Lake Kivu, yabateguriye serivisi zihariye zirimo imyidagaduro, imikino y’abana n’umuziki w’indirimbo zituje zibasusurutsa, babifashijwemo n’itsinda ry’abarangije mu ishuri ry’umuziki ryahoze ku Nyundo.

Uretse kuba iyi Hoteli iherereye ku nkengero z’ikiyaga cya Kivu, ifite n’inyubako inogeye amaso kandi iri mu mahumbezi ya Kivu, bigafasha abayigana kuruhaka mu mutuzo.

Abasanzwe bayigana bo bazi neza ko Hill View Hotel Lake Kivu yihariye mu gutanga serivisi zo ku rwego mpuzamahanga ariko muri iyi minsi mikuru isoza umwaka bikazaba akarusho.

Umuyobozi wayo, Rukinirwa Eric, yabwiye IGIHE ko mu mpera z’uyu mwaka by’umwihariko kuri Noheli abana bazafashwa kuyizihiza mu gitaramo cyizitabirwa n’abahanga mu muziki.

Ati “Muri iyi minsi mikuru irangiza umwaka twateguye gahunda zidasanzwe nko mu gitaramo cya Noheli no ku munsi nyir’izina aho abana bazataramirwa na Band igizwe n’abarangije mu ishuri ry’umuziki ryahoze ku Nyundo.’’

Muri serivisi zidasanzwe iyi hoteli yateguye, harimo udushya twinshi nk’amafunguro yihariye yagenewe iminsi mikuru, koga muri piscine biyumvira umuziki unogeye amatwi.

Si ibyo gusa kuko abananiwe n’abafite amavunane, bateguriwe sauna nziza, n’abifuza koga mu kivu, bakazabifashwamo, dore ko iyi Hotel iri ku mwaro wacyo.

Hotel Hill View Kivu ni imwe mu zigezweho mu Mujyi wa Rubavu no mu Rwanda. Ibi bishimangirwa n’uko ku 20 Ukuboza 2018 Ikigo cy’Igihugu cy’Iterambere (RDB) cyayishyize ku rutonde rwa 19 z’Inyenyeri eshatu.

Gutanga inyenyeri kuri Hoteli bishingirwa ku bugenzuzi buzikorerwa ku ngingo 16 zirimo ibikoresho byo ku nyubako, imiterere ya restaurant, bar, igikoni, ibyumba, isuku, serivisi z’amajwi, parking n’umubare w’abakozi zigenwa n’ibipimo bihuriweho mu Muryango wa Afurika y’Uburasirazuba (EAC).

Ubuyobozi bwa Hill View Hotel Lake Kivu n’abakozi bayo, basoza bifuriza Perezida wa Repubulika, Abanyarwanda n’abakiriya bazayigana muri rusange, umwaka mushya muhire wa 2019.

Hill View Hotel Lake Kivu iherereye mu Nkengero z’ikiyaga cya Kivu, hepfo gato y’ibiro by’Akarere ka Rubavu.

Amafoto agaragaza ubwiza bw’iyi hotel


Kwamamaza