IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

GOSHEN Finance yateguriye ubusabane abatuye Akarere ka Rubavu

Ikigo cy’imari GOSHEN Finance cyateguriye abakiriya bacyo, inshuti za Goshen n’abaturage ba Rubavu ubusabane bazasangiriramo banaganira uko bakwiteza imbere mu by’imari babifashijwemo na Goshen.

Umuyobozi wa Goshen ku rwego rw’igihugu, Musangamfura Ignace, avuga ko iki gikorwa kigamije kwegera abakiriya babo bakabamenyesha gahunda babafitiye mu gihe cy’umwaka wose, bakabashimira ko bahisemo Goshen, kandi bagaha ikaze n’abandi baturage ba Rubavu bifuza kugana iki kigo cy’imari ngo kibafashe mu iterambere ry’imari.

Umuyobozi wa Goshen akomeza avuga ko muri gahunda yo kumenyekanisha ibikorwa byabo, barushaho kubasobanurira ibyerekeye imikorere n’imikoranire, bakamenya n’ibyifuzo byabo kugira ngo bishyirwe mu bikorwa.

Ishami rya Rubavu rya Goshen Finance

GOSHEN izafasha abatuye Rubavu kubyaza inyungu amahirwe ahaboneka

Ishami rya Goshen i Rubavu ryafunguwe mu mwaka wa 2014, ariko kuhakorera igikorwa nk’iki cy’ubusabane n’abaturage mu mwaka wa 2017 bifatiye ku mahirwe menshi Akarere ka Rubavu gafite mu kuzamura ubukungu bw’abagatuye, kandi mu ngeri zinyuranye.

Umuyobozi wa Goshen yatangarije IGIHE ko Rubavu ifite abacuruzi batari bake bakora ubucuruzi bwambukiranya imipaka, ubucuruzi buba bukeneye amafaranga yo kubuzamura no kubunganira, hari ubutaka bwera neza ku buryo ibikorwa by’ubuhinzi byizwe neza byazanira inyungu nini ababukora.

Yongeyeho ko n’ubworozi bushoboka cyane muri Rubavu no mu nkengero zayo, ndetse n’ibikorwa by’uburobyi bishobora kubyarira imari isumbyeho abasanzwe babikora, cyangwa abandi babikoramo imishinga ifite icyerekezo.
Musangamfura Ignace, Umuyobozi Mukuru wa GOSHEN Finance

Musangamfura avuga ko ibi byose bazabiganiraho n’abatuye Rubavu ku Cyumweru, tariki ya 26 Werurwe 2017 kuri Hotel “Western Mountain”, mu birori by’ubusabane no gushyira ahagaragara ibikorwa byose bya Goshen, bizaba binayobowe n’abakuriye Goshen ku rwego rw’igihugu.

GOSHEN ni ikigo cy’imari gikorera mu Rwanda kuva mu myaka isaga icumi ishize, gikora ibikorwa byo kubitsa no korohereza abakigana kubona inguzanyo mu buryo bworoshye kandi bubanogeye, kigakorana bya hafi cyane na ba rwiyemezamirimo baciriritse (SMEs), abacuruzi, abanyamishahara, abanyabugeni n’abanyabukorikori, mu kubafasha kuzamura ibikorwa byabo, kwiteza imbere mu by’imari no kugera ku ntego (inzozi) zabo.

Umuyobozi wa Goshen ku rwego rw'igihugu, Musangamfura Ignace
Zimwe muri serivise za GOSHEN Finance
Andi mafoto
  • Umuyobozi wa Goshen ku rwego rw’igihugu, Musangamfura Ignace
  • Ishami rya Rubavu rya Goshen Finance
  • Zimwe muri serivise za GOSHEN Finance
Contacts
IGIHE LTD
0788 74 29 08 / 0788 49 69 15
[email protected]
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved

Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244