IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Hi Belgium Pass, uburyo bushya bworohereza abatembera mu Bubiligi

Ba mukerarugendo bagana u Bubiligi bashyiriweho uburyo bwiswe ‘Hi Belgium Pass’ bubafasha gutembera mu gihugu biboroheye kandi ku kiguzi gito cyane.

Ubu buryo bwatangijwe kuwa Gatanu w’icyumweru gishize, tariki 21 Mata 2017, bugamije kuzahura ubukerarugendo bwari bwarasubijwe inyuma n’ibitero by’iterabwoba byagabwe i Bruxelles kuwa 22 Werurwe 2016 bigahitana abarenga 30.

Mu minsi yakurikiyeho, leta n’ibigo by’abikorera bashyize ingufu mu bikorwa byo kugarura isura nziza y’u Bubiligi. Kimwe muri byo ni uburyo bwitwa ‘Hi Belgium Pass’ bwagezweho ku bufatanye bwa kompanyi y’indege yo muri icyo gihugu, Brussels Airlines, Ikibuga cy’indege cy’i Bruxelles (Brussels Airport), Ikigo gishinzwe ingendo za Gariyamoshi (Belgian Railways), ibigo bitandukanye bikora ibijyanye n’ubukerarugendo n’imijyi yo mu Bubiligi.

Ku mayero 149 gusa, abagenzi bakoresha uburyo bwa ‘Hi Belgium Pass’, babasha gukora ingendo ziva ku bibuga by’indege 50 byo mu bihugu 18 berekeza i Bruxelles, kandi bahagera bagatemberezwa ahantu hatandukanye bifuza bari muri gariyamoshi, basura ibyiza bitatse icyo gihugu birimo inzu ndagamurage n’ibindi.

Buri muntu asabwa guhitamo imijyi ibiri yo mu Bubiligi ashaka gusura, ubundi akayitemberezwa uko abyifuza.

Ubu buryo bwatekerejwe na Brussels Airlines, bushyirwa mu bikorwa ku bufatanye n’ibigo bitandukanye byo mu Bubiligi birimo Brussels Airport, Belgian Railways, ibigo bitanga serivise zijyanye n’ubukerarugendo nka Toerisme Vlaanderen, Visit Brussels, Belgique-Wallonie, Brussels Museum Council n’imijyi nka Brussels, Bruges, Ghent, Antwerp, Leuven, Luik na Mechelen.

Mu minsi mike iri mbere, indi mijyi nayo izagezwamo ubu buryo.

Umuyobozi Mukuru wa Brussels Airlines, Bernard Gustin, yashimiye abafatanyabikorwa bose bagize uruhare mu gutunganya uburyo bwa Hi Belgium Pass, avuga ko bugiye gutuma u Bubiligi bumenyekana kurushaho.

Gustin yagize ati “Nyuma y’umwaka kuva kuwa 22 Werurwe, turacyabona impamvu yo gukurura ba mukerarugendo b’abanyamahanga bakaza gusura igihugu cyacu. Intego ni ugukomeza kwagura ubu buryo bugakwira no mu yindi mijyi. Iyi ni intangiriro y’ubufatanye bukomeye mu gihugu cyacu.”

Ubu buryo bwemerera abagenzi kwerekeza i Bruxelles kuva kuwa Kane kugeza kuwa Gatandatu bakahava ku Cyumweru, ku wa Mbere cyangwa ku wa Kabiri. Ni uburyo buzakoreshwa muri uyu mwaka wose wa 2017 bukagenerwa ba mukerarugendo bakomoka mu bihugu birimo u Budage, u Bufaransa, u Bugiriki, u Butaliyani, Denmark, Hongrie, Croatie, Lituanie, Norvege, Autriche, Pologne, Portugal, u Burusiya, Espagne, Suède, Repubulika ya Tchèque, u Busuwisi n’u Bwongereza.

Amatike ya ’Hi Belgium Pass’ aboneka ku rubuga rwa internet rwa Brussels Airlines, brusselsairlines.com.

Kanda aha urebe Video

Atomium,urwibutso ndangamataka ruhereye mu mujyi wa Bruxelles, hasurwa cyane na ba mukerarugendo
Andi mafoto
  • Atomium,urwibutso ndangamataka ruhereye mu mujyi wa Bruxelles, hasurwa cyane na ba mukerarugendo
Contacts
IGIHE LTD
0788 74 29 08 / 0788 49 69 15
[email protected]
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved

Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244