IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Hasigaye iminsi ibarirwa ku ntoki expo ihuza abakora iby’ubwubatsi igatangira

Tariki ya 29 Ugushyingo 2016 kugeza tariki ya 4 Ukuboza 2016 kuri Stade Nto i Remera hazabera imurikagurisha ry’ibikoresho byifashishwa mu bwubatsi rizitabirwa n’ababicuruza, ababigura n’ibigo by’imari n’amabanki, mu rwego rwo gufasha buri muntu kubona ibyo akeneye ngo yubake, anasane inzu adahenzwe cyangwa ngo ahabwe ibitujuje ubuziranenge.

Ni muri urwo rwego ubuyobozi wa Rwanda Home ari nabo bateguye iryo murikagurisha ry’amateka rizahuza abashaka kubaka n’ababikoramo butangaza ko hasigaye iminsi mike bityo abashaka kuzaryitabira bakaba bakwihutira kwiyandikisha.

Mu kiganiro IGIHE yagiranye n’Umuyobozi Mukuru wanashinze Rwanda Home, Mulari Phillip yatangaje ko iri murika ari uburyo bwiza bwo kubona amakuru yose ajyanye n’iby’ubwubatsi mu Rwanda kuko usanga hari n’abatazi ahagenewe kubakwa inzu z’ubucuruzi, aho guturwa n’ibindi.

Ati “Iri murikagurisha rizitabirwa n’ibigo bitandukanye, nk’Umujyi wa Kigali ukazasobanurira abazaryitabira uko igishushanyo mbonera giteye, buri wese amenye aho yakubaka, aho yatura n’ibindi byose byibazwa ku miturire.”

Yakomeje avuga ko iri murikagurisha rizahurirana no gutangiza ku mugaragaro urubuga rwa www.rwandahome.com ruzajya rukorerwaho ubucuruzi bwo kuri internet rugahuza abagura n’abacuruza ibijyanye n’ubwubatsi.

Ati “Urwo rubuga tuzatangizwa ku mugaragaro uwo munsi ruzakomeza gutanga serivisi zihuza abashaka kugura, kugurisha no kumenyekanisha ibikoresho bitandukanye mu rwego rw’ubwubatsi.”

Mugabe Pascal ushinzwe guteza imbere ibikorwa ndetse n’ikoranabuhanga muri Rwanda Home yatangaje ko abifuza kuzitabira iryo murikagurisha bakwihutira kwiyandisha kuko babifitemo amahirwe menshi kandi hasigaye igihe gito.

Ati “Turasaba ibigo n’abantu ku giti cyabo bashaka kuzitabira iri murikagurisha ry’ibijyanye n’ubwubatsi kwiyandikisha kuko ibibanza by’ahazabera imurikagurisha bisigaye ari bike. Abazitabira iryo murika tuzabaha amezi ane y’ubuntu yo kumenyekanisha ibikorwa byabo ku rubuga rwacu www.rwandahome.com. Ikindi ni uko bazabona abakiriya bako kanya cyangwa amakuru y’ibyo bakora akamenyekana ku bantu basaga ibihumbi 10 duteganya ko bazareba ibimurikwa.”

Iri murikagurisha rizajya ritangira saa yine z’amanywa rigeze saa yine z’ijoro mu rwego rwo korohereza abakora akazi kageza nimugoroba kuhagera nabo bakagura ibyo bifuza.

Uzitabira iryo murika azabasha kubona intebe, ibitanda, imitako, utubati, beto, amarangi, inzugi, amadirishya , amakuru yaho yagura ikibanza, inzu zigurishwa n’ibindi.

Iri murikagurisha ririmo udushya

Ubuyobozi bwa Rwanda Home buvuga ko iri murikagurisha ririmo udushya kuko ibigo bizaba byagabanyije ibiciro mu buryo bufatika kubera iminsi mikuru ya Noheli n’Ubunani izaba yegereje.

Ikindi ni uko hazaba harimo imyidagaduro yose y’abana n’abakuru, harimo ibiribwa n’ibinyobwa kubazabyitabira ntibicwe n’inzara.

Kwiyandikisha birakomeje bizasoza tari ya 25 Ugushyingo 2016, ukeneye ibindi bisobanuro yabasura ku rubuga rwabo www.rwandahome.rw cyangwa akabandikira kuri 0788576051, 0782833580, 0788932144, 0784146832.

Soma indi nkuru bifitanye isano: Kigali: Hagiye kuba imurikagurisha rikomeye rizasubiza abifuza gutunga inzu zabo

Ibikoresho byifashishwa mu bwubatsi bizaba bihari ku giciro giciciritse
Ibikoresho byo mu nzu nk'intebe bizaba bihari
Ibikoresho byose bikenerwa mu bwubatsi bizamurikwa
Hazagaragaramo ibikoresho byakorewe mu Rwanda
Iri murikagurisha rizagaragaramo ibikoresho byiza kandi bidahenze
Andi mafoto
  • Ibikoresho byifashishwa mu bwubatsi bizaba bihari ku giciro giciciritse
  • Iri murikagurisha rizagaragaramo ibikoresho byiza kandi bidahenze
  • Hazagaragaramo ibikoresho byakorewe mu Rwanda
  • Ibikoresho byose bikenerwa mu bwubatsi bizamurikwa
  • Ibikoresho byo mu nzu nk’intebe bizaba bihari
Contacts
IGIHE LTD
0788 74 29 08 / 0788 49 69 15
[email protected]
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved