IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Habonetse ikigo gitanga amahugurwa ku bantu bakora akazi k’ibyo batigiye

Kuri ubu umwuga ntugikorwa gusa n’abawize ahubwo bitewe n’icyerekezo cy’ubuzima, umuntu ahitamo gukora umurimo wose abonye kugira ngo arebe ko bwacya kabiri, ari nabyo bituma habaho itandukaniro hagati y’abantu bakora ibyo bize n’abakora akazi kugira ngo babone amaramuko.

Iyo niyo mpamvu ikigo Regional Training & Resource Centre gitanga amahugurwa y’ingeri zitandukanye kigakora n’ubushakashatsi cyafunguye imiryango ku bashaka kwihugura mu byo bakora batarabyize.

Mu byo bakunda gukora cyangwa bifuza gukora kugira ngo mu mezi abiri gusa babe bamaze kubona ubumenyi ndetse n’impamyabushobozi zemewe n’ikigo cy’amahugurwa cy’Abongereza (London Professional Training Centre) ndetse n’Ishuri rikuru ryigisha ibijyanye no kunoza imitangire ya Serivisi (Chartered Institute of Customer Relationship Management) rifite icyicaro muri Amerika zituma babasha guhangana ku isoko ry’umurimo.

Mu kiganiro IGIHE yagiranye na Joseph Cheruiyot ushinzwe gahunda y’imyigishirize mu kigo, Regional Training & Resource Centre, yatangaje ko barebye bagasanga hakwiye kugira igikorwa kugira ngo abantu bakora ibyo batize barusheho kunoza imikorere yabo.

Yagize ati “Twasanze umuntu arangiza kaminuza wenda mu mategeko agahita ajya mu bucuruzi, akajya kwigisha, gushinga akabari n’ibindi, nyamara ibyo byose hari amategeko n’imyitwarire abigenga kugira ngo ubashe gutera imbere. Twakoze inyigo dusanga mu mezi abiri gusa twaba tumaze gufasha umuntu mu by’ibanze akenera mu gukora akazi katajyanye n’ibyo yize ku buryo agakora neza nk’uwakize.”

Yakomeje avuga ko uretse n’abakora akazi k’ibyo batize, iki kigo kinatanga amahugurwa ku bantu bose bashaka gukuza impano zibarimo cyangwa kwiyungura ubumenyi mu byo bifuza gukora .

Ati “Duhugura abantu mu bintu bitandukanye nko kuvugira mu ruhame, amasomo ya mudasobwa, ibijyanye no kuyobora, indimi n’andi amasomo atandukanye kandi impamyabushobozi zacu zemewe n’Ikigo cy’amahugurwa cy’Abongereza.”

Cheruiyot avuga ko nk’abantu bashaka kuyobora ibitaramo n’ibirori babigisha bakanabakoresha imyitozo ku buryo uwo muntu agaragaza itandukaniro hagati ye n’abapfa kubikora badafite icyo bagenderaho n’uburyo baba bakwiye kwifata mu kazi kabo kabahuza n’abantu benshi.

Umwihariko iki kigo gitanga amahugurwa gifite, ni uko umuntu wese uje ashaka amahugurwa niyo yaba umwe yigishwa kugeza bamugejeje ku rwego yifuza.

Yagize ati “ Ntabwo twitaye ku bwinshi bw’abantu kuko batananganya ubushobozi, buri wese tumufasha ku rwego ariho kandi tukamugeza aho yifuza.”

Ikigo Regional Training & Resource Centre gitanga amahugurwa mu byiciro bitandukanye birimo

- Ibijyanye n’amasoko (Tender Process & Proposal Development Course)

- Ibijyanye n’ubushakashatsi (Statistical Package for Social Scientists (SPSS)

- Ibyo kunoza imishinga (Project Management )

- Igenzurabikorwa (Monitoring & Evaluation)

- Kuvugira mu ruhame (Public Speaking)

- Imenyekanisha bikorwa (Brand Management)

- Kwigisha Porogaramu zo gutegura igenamigambi (Microsoft Project)

- Imikoreshereze y’imbuga nkoranyambaga (Social Media Strategy & Management)

- Corporate Social responsibility and Sustainability

Ikigo cy’amahugurwa Regional Training & Resource Centre gifite ubushobozi bwo kwakira abanyeshuri ijana muri gahunda ya kumanywa ndetse na ni mugoroba.

Iki kigo kigamije gufasha cyane urubyiruko baba abarangije kwiga n’abakiri ku ntebe y’ishuri, cyatangiye muri Werurwe uyu mwaka ndetse mu ntangiriro z’umwaka utaha wa 2017 kirateganya gutangiza amashami mu Karere ka Kayonza mu Ntara y’Iburasirazuba ndetse no muri Musanze mu Majyaruguru.

Si amahugurwa gusa batanga kuko iki kigo kinakora ubushakashatsi ndetse n’ubugenzuzi ku bigo bitandukanye nyuma yo kugirana amasezerano y’ubufatanye na ba nyirabyo.

Ikigo Regional Training & Resource Centre giherereye mu Karere ka Kicukiro, Umurenge wa Kicukiro, Akagali ka Gasharu iruhande na Kaminuza ya Jomo Kenyatta.

Ukeneye ibindi bisobanuro wasura urubuga rwabo www.regtrc.com, Facebook ni : RTRC Rwanda naho kuri Twitter wabakurikira kuri @ RtrcRwanda.

Ushobora no kubahamagara kuri 0785223600 ,0738224700 ndetse no kuri 0781523233.

Umuyobozi ushinzwe gahunda y’imyigishirize mu kigo, Regional Training & Resource Centre, Joseph Cheruiyot
Abakiliya bakiranwa ubwuzu bagasobanurirwa imikorere y'iki kigo
Umwe mu bakozi mu kigo RTRC, Dan Kahaya
Icyumba gitangirwamo amahugurwa
Mu marembo y'ikigo
Iki kigo kiri ku muhanda ugana Sonatube hafi na Kaminuza ya Jomo Kenyatta
Iki kigo gitanga amahugurwa mu masomo atandukanye
Andi mafoto
  • Abakiliya bakiranwa ubwuzu bagasobanurirwa imikorere y’iki kigo
  • Iki kigo gitanga amahugurwa mu masomo atandukanye
  • Umwe mu bakozi mu kigo RTRC, Dan Kahaya
  • Iki kigo cyegeranye na Kaminuza ya Jomo Kenyatta
  • Mu marembo y’ikigo
Contacts
IGIHE LTD
0788 74 29 08 / 0788 49 69 15
[email protected]
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved