IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Eco Protection irakataje mu gutunganya amazi mabi akongera gukoreshwa

Nubwo Isi ihanyagikishijwe n’iyangirika ry’ibidukikije kubera ibikorwa bya muntu, hari uburyo butandukanye bugenda buvumburwa n’abahanga kugira ngo byibura umuvuduko w’ibyanduza ibidukikije ubashe kugabanyuka.

Ni muri urwo rwego Sosiyete Eco Protection iri gukora ubukangurambaga bwo kumenyesha cyane abafite ibigo by’amashuri, amavuriro, amahoteli , resitora, utubari, insengero n’ahandi hose hahurira abantu benshi, kwitabira gukoresha imashini zitangwa n’iki kigo kuko ari uburyo bwiza bwo kudasesagura amazi no kugabanya amazi mabi yoherezwa mu butaka.

Mu kiganiro IGIHE yagiranye n’Umukozi ushinzwe ubucuruzi muri Sosiyete ya Eco Protection, Tunga Benitha Martine, yatangaje ko iyi sosiyete iri gukora ubwo bukangurambaga kugira ngo abantu bumve akamaro ko gukoresha imashini mu gusukura amazi mabi kuko biri no mu nyungu zo kurengera ubuzima ngo bwe guhungabana.

Ati” Kuva mu 2007, sosiyete yacu ya Eco protection ducuruza imashini zisukura amazi mabi aba yakoreshejwe haba mu gikoni, mu bwiherero no mu yindi mirimo akongera gukoreshwa. Izo mashini tunazishyira mu nyubako (installation) ndetse no kuzisana igihe zigize ikibazo. Icyo tugamije kwirinda ni ugukomeza kohereza amazi mabi mu butaka kuko amasoko tuvomaho yakwangirika agateza ibindi bibazo ubuzima bw’abantu."

"Niyo mpamvu muri ubu bukangurambaga tugira ngo abantu bumve ko iyo ibidukikije bimeze neza bidahumanye n’abantu baba bazima.”

Tunga akomeza avuga ko mu rwego rwo kurengera ibidukikije, hari itegeko rivuga ko inyubako nshya zigomba kuba zifite imashini zitunganya amazi mabi, akaba ari muri urwo rwego abantu bakwiye gutangira kubyubahiriza ariko babanje no kumva akamaro kabyo.

Ati” Bisaba ko umuntu aba yumva agaciro k’ibi bintu, akumva ko gukoresha amazi yo mu gikoni n’ayo kumesa warangiza ukayamena ari igihombo mu gihe kuyasukura byari gutuma wongera ukayakoresha nko mu kuhira ubusitani, koza imodoka n’ibindi, ukaba ugabanyije n’amafaranga wari gusohora kandi ukabasha no kurengera ibidukikije.”

Imashini zitangwa na Eco protection zujuje ubuziranenge

Sosiyete ye Eco protection ifite uburenganzira butangwa RURA bwo gushyira izo mashini mu nyubako nyuma yo gusanga ikigo kizibaha kimaze imyaka 50 kibikora akandi gifite ubuziranenge mpuzamahanga.

Tunga ati” Impamvu abantu baba batagomba kugira impungenge z’ayo mazi mabi aba yatunganyijwe, ni uko afatirwa ibipimo agapimwa hanyuma ibipimo bivuyemo tukareba niba byemewe ku mazi yo gukoreshwa.”

Kuva sosiyete ya Eco protection yatangira, imaze kugeza mu nyubako 117 imashini zisukura amazi aba yakoreshejwe kugira ngo yongere gukoreshwa mu mirimo itandukanye.

Ku bijyanye n’igiciro abantu bashobora kumva ko kihagazeho, ubuyobozi bwa Eco protection bwemeza ko bagena igiciro bitewe n’uburyo inyubako ingana ariko nanone bigasaba ubikeneye kumenya agaciro n’impamvu abikeneye kugira ngo adatekereza ko bihenze.

Mu bukangurambaga iyi sosiyete irimo, hatangwa ubutumwa mu itangazamakuru, kandi harateganywa no gutangwa amahugurwa ku rubyiruko kugira ngo babimenye ndetse bajye bagira n’uruhare rwo kubyumvisha ababyeyi babo cyangwa ibigo bakorera.

Andi mafoto
Contacts
IGIHE LTD
0788 74 29 08 / 0788 49 69 15
[email protected]
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved